CHAPITRE PREMIER

Comment et pour quelle cause Philippe^ duc de Bourgongne, de Bradant ^ de Lothiersy de Lembourg et de Luxembourg, comte de Flandres , requist aux quatre membres de Flandres certaine imposition sur le sel, qui fut la cause peurquoy la guerre seurdit c/'^ celug duc contre les Ganthois.

En 1451 Philippe duc de Bourgongnc, de Brabant, à l'âge de cinquante quatre ans ou environ , assembla les quatre membres de Flandres. Pour donner à entendre ce que c'est que les quatre membres de Flandres, vray est qu'en la comté de Flandres il y a plusieurs grosses villes et villages, avec plusieurs villes, fermées qui ne sont point sy grandes comme Bruges ou Gand; et est cette comté divisée en quatre membres, desquels le premier est la ville de Gand, qui est l'une des plus fortes et grosses villes , fort peuplée , s'y comprend tout le pays de Wast , qui est un fertile pays : le second membre est Bruges, avec laquelle ville se comprend celle de Nieuport sur la mer, et aultres gros villages : le tiers membre est la ville d'Ypre, avec laquelle se comprend la ville de Bergue, Dunckerque et aultres grosses terres et villages : le quatrième membre est la ville de Courtray, avec laquelle se comprend la ville d'Audenarde, la ville de Terremonde et aultres gros villages et villes, comme la ville et comté d*Alost , le pays de quatre métiers , et autres places : icelluy pays de Flandres est moult fort beau pays , et s'y vit , et gouverné en partie avecq le mestier de drapperie, de marchandise de sel , tant en harêncgs , moUues drogues et poissons de mer, qu'ils salent et dont ils pourvoient le pays d'aultour d'eulx. Apres que le duc Philippe comte de Flandres eult assemblé iceulx membres, il leur requist, que pour supporter ses affaires et les frais qu'incessamment lui convenoit faire en plusieurs manières, ils lui voulissent octroyer que sur chacun sac de sel qu'on vendroit en la comté de Flandres , il put prendre à soix profit advenir vingt quatre gros, monnoie de Flandres lors courante, lesquel& vingt quatre gros valloient alors demy écu d'or de la forge de France; et moyennant ce , ledit Philippe leur seigneur estoit content de leur promettre que de ce Jour en avant ne leur feroit jamais requeste, qu'ils lui accordassent nulles

r>fi

MEMOIRES DE Dl CLEBCQ.

uydes qu'on appeloit tailles, et leur proniettoit de n'en jamais eulx requérir; et pour donner à entendre ce que c'estoit d'un sacq de sel, vray est que un sacq de sel estoit le faix qu'un fort et rude homme de trente ans pouvoit soutenir sur ses épaules, pour porter de lieu en un aultre; or la requeste du duc Philippe, les quatre membres considérant ceulx de la ville de Gand premier membre et principal d'ieelle comté, car ccstuy membre pouvoit plus audit pays que les aultres trois, tout le pays de Flandres ou en partie se nourrlssoit de choses salées , et par le 'moyen des marchandises salées qu'ils menoient hors du pays de Flandres, l'argent venoit au pays, et en estoit riche, doubtans que s'ils accordoient Icelle requeste à leur seigneur pour le temps advenir , icelluy leur seigneur ou aultres après lui leur demanderoient aydes ou tailles , et pour ce payeroient de deux manières, laquelle chose ils ne pourroient bonnement souffrir , sans gros préjudice ; car icelle imposition sur le sel monteroit tous les ans à Infinis deniers , et prendrait jamais fin ; icelluy membre de Gand , toute la ville , et tout le pays à eulx subject, ne voullurent accorder au duc leur seigneur icelle requeste, ny que ladite imposition lut mise sur le sel ; ains fut du tout, contredict, et répondirent au duc leurdit seigneur qu'ils avoient convenu ensamble et conclud entre eulx , que jusques à la mort du dernier homme de la ville de Gand , et du pays à eulx subject, lis n'accorderoient ny souffriroient ladite imposition estre mise sus; ouie laquelle response par les aultres trois membres de Flandres, ils conclurent entre eulx qu'ils feroient remonstrer au duc que touchant ladite imposition, ils s'y gouverneroient ainsy et pareillement que ceulx de Gand , et non aultrement; et cette response ils firent au duc Philippe après lesquelles responses il leur donna congié, et ne resquit plus ladite imposition sur le sel ; mais ceulx de Gand depuis qu'ils eurent refusé ladite imposition, s'apperçurent bioi^ que quand ils avoient affaire au duc^ ou à son conseil, ils n'a voient point si bon accès comme ils avoient accoustumé d'avoir; parquoy ils commencèrent à murmurer contre leur seigneur.