TITRE XL

C'est l'ordenance du mestier des ouvriers de Draps de soye, de Paris, et de veluyaus et de boursserie en lice , qui affierent au dit mestier, en ia forme qui s'ensuit :

Achat du métier.

Examen. I. Premièrement. Quiconques voudra tenir ledit mestier comme mestre, il con-

vendraque il le sacbe faire de touz poinz, de soy, sanz conseil ou ayde d'autruy, et que il soit a ce examinez par les gardes du mestier. Et se il est trouvé souffisant, si comme dessus est dit, il convendra que il achate le dit mestier du Roy ou de son lieutenant, souz quele juridicion que il soit en la Chastelerie de Paris; et en paiera a nostre seigneur le Roy, pour l'achat dudit mestier, xx s. , et aus dites gardes x s. pour leur paine.

Fabrication.

IL Item, que nul ne puisse ne ne doye de cy en avant faire euvre ou dit mestier, quele que elle soit, plus estroite que la mesure que le commun du dit mestier ont baillié ou Chastelet de Paris, pour la decevance ou li noble et li marchant dehors sont deceuz aucune foys, par plusieurs draps plus estroiz; et quiconques les voudra faire plus larges, bien les face par certain compte. Et quiconques fera euvre a amender contre ce qui est ordené, chascune paiera dis s., c'est assavoir: vi s. au Roy, et un s. aus gardes du dit mestier pour leur paine.

III. Item, que nul ouvrier dudit mestier ne puist ouvrer de cy en avant a