TITRE XXVI

1. Item, ceulx qui menront fieus es terres ou es vignes, ne prendront pour journée a deux chevaulx, a charrete ou a tumberel, que vni sols par jour sans despens, et non plus; et qui fera le contraire, il l'amendera comme dessus.

2. Item, ceulx qui menront a charroy, grains, foings, vins, feures ou autres choses, ne auront ou prendront pour deux chevaulx, que xn sols par jour, et a trois chevaulx, que xv sols sans despens et non plus, et de moins de journée a l'avenant; et ung tomberel a ung cheval lui sols; et de la Toussains jusques au premier jour de mars et de mars jusques a la Toussains v sols et non plus; et qui fera le contraire, il l'amendera comme dessus; et qui meilleur marché en pourra avoir, s'il le prengne.

Des vachers, porchers et bergers.

3. Item, ung vacher qui gardera trente vaches ou plus, n'aura ou gaignera que L sols l'an et non plus; et qui moins en gardera, a la value, avec telz despens comme l'on a acoustunié donner a vachiez avant la mortalité, et qui fera le contraire, il l'amendera comme dessus.

li. Item, vachiers, porchiers et bergiers de commun auront et prendront ce qu'ils souloient prendre anciennement avant la mortalité pour la garde des bestes qui^z garderont; et bergiers qui seront a maistres especiaulx ixx sols l'an et non plus; et qui pour moins les pourra avoir, si les preigne, et qui fera le contraire il l'amendera comme dessus.

Charretiers.

5. Item, ung charretier aura de la Saint Martin diver jusques a la Saint Jehan IX sols et non plus; et de la Saint Jehan jusques a la Saint Martin un livres et non plus, les meilleurs; et les autres au dessoubz avec leurs despens de boire et de mangier, telz comme l'on a accoustumé donner a charretiers avant la mortalité; et nul ne leur en pourra donner plus grant loyer. Et ceulx qui ja sont allouez reviendront audit pris et ne pourront leisser leurs maistres, ains seront contrains a parfaire leur temps, et tiendra lieu au bailleur ce que aura baillé oultre le pris dessusdit. Et les charretiers qui ont acoustumé aler en journée, [l'hyver] vi deniers,

1'' Le vingtième ou un boisseau sur vingt pour battage. Les meuniers prenaient, pour moudre, un boisseau sur douze.

et este viii deniers et leurs despens jusques au soupper. Et s'aucun en y avoit qui plus en donnast ou fçist aucune courtoisie par manière de salaire, le preneur et le donneur l'amenderont comme dessus.