DIT LE HARDY

COMPOSÉ PAH LE ÏIESME AUTECR . L'AN 1474.

PB£MlEfiEMB!«T, DE LA CHAPPELLE.

En sa chappelle a quarante hommes , à comprendre un evesque pour son confesseur, et trois autres Jacopins et prebstres confesseurs , autres chappellains et officiers , organiste et soromellier. Lesquels chappellains , chantres et officiers, sont gouvernez par le premier chappellain, et tous les Jours, où qu'ils soyent, chantent les heures du Jour , et la grande messe solempnelle. Auquel service, et à toutes heures le prince est présent , quand ils sont devers luy, et principalement À la messe et aux vespres. Et n'est pas à oublier, que Tevesque , dessusdit, et les frères Jacopins sont grands clercs, docteurs etprescheurs , et preschent souvent.

Et d*avantage a le duc un aumosnier et un soubsaumosnier, gens de telle auctorité et de tel crédit , qui font les aumosnes pour le prince, par distribution , et en conscience , qui sont grandes Jusques à passer vingt mille livres par an : et pour approuver qu'il soit ainsi , quand le duc doibt partir d'une ville , son aumosnier luy apporte par escrit , ce dont il peut enquérir et sçavoir où bienfaicts et ausmosnes Stpnt bien employez en icelle ville, si comme de gens anciens, gens pauvres, prisonniers, femmes gisantes, orphelins, pauvres filles à marier, gens bruslez de feu , marchans destruits par fortune, et toutes autres choses nécessaires. Et à un chascun le duc à sa dévotion départit ses aumosnes, et signe le papier, et les sommes , et sont payées avant que Taumosnier parte de la ville. Aussi l'aumosnier distribue et départit l'argent de l'offrande du prince , qui tous les Jours se fout, et où que soit faicte offrande en la messe , et luy

est icelle offrande présentée par le plus grand prince de son hostel , et qui là soit : et doibt ledit aumosnier dire Benedicite à la table du prince , et les grâces , et à celles grâces doibt estre le maistre d'hostel au-dessus : et doibt l'aumosnier lever la nef où est l'aumosne devant le prince , et puis oster la nappe de la table, et doibt commencer au haut bout, qui est le contraire au servir viandes.