VANNIERS-QUINCAILLIERS. TU
assez souffisant, en faisant chef d'œuvre tel que par les maistres et jurez lui sera ordonné.
3. Item, nul ne pourra besongner ne tenir ouvrouer du dit mestier de vanier ne des appartenances, s'il n'est trouvé ouvrier souffisant et expérimenté par lesditz jurez et par euïx tel trouvé et tesmoingné, et faict ledit chef d'œuvre.
à. Item, et pour la réception et maistrise dudit mestier, ung chacun sera tenu ([liant au regard de ceulx qui auront esté apprentiz avec aulcuns des maislres dudit mestier en la Ville de Paris, et qui auront fait et accoinply le tems de leur apprenlissaige bien et soullisamment, et après que leur dit maistre se seroit tenu contempt d'culx, seront tenuz de paier l\ sols parisis, c'est assavoir, dix sols parisis au Roy nostre dit seigneur, quarante sols à la confrairie et pour la bannière et affaire dudit mestier; et le seurplus monte à dix sols parisis aux jurez; et si seront tenuz de faire ledit chef d'œuvre.
5. Item, et en tant que touche ceulx qui n'auront point eslé apprentiz oudit mestier dedens la Ville de Paris, mais auront apprins ledit mestier hors icelle ville, et vouldroient estre reçeuz à la maistrise dudit mestier, seront tenuz premièrement à payer quatre livres parisis, c'est assavoir, vint sols parisis pour le droit du Roy, cinquante sols parisis pour la confrairie et bannière, et dix sols parisis pour les jurez, et de faire chef d'œuvre tel que dessus.
(3. Item, nul maistre dudit mestier ne pourra avoir ne tenir que ung apprenti, se ne sont ses enffans, lesquels apprentis il ne pourra prendre ne tenir à moins de trois années entières; lequel apprentis sera tenu de payer, pour entrer oudit mestier, six sols parisis à la confrairie.
7. Item, que tous les fils de maistres qui auront esté dudit mestier joyront de ladite franchise et maistrise, sans faire aucun chef d'œuvre, en payanl ung escu d'or pour ladite confrairie.
8. Item, nul compaignon estranger dudit mestier, passant son chemin, ne pourra ouvrer ne besongner d'icellui, pour aucun des maistres dudit mestier, plus hault d'un mois entier, sinon en payant par ledit compaignon, pour une foiz, quatre sols parisis au prouffit de ladite confrairie.
9. Item, nul des maistres dudit mestier ne pourra prendre ne mectre en besongne aucun compaignon ou varlet dudit mestier, s'il n'a accomply le temps de son service ou assouvy l'ouvrage par le dit varlet ou compaignon entreprinse a faire pour aulcun desdiz maistres, sur peyne de vint sols parisis d'amende à appliquer cinq sols aux jurez, après ce toutes voyes qu'il auroit esté signiffié ansdits maistres ou maistre par l'un desdiz jurez.
10. Item, que nul marchant forain, de quelque estât qu'il soit de dehors, soy meslant du fait dudit mestier, ensemble de ses appartenances et appendances, qui amencroit ou feroit admener des ouvrages et denrées deppendans dudit mestier, ne pourra icelles faire deschargier, vendre ne débiter jusques ad
ce que premièrement elles soient veues et visitées par lesditz jurez et par iceulx jurez estre trouvées soufïîsans et vallables, sur peyne de dix sols parisis d'amende à applicquer ainsy que dessus est dit.
11. Item, que nulle personne dudit mestier ne pourra aller audevant desdites denrées et ouvrages hors ladite Ville de Paris, pour icelles denrées avoir ne achecter des marcheans qui icelles denrées admeneront, sur peyne de vint sols parisis d'amende à paier par le délinquant, c'est assavoir, cinq sols au Roy nostre seigneur, dis sols à la confrairie et cinq sols aux jurez.
12. Item, oudit mestier ès jours de samedy, ès vigilles de Nostre-Dame, de Toussaints, Noël et Ascencion el de la teste Dieu, ne pourront besongner dudit mestier après le premier coup de vespres sonné, sinon et excepté en la saison de vendanges, sur peine de quatre sols parisis d'amende à applicquer ainsi que dessus est dit.
13. Item, s'il aveuoit que aucun des maislres dudit mestier de vanier allast de vie à trespassement, et qu'il laissast sa femme vefve de luy, icelle vefve pourroit, se bon luy semble, tenir i'ouvrouer, faire besongner et joyr des franchises d'icellui mestier, ainsi que faisoit son feu mary avant son trespas, durant et constant son vefvage seulement.
\â. Item, pareeque, de toute ancienneté et dès si Longtems qu'il n'est pas mémoire du contraire, iceulx maistres vanniers, à Paris, ont accoustumé joyr et useï' de vendre et détailler avec ledit mestier serceaulx, lenternes, soufflets, berceaulx, chalitz, tournecles, touretz, polies, courges, quegnoulles, fiseaulx, cuilliers, cribles, jates, tranchouers, pelles, rondeaux, fléaux, forcilles, escuelles, hanaps, bouètes, tîntes, chifflés, boulles. billes, billars et plusieurs autres choses appartenans an faict de quinquaillerie, et qui sont des appartenances d'aucuns autres mestiers, pour quoylesdiz vanniers et quinquailliers doublent que, par le moien de dons faits par le Roy nostre sire aux maistres de ladite Ville de Paris, on leur voulsist deffendre et destourner d'en plus vendre et débiter, qui seroit un grand interest, préjudice et dommaige desditz vanniers et quinquailliers et aussi du Roy nostre dit seigneur, au moien de plusieurs louaiges qu'ils tiennent d'icellui seigneur ès halles de Paris, lesquelles, s'ainsoil n'estoit, ils ne pourroient plus tenir, et aussi de tout le bien et de la chose publique, ils vendront les choses dessusdictes ainsi qu'ils ont fait et accoustumé de faire d'ancienneté.
Donné à Chartres, le vingt quatriesme jour de juing, l'an de grâce mil quatre cens soixante sept et de nostre règne le-sixiesme.
YWNIERS-OUINCAILLIERS.
1 561 , septembre.
Lettre patente de Charles IX confirmant les statuts de îâij pour les vanniers-quincailliers.
Areh. nat., Ordonn., i" vol. de Charles IX, X1" 86a4, fol. 198; Y 85, fol. 81. Coll. Lamoignon, I. VII, fol. 957.
