FABRICANTS D'INSTRUMENTS DE MUSIQUE, LUTHIERS

1599, juillet.

Lettres patentes de Henri IV confirmant les statuts des faiseurs d? instruments de musique ,

en 1 â articles.

Ârcli. nal. , 21e vol. de Louis XIV, Xia 8675, fol. 8t. — Coll. Lamoignon, t. X, fol. 93.

Recueil de 1781, p. 3.

Henry, par la grâce de Dieu, Roy de France et de Navarre nos bien

amés et féaux les maistres faiseurs d’instrumens de musique de nostre Ville de Paris, y dénommés, demandeurs auprivilleige et bénéfice, Nous auroientpayé entre les mains dü commis à la recepte generalle la somme à laquelle ils auroient esté taxés en nostre Conseil, comme de ce il appert des quittances cy attachées avecq ledit edit, soubz le contrescel de nostre chancellerie; auroient très humblement supplié et requis leur en octroyer nos lettres à ce necessaires. Savoir faisons que leur voulant subvenir à cet endroit et faire doresnavant exercer ledit mestier avec bon ordre et police, et obvier aux abus qui se sont commis par le passé en icelluy, avons ledit art et mestier de maistres faiseurs d’instrumens de musique en nostredicte Ville de Paris, fait, créé, érigé et estably, faisons , créons et establissons juré, voulons et Nous plaist que lesdits maistres faiseurs d’instrumens de musique de nostredicte Ville de Paris jouissent des privilleiges, statutz et ordonnances qui s’ensuivent :

1. Premièrement, que nul ne sera admis et reçeu à tenir boutique ou magazin d’instrumens de musique en nostredite Ville de Paris, qu’il ne soit reçeu par deux maistres jurés estant en charge, lesquels jurés tiendront papier et registre du nom de ceux qui seront reçeus audit mestier faiseurs d’instrumens de musique, et après avoir fait chef d’œuvre et expérience, et qu’il soit apparu de leurs capacitez, bonnes vies et mœurs et du temps expiré de leur apprentissage fait en nostredite Ville de Paris, seront reçeus desdits jurés; et pour ce faire feront le serment requis et accoustumé par devant nostre procureur au Chastellet et en-

iu. 75

IMPRIMERIE NATIONALE

suite au greffe d’icelluy, pour y avoir recours quand besoing sera, après toutesfois leur avoir payé la finance.

2. Item, lesdits jurés seront deux ans entiers en charge, et, l’une finie et expirée, en sera mis et esleu d’aultres en leurs places par la pluralité des voix de la communaulté des maistres dudit mestier.

3. Item, que deffences très expresses seront faites à toutes personnes, de quelque mestier, qualité et condition qu’elles soient, de tenir boutique ny magazin desdits instrumens de musique, vendre ny acheter iceux pour revendre et débiter en gros ou en destail, soit grands ou petits, de quelque sorte que ce soit en nostredite Ville de Paris, ny ès fauxbourgs d’icelle, s’ils ne sontreçeus maistres dudit mestier et ayent esté apprentifs en ladicte ville; ains les pourront vendre aux maistres et jurez dudit mestier et ne pourront faire autrement, sur peine de confiscation desdits instrumens qui seront trouvés au magasin ou exposés en vente par autres personnes que lesdits maistres et jurez.

4. Item, qu’il ne sera reçeu aucun apprentif dudit mestier, qu’il n’ait esté obligé six ans entiers avec élection des maistres dudit mestier; et huict jours après que ledit brevet d’apprentissage sera passé, le maistre dudit aprenti sera tenu d’apporter ledit brevet par devant lesdits jurés pour estre enregistré afin d’eviter aux abbus qui se pourroient commettre. N’entendons toutesfois comprendre les fils de maistres dudit mestier à faire apprentissage, lesquels seront reçeus maistres dudit mestier par lesdits jurez, en estant par eux trouvés capables sans toutesfois faire aucun chef d’œuvre.

5. Item, ne pourront aucun desdits jurés et maistres dudit mestier tenir plus d’un apprenty à la fois, lequel apprenty ayant fait son apprentissage le temps et espace de quatre ans et ne lu y restant plus que deux ans pour achever lesdites six années, lesdits jurés ou maistres dudit mestier pourront en ce cas prendre un autre apprenty et non autrement.

6. Item, et où il se trouvera aucun desdits jurés ou maistres avoir ouvert deux ou plus grand nombre de boutiques , seront icelles fermées incontinent et sans delay, nonobstant tout ce qu’ils pourront dire et alléguer pour leurs deffenses.

7. Item, que où il adviendroit que quelqu’un des maistres dudit mestier vint à deceder, leurs femmes veuves pourront tenir boutiques dudit mestier tout ainsy qu’elles faisoient du vivant de leurs maris, leur sera aussi loisible tenir un serviteur ayant esté aprentyf dudit mestier en nostredite ville; et si elles se remarient à un autre qu’à un maistre dudit mestier, elles seront entièrement privées de ladite franchise.

8. Item, que nul ne pourra travailler dudit mestier en chambre en nostredite Ville de Paris ny fauxbourgs d’icelle, qu’il n’ait fait apprentissage en nostredicte Ville de Paris.

9. Item, que deffences seront faites à tous lesdits jurés, maistres et compagnons