CHAPITRE III

De la sentence qui fut baillée contre Jacques Coeur, argentier du roy de France , lequel avoit esté fait prisonnier, et depuis eschapé de prison.

Au dessusdit an 53, par le chancelier de France , en la présence du roy de France , fut prononcée la sentence de Jacques Coeur, argentier d'iceluy roy de France, lequel Jacques Coeur, estoit extrait de petite génération sans quelque noblesse ; en sa jeunesse , il se bouta en marchandise, et petit à petit multiplia tellement qu'il se mcsioit de toutes marchandises ; et devint sy puissant par tous les royaulmes , qu'il expedioit , et même comme on disoit en Sarrazle , et avoit des facteurs sans nombre par tous pays , lesquels avoient oncques veu ; et pour la richesse et conduite de luy avoit fait le roy de France, son argentier; iceluy Jacques Coeur, comme on disoit , avoit esté cause que le roy de France avoit conquis la duché de Normandie , par les grands deniers qu'il luy avoit prestes et avancés, et avoit fait audit Roy maints prêts : il estoit si riche qu'on disoit qu'il faisoit ferrer ses hacquenées et chevaux de fer d'argent. Il portoit en sa devise et livrée ces mots écrits : à Coeur vaillant , riens impossible; il avoit fait faire à Bourges en Berry, une maison la plus riche, de quoy on pouvoit parler : toute fois iceluy roy Charles , l'an précédent 52, sous ombre de certaines accusations de crime , que lui Imposât la demoiselle de Montagut (1) et aultres , l'a voit fait prendre, et tenir prison fermée, bien estroitement, de laquelle il eschappa par moyen quy seroit long à racompter; il s'en alla à Rome, et illec se tenoit aussi honorablement, comme il

(1) C'était Jeanne de Morlalog , fille de Pierre de Vendôme ; elle avait épousé eo seconde» nocea François de Montberon , seigneur de Mortagne sur Gironde.