CHAPITRE IV

Comment la ville de Bordeaulx et tout le pays de Bordelois furent remis en la main des Anglois,

L'an 1452, le sieur de l'Esparre, aulcuns fapurgeois et aultres habitans de la ville de Bordeaux, par le conseil des sieurs de Montferrand, de Rosand, de Lansac et de Anglades, trouvèrent moyen d'aller en Angleterre ; et eulx arrivés audit pays, soubs coulleur qu'ils disoient que, depuis qu'ils s'estolent mis en l'obéissance du roy de France, ils estoient travaillés d'aydes, subsides, tailles, gabelles et maltostes, que bonnement ils ne pouvoient plus souffrir, ils traitèrent et se remirent en l'obéissance du roy d'Angleterre. Le roy d'Angleterre fit assembler son conseil, et y furent convoqués touts les capitaines et seigneurs du pays : là fut conclud d'envoyer le sieur de Tallebot au mois d'octobre dans le pays de Bordelois; après ce faict le sieur de Lesparre et ses complices s'en revindrent ; et le mois d'octobre ensuivant, le sieur de Tallebot partit d'Angleterre le dixhuitiéme Jour dudit mois, accompagné de quatre à cinq mil combatans : ils prindrent deulx places pe-