XX> CHAPITRE III

Comment le duc retourna à Courtray, et comment son peuple estoit travaillé pour avoir et lever Vargent.

Après que le château de Poucques fut desmoli, le duc retourna à Gourtray ; et y séjourna

douze Jours, durant lesquels douze jours tous ses gens d'armes tiodrent les champs, mangeant et pillant le plat pays, lequel estoit et obéissoit au duc, et raesme les villages de plusieurs nobles qui l'accompagnoient ; et disoit-on que le duc en attendant argent, laissoit ses gens manger tout le plat pays; parce qu'ils n'estoient point payés : et avecq ce le duc en plul^ieurs bonnes villes commença à faire oonstraindre les nobles , marchands et bourgeois des lieux , lesquels ne le servoient point, de lui prester certaine somme de deniers, chacun selon son estât; nonobstant que pour ce ne laissoient point à estre levez par lesdites bonnes villes plusieurs maltostes et subsides, desquelles choses les riches hommes, avec le peuple commençoient à murmurer; et n'estoit point le peuple sy mal content de payer lesdits deniers, car il appercepvoit bien que le duc en avoit affaire, mais il se courrouçoit de ce qu'on disoit qu'au proufût du duc, ny à sa cognoissanee, ne venoit point tout l'argent qu'on exigeoit , non pas même la moitié; aulcuns recepveurs et aultrès ne sçay quels officiers affamez qui estoient autour du duc engloutissoient tout ; desquelles choses Je ne certiffie rien, sinon que la renommée du peuple estoit telle, et m'en rapporte en ce quy en est.

<XX