TITRE XXVII

CIIAMBERIÈRES.

1. Item, les chamberieres qui servent en hobillant les vaches et font le service des villes, gaigneront et auront de la Saint Martin jusques a la Saint Jehan XX sols, et de la Saint Jehan jusques a la Saint Martin d'iver, \\x sols le plus fort et non plus, et les autres a la value avec leurs chaussemens, et celles qui a présent sont en service ne le pourront leisser jusques a la fin de leur terme; et si elles sont plus allouées, si n'auront-elles plus; et qui fera le contraire il l'amendera comme dessus.

2. Item, chamberieres qui servent aux bourgeois de Paris et a autres quelzconques, prendront et gaigneront xxx sols l'an, le plus fort, et non plus, et les autres a la valeur avec leur chaussement. Et nourrisses, l sols et non plus; et se ilz sont en service, ne le pourront leissier jusques a la fin de leur terme. Et qui fera le contraire, il l'amendera.