Les veuves pourront continuer le métier

LES MÉTIERS DE PARIS

et marchande et de bonnes taintures, afin que aucun n’en soit deçeu; et pareillement que aucun ne face ouvrage dudit mestier qui ne soit bien et loyaument fait et tixu, sur peine de vint solz parisis d’amende à appliquer comme dessus et de restituer à partie.

15. Item, que aucuns ouvriers dudit mestier ne se pourront doresnavant alouer pour ouvrer ès hostels des marchans, bourgois et autres, ne illec faire ouvrage au prouffit d’iceulx marchans, bourgois ne autres, se iceulx marchans, bourgois ou leurs femmes ne soient dudit mestier, appropriez et reçeuz, et qu’ils aient paie les devoirs comme dessus, se ce n’estoit par l’adveu d’aucuns desdiz maistres du mestier, ouquel cas faire le pourront.

16. Item, aucun maistre ne pourra faire ou faire faire faulse entavelure ne ourture de fil ou de florin, ne faire euvre enlevée où il y ait fil ou florin, et se telle euvre est trouvée, elle sera arse pour ce que telle euvre est faulse, et paiera l’ouvrier soixante sols parisis d’amende à appliquer comme dessus.

17. Item, que aucun dudit mestier ne puisse besongnier dudit mestier à jour de dimenche ou d’autre feste commandée à garder en saincte Eglise, sur peine de dix sols parisis d’amende, moictié au Roy et moictié aux jurez.

18. Item, que les femmes ouvrières et qui besongent dudit mestier de présent en la Ville de Paris seront maistresses oudit mestier, se estre.le veullent, en paiant pour leur nouvelle maistrise et entrée douze sols parisis, comme dit est cy dessus des hommes; et pareillement pourront avoir deux apprentisses chacune à quatre ans et non plus, se ce n’estoit du consentement des dictes apprentises; et ledit tems fini, que lesdictes apprentisses porront estre reçeues maistresses en faisant chef d’euvre et paiant autelîe somme, à appliquer en la manière comme dit est dessus.

19. Item, et que en effect et substance tous les poins et articles cy dessus coiitenuz seront communs et s’extendront et appliqueront tant aux femmes que aux hommes, soit qu’il touche la maistrise ou les ouvrages ou autres choses dudit mestier.

20. Item, et se il advenoit que telles femmes ou filles qui auroient esté apprentisses et maistresses se mariassent à aucun homme qui ne feust de honneste estât, vye et governement, en ce cas lesdictes femmes ne pourroient tenir ledit mestier durant ledit mariage avec leurs dits maris.

21. Item, et que oudit mestier aura quatre hommes jurez et gardes dudit mestier qui seront esleuz par la eommunaulté dudit mestier pour visiter et rapporter les faultes dudit mestier, tant hommes que femmes, et jureront lesdits jurez par devant nous ou nostre lieutenant bien et loyaument garder les dits statuz et ordonnances, et rapporter les faultes qu’ils trouveront en la chambre dudit procureur du Roy; desquels quatre jurez, toutesfois que mestier en sera, chascun an deux s’en deschargeront et partiront, et y en mettra l’en deux autres en leurs

TIS S UT IERS -RUBANIERS.

lieux; et seront tenuz lesdits jurez, par chascun an, de rendre compte audit mestier des amendes et autres choses qu’ils auroient reçeues pour ledit mestier. .... Ce fut fait et passé le mercredy vingtiesme jour de décembre, Tau de grâce mil quatre cens soixante quinze.

1481, 20 septembre.

Lettres du prévôt de Pans contenant les statuts des sayetteurs, en 2 à articles .

Ârch. naL, Livre jaune petit, Y 5. fol, 4. - — Bannières, icr vol, Y 7, foL 209.

GolL Lamoignon, t. V , fol. 6.

À touz ceulx qui ces présentes lettres verront, Jaques d’Estouteville en

la presence et du consentement de tous les ouvriers dudit mestier dessus nommez et de plusieurs autres en grant nombre, pour ce presens devant nous, qui le contenu cy après ont promis et juré par serement entretenir et accomplir, sans enfraindre, sur les peines qui s’ensuivent, avons statué ordonné et establi, statuons, ordonnons et establissons :

1 . Que, avant que aülcun ne soyt reçeu à faire faict de maistre de sayeterie, en ceste Ville de Paris, qu’il n’ayt esté aprantis oudit mestier soubz ung maistre par le tems et espace de trois anz, et qu’il soyt reçeu par les maistres jurez dudict mestier et paie les drois de vint sols parisis, à applicquer, c’est assavoir : quatorze sols au Roy, nostre sire, et six sols aus jurez et gardes dudit mestier, se ainsi n’est qu’il soyt filz de maistre qui ne paieront que la moitié desdiz vint sols parisis, à appliquer comme dessus W.

7. Item, que les maistres dudit mestier seront tenuz de faire les chaynes des soyes de dix-huit cens fils, sur peine de lx sols parisis d’amende, à applicquer comme dessus, et de non estre marquées et scellées des sceaux dudict mestier comme non loialles.

8. Item, est deffendu aux ouvriers et besongnans dudict mestier qu’ils ne mectent ez cheynes divers filiez et ne fixent de plus gros filz' en ung bout que en l’autre, sur peine de coupper l’ouvrage et séparer ce qu’il seroit trouvé souffisant

(1) 2. Les veuves pourront conserver la maison , si elles sont du métier.

3. Les apprentis, avant d’être admis, se présenteront aux jurés, prêteront serment et payeront io sols d’entrée.