POTIERS D'ÉTAIN. — CORDIERS

III. Nus Potiers destain ne puet ne ne doit par droit ovrer de nul ovrage de son mestier, qui ne soit aloié bien et loialment seloncce que l'euvre le requier[t]. Et se il le feit autrement, il piert l'euvre et si est a v s. d'amende au Roi.

IV. Nus Maagnan ne autres, soit dedenz la vile, soit de dehors, ne puet nule des oevres apartenans au mestier de Potiers d'estain vendre aval la vile, ne en son ostel, se l'oevre n'est de bon aloiement et de loial^. Et se il le feit, il doit perdre l'oevre et paier v s. de parisis au Roi pour l'amende.

V. Nus ne puet ne ne doit vendre oevre apartenant as Potiers d'estain, nueve pour viez. Et s'il le feit, il doit v s. d'amende au Roy.

VI. Li preud'ome du mestier de Potiers d'estain requièrent que n preud'ome du mestier soient esleu par le conmendement au prevost de Paris. Li quel doi preud'ome doivent jurer seur Sains que il le mestier devant dit garderont bien et loialment en la manière desus devisee, et que les entrepresures du mestier feront savoir au prevost de Paris ou a son conmendement.

VII. Li Potier d'estain doivent le gueit, se il n'ont passé lx ans.

VIII. Li Potier d'estain requièrent que li u preud'ome qui gardent le mestier soient quile du gueit.

IX. Li Potier doivent la taille et les autres redevances que li autre bourgois de Paris doivent au Roy.

Fabrication

\-llle.

Jurés.

Guet

Redevances.