PLASTRIERS

1. Item, nulz plastriers ne pourra vendre piastre cuit, le muy, depuis la Saint Martin d'iver jusques a Pasques, oultre petit pont, que xxuu sols, rendu dedans les portes et non plus, et oultre grant pont rendu dedans les portes que xx sols et non plus, et depuis Pasques jusques a la Toussains, le muy oultre petit pont, rendu dedans les portes, ne sera vendu que xvui sols, et dehors a l'avenant et non plus; et oultre grant pont dedans les portes, que xv sols et non plus, et dehors a l'avenant. Et qui meilleur marché en pourra avoir, si le preigne; et qui plus le vendra ou en donrra, il sera en amende de lx sols chascune foiz quil le fera, en laquelle cellui qui l'accusera aura le quint. Et sera ceste ordonnance chascun an remuée une foiz ou deux, se mestier est.

Bateurs de piastres.

2. Item, basteurs de piastre auront et prendront pour journée, de muy, le tiers plus qu'ilz n'avoyent avant la mortalité, et aussi en tasche; et qui plus leur donrra ne prendra il l'amendera.