H U CHERS, MENUISIERS, ÉBÉNISTES

tout de bon bois vif, sec, loyal et marchant, bien et deuement faict, sur les mesmes peines.

28. Item, que nul ne face huche à mectre pain ou viande, de quelque bois que ce soit, qui ne soient bien et deuement faictes, et barrées par dessoubz le fonds, le tout de bon bois vif, sec, loyal et marchant, sur semblables peines que dit est.

"29. Item, que nul ne face cofïres fortz, de quelque grandeur que ce soit, que les piedz et pantz ne soient de grosseur et espoisseur sutïizante, assemblez à mortaizes, tenons et languettes dans les piedz, les joi nets collez avec les clefs et languettes, le tout enrazé par dedans, les pieds tournez à fonds de cuve, le couvercle emboislé et emboutté, fermé à onglet sur le devant et boutz, une barre dessoubz le fonds, le tout de bon bois vif, sec, loyal et marchant, sur peine que dessus.

30. Item, que nul ne face bureaulx, comptouers, bancs à couche, bancs à dossiers, monstres et autres, à commandement, estant dudit estât de hucher-menuysier, pour accomoder toutes sorlcs de personnes que ce soyt, que le tout ne soit bien et deuement faict en assemblaige, tourneure, taille et autres ornemens, de quelque mode que ce soit , et les tenons espaulez de la profondeur des roesneures, les panneaulx et fonds remplissans leur roesneure, et y aura une ou deux barres selon la grandeur des fonds, le tout de bon bois vif, loyal et marchant, sur les peines que dessus.

31. Item, que personne ne face bancs à taverne et pour autre estallage, soit à panneaux ou autrement, formes selles pour s'asseoir et table pour bouticque ou autre endroict; seront assemblez avec mortaizes et tenons carrez, le tout bien et deuement faict sans aubier, sur les peines que dit est.

32. Item, que nul ne face fondz de tableaux qui ne soient d'espoisseur soutlizante, selon la grandeur des tableaux, et collez avec des goujons et languettes, si le cas y eschet, le tout sans aubier, bien et deuement faietz de bon bois vif, loyal et marchant , sur les peines que dict est.

33. Item, que nul ne face aucune bordeure de tableau qu'elle ne soyt bien et deuement assemblée à mortaize et tenons, roesneure et languette dedans les joinetz , les ornemens de moullure et taille tant à la mode anticque, françoise que moderne, qu'elles ne soient bien et deuement faictes, sans corrompre et descouvrir les assemblaiges, sur les peines que dessus.

3d. Item, que nul ne face corniche, frize. ne arquitrave, de quelque mode que ce soit, que l'asseinblaige, moullure et taille ne soient bien et deuement faicts, tant en assemblaige, moullure que taille, sur les peines que dessus.

35. Item, que nul ne face fustz de harquebuzes, soit à croc (2), à rouet, grand

(1) Formes, sièges de chœur pour les chanoines, ainsi nommes à cause des sculptures. — 2) Grosse arquebuse pour tes places fortes.

ou petit ressort, ou à mesclie, fustz de pistolles, pistolletz, poitrinatz ^, niousquetz, tant pour la seureté des armes du Roy nostre sire que utillité du public, qui ne soient faicts tout d'une pièce, excepté les enaorncmens qui seront applicqùez sur lesdiz fustz, les canons, rouets à grands ou petitz ressortz, serpentins et canons; seront bien et deuement adjustez et mis dedans leurs fustz, lesquels avec leurs verges et baguettes seront bien et deuement faicts et de bon bois vif, loyal et marchant, sur peine de cent sols d'amende et d'estre l'ouvrage ars et bruslé devant la maison de l'ouvrier.

36. Item, que nul ne face tresteaux ne chevalletz, soit pour monter de petites pièces pour la force du Roy et utillité du publicq, qu'ils ne soient bien et deuement faicts, les pieds d'iceulx assemblez dedans les testes, à tenons et mortaises carrées, ayans leur pente comme il appartient, les traversins de pareil assemblaige, le tout de bon bois vif, loyal et marchant, sur peine que dessus.

37. Item, que nul ne face lances que elles ne soient bien et deuement faictes et dressées de bon bois vif, loyal et marchant, le fer desdites lances bien adjusté et bien tenant et cloué ausdites lances, sur peine que dessus.

38. Item, que nul ne face bois de lict de camp, soit brisé ou non brisé, de quelque mode ou façon que ce soyt, qui ne soient bien et deuement faietz, tant en assemblaige que tourneure , les pantz et piedz assemblez à mortaize et tenons; et si y aura des tenons et mortaizes à l'endroict des briseures, de la profondeur de quatre à cinq lignes seullement, et si y aura des coulisses aligiés ou mis à roesnure, dedans les pieds de derrière pour tenir le dossier, le tout de bon bois vif, loyal et marchant, sur semblables peines que dessus.

31). Item, que nul ne face table de court et de camp, à treteaulx, en façon de croix Sainct André, ou tréteaux faietz avec le dessus, chaises de court qui se ploient, soit grandes ou petites, formes et scabelles, chaises percées qui se ploient, ensemble tout autre meuble de court, de quelque mode que ce soit, le tout sera assemblé à tenons et mortaises carrées, et de bon bois vif, loyal et marchant, sur peine que dessus.

/i0. Item, que nul ne face bois de litières, coches, caresses, chaiiotz branlans à la mode de Flandre, chariots de triomphes, tant pour le service des Rois, Roy nés, Princes, Princesses et autres, qui ne soient bien et deuement faits, et assemblez à mortaises et tenons carrés, et pour le regart des courbes servans aux dosmes desdiz caresses, elles auront leur ceindre relevez de plan suffisant pour empescher que les eaues ne demeurent sur lesdiz carosses, et que le tout soit bien et deuement faict, tant en assemblaige que taille, de quelque mode que ce soyt, et de bon bois vif, loyal et marchant, sur peine de dix escuz d'amende, et Fouvraige estre ars et bruslé devant la maison de l'ouvrier.

Poitrinaux : grands pistolets attachés h la ceinture.

HUCHERS, MENUISIERS, EBENISTES. 653

âi. Item, que nul ne face chambre, cousche, cloisons d'assemblaige ou aix, sinon qu'ils ne soient bien et deuemeut faictz, et les aiz fueillez à double joinct ou languette à roesnure, et où il y aura assemblaige y aura des espaullemens où il appartiendra; et si les panneaulx sont de plus d'une pièce, seront collez avec des goujons, le tout de bon bois vil", loyal et marchant, sur les peines que dessus.

â'2. Item, que nul ne face monstres dorphevres, monstres de pasticiers et aultres monstres de bouticques, caiges de boullangers, contouers et bureaulx servans à quelque estât que ce soit, eslallage de drapperye ou d'autres marchans, qui ne soient bien et deuemeut faicts, et de bon bois vif, loyal et marchant, sur les peines que dessus.

63. Item, que nul ne fera aucun mestier pour besongner les rubanuiers et passementiers, tapissiers de haulte lisse, brodeurs, enseignes sur rue, qui ne soit assemblé à mortaize et tenons carrez, et de bon bois vif, sec, loyal et marchant, sur les mesmes peines que dessus W.

[l) Les articles non transcrits donnent les diverses conditions d'administration :