CHAPITRE III
Habillements du tems , et mort du duc Philippes le Bon.
En 1467 les dames et demoiselles ne portoient plus nulles queus à leurs robbes , mais elles portoient bordures de gris de letisses de velours et aultres choses de largeur d'ung velours de hault; elles portoient sur leurs chiefs bourlets en manière de bonnets ronds , et diminuant par dessus de la haulteur de demie aulne, ou trois quartiers de long, aucunes moins , aultres plus , et déliés couvierchefe par-dessus pendans par derrière Jusques en terre, avec cinture de sôye de la largeur de quatre ou cinq pouces , les tissus et ferures larges et dorés, pesant cinq , six et sept onces d'argent ; de larges colliers d'or en leurs cols, de plusieurs façons.
En ccj^emps aussy les hommes se vestoient sy court, que leurs chausses alloient prés Jusques à la forme de leurs fesses ; ils faisoient fendre les manches de leurs robbes et de leurs pourpoints , si bien qu'on voyoit leurs bras , parmy une déliée chemise qu'ils portoient ; la manche de la chemise estoit large : ils avoient longs cheveulx qui leur venoient pardevant Jusques aulx yeux, et par derrière Jusques en bas; sur leurs testes ils portoient ung bonnet de drap d'un quartier on quartier et demy de haulteur, et les nobles et les riches , grosses chaînes d'or au col , avec pourpoint de velours ou drap de soye, et de longues poulaines à leurs solliers de ung quartier ou quartier et demy de long , et à leurs robes gros maheurtres sur leurs épaulles pour les faire apparoistre plus gros et plus fournis; leurs pourpoints estoient garnis de bourre et s'ils n'estoient ainsy , ils s'habilloient touts
longs Jusques en terre de robes ; tanftost en habit long, tantost en habit court; et ny avoit sy petit compagnon de mestier qui n'eut une longue robe de drap Jusques aux talons.
Le douzième Jour de Juin, en l'an 1467, par un vendredy an soir, en la ville de Bruges , Philippes , duc de fiourgongne , eut une qialadie , laquelle luy prist par vomir : le lundy ensuivant le quinzième Jour dudit mois , entre neuf et dix heures du vespre il mourut. Le dimanche avant sa mort , on alla hastivement dire au comte de GharoUois , qui estoit à Gand, comment son père estoit griefvement malade ; le comte la nouvelle ouye, prestement monta à cheval, et alla à Bruges , et sembloit par tout où il passoit qu'il dévist faire fendre les pieds de son cheval , et n'y eut que quatre ou cinq chevaliers qui le peurçnt suivre. H arriva le lundy environ midy à Bruges ; et descendit à l'hostel de son père qui avoit Jà perdu la parolle ; le comte se Jetta devant son lit à genoulx , plourant , et luy requérant sa bénédiction , et que si aulcune chose lui avoit meffait qu1l la luy pardonnast. Auprès du duc estoit son confesseur , evesque , lequel l'admonesta , et pria moult que s'il avoit encoires entendement qu'il le monstrat, et que au moings s'il ne ponvoit parler, qu'U feit aulcun signe, à laquelle admonestation, veue et prière de son fils , il retourna ses yeux sur sondit fils. Il le regarda , et luy estendit la main , laquelle il avoit mise sur la sienne , et aultre signe ne luy peut faire.
' Le duc mort , son corps fût laissé sur son Ht , toute cette nuit , ung noir bonnet sur son chef, et en sa chambre. Le lendemain Jusques au soir, chacun qui vouloit le venoit veoir; il y eut moult grand peuple. Quant vint à mettre le corps en terre , n'est homme qui sceut dire la grande pitié des pleurs des officiers et aulires : à vérité dire pouvoient et dévoient plourer ceulx qui estoient sujets du duc , car ils perdolent ce Jour un prince, le plus renommé qui fat sur la terre , plain de largesse , plain d'honnoiT,plaui de hardiesse et vaillance , bref remply de moult nobles vertus, lequel avoit touts ses pays, gardé en paix à la pointe de l'espée sans espargnerson corps. Touts nobles hommes qui venoient ven luy à sauveté (ses ennemys ou non) , il les recepvoit , les retenoit à sa Court, et leur faisoit ce qu'il pouvoit de bien.
FIN nSS MBMOIBBS DB lACQDBS 01) CLBBCQ.
