PREMIER LIVRE
DES
DE I. A. DE BAIF
Vraye foy de terre est banie, Mensonge les esprits manie :
Tout abus règne autorisé.
Pour bonne loy passe le vice :
Sans balance va la iustice :
Honneur et droit est mesprisé.
C'est estre fol que d*estre sage Selon raison contre l'vsage.
Ceux qui m'entendent m'entendront.
O Fils de Dieu vérité mesme^ Maints se vantent de ton saint cresme, Qui loin ny près ne s'en oindront.
Ceux qui te croyent et te suiuent,
Qui dans toy viuent et reuiuent;
Voyent à clair la vérité :
Dirions-nous bien que nous en sommes?
Plus ne se trouue au cœur des hommes
Espoir ny foy ny charité.
Tu as en ton ame éternelle
Empreinte vne loy naturelle,
Qui seule A mort te mènera.
De tant de Témoins Tasseurance,
Qui ont prouué leur espérance,
Par leur mort te condemnera.
N'en frein cette loy véritable
Dés tout iamais à iamais stable :
Pour autruy fay comme pour toy.
Ne fay ce que fuis qu'on te face.
Humains, en mutuelle grâce
Scauriez-vous tenir cette loy i Ah ! Seigneur, tu l'as sceu bien dire.
Que ton règne ny ton empire
N^estoit de ce monde peruers!
l'en auray tousiours défiance.
Tant que verray toute arrogance
Ta Saincteté mettre à Penuers.
Ah! tous ceux-là, Seigneur, qui disent
Seigneur, Seigneur, qui authorisent
Sous ton nom leur impieté.
Ne sont pas tiens : mais ils se iouent
De ton nom, quand de toy s^auouent,
Pallians leur méchanceté.
Dressans vne maligne école-.
Us font vne vaine parole
De ta vraye et droicte raison.
Et la corrompent à leur guise.
En font trafic et marchandise,
Par barat, feintise, et traison.
Toy qui es doux et pitoyable.
Te font vn tyran efiroyable.
Inhumain, cruel^ et sanglant.
Toy qui es la mesme innocence.
Le Roy de Paix et de clémence.
Te font outrageur violant.
Toy qui es ami de droiture.
Te font le Dieu de fori^iture.
Toy qui es sourgeon d*amitié.
Gage d'amour et de concorde,
Te font le fuzil de discorde^
Et de brutale inimitié.
Où est plus la sainte assemblée
En vn mesme espoir appelée.
Sous vn seigneur, sous vne foy,
Par vn lauement de Baptesme,
Sous vn Dieu, sous vn père mesme,
Sur tous, par tout, entre tous Roy t C'est là où tous s*entresupportent^
S*entr*aident et se reconfortent
En vnion et charité.
Faisants tous vn corps de concorde,
Vn esprit qui en tous s*accorde
D*vn nœu de paix en vérité.
Nous deprauez et maudits hommes,
Dirons-nous que plusieurs nous sommes,
Vn pain tout seul, un mesme corps.
Et que dVn pain et dVn breuuage
Nous paissions en commun vsage, Par tant de haines et discors ?
Où est ce peuple qu^on peut dire Affranchi du mortel empire De toute erreur et de forfait, Nettoyé pour entrer en grâce, Et qui toute bonne œuure face?
Nul ne bien pense, ny bien fait.
Rien plus ne se voit que feintise :
Rien que faulse opiniastrise :
Rien que larcin et cruauté :
Rien que toute audace rebelle :
Rien que débauche, et point de zèle Rien qu'erreur et desloyauté.
Mespris de Dieu, tout vilain vice, Orgueil, insolence, auarice, Tout pariure, nulle pitié, B^ptalité plus que brutale, Braue en cet âge desloyale.
Nulle bonté, nulle amitié.
Fraude, soupçon, et défiance,
Enuie, rancueur, médisance.
Blasphèmes et rages ont cours :
Charité la marque luisante
De Chrestienté trionfante,
Esteinte se cache en nos iours.
Nous pointillons sur la doctrine :
Chacun à sa poste en deuine^
Barbouillant la religion.
Non contens nos songes en dire.
Les publier et lea escrire,
En armons la sédition.
O Religion mal- me née.
Les Mondains qui t'ont profanée Te tiraillent à leurs plaisirs.
Le tyran qui mal te manie En establit sa tyrannie, Le peuple ses trompeurs désirs.
Sous ton saint nom tout se renuerse.
L'auare Pauarice exerce :
L'inhumain l'inhumanité :
L'yurongne son yurongnerie :
Le brigand la briganderie, L'impudic Timpudicité.
L'ambition sous toy s'auance :
Sous toy se haulse l'ignorance :
Sous toy la gueule s'entretient :
Sous toy florist la fnardise :
Sous toy l'impiété maistrise :
Sous toy le forfait se maintient.
Donques tu n'es plus qu'vne fiable, O Religion vénérable, Vn nom feint, masque de vertu :
Sous lequel le vice ordinaire Déborde le monde à mal-faire.
Religion sainte, où es- tu?
Où es-tu, Religion sainte f Quelle bonne ame au vif attainte De te garder se vantera i Mais qui tenant la loy bénigne De lesus Christ en estant digne Le nom de Chrestien portera?
Celuy qui mettant sa fiance En vn Dieu, de son alliance
Ne voudroit pas se foruoyer.
Celuy qui viendra par humblesse En douce et deuote simplesse A la loy de Dieu s*auoyer.
Celuy qui de tout son courage Aimera Dieu, tout bon, tout sage.
Tout saint, tout entier, tout pouuant.
Celuy qui vn Dieu seul adore, Pour feinte que Ion peigne ou dore, Desloyal ne s'en démouuant.
Qui la reuerence à Dieu deue A autre qu'à luy n*a rendue :
Mais s*y fiant et l'honorant, lour et nuict en sa loy repense :
S'y plaist, en ha reioûissance, La songeant et la discourant.
Non pour en faire vne parade, Ou quelque vaine mascarade, A piper les autres humains :
Non pour en abusant, la dire :
Mais pour dedans son cœur l'escrire, Mais pour la mettre dans ses mains.
Son prochain d'vne amour extrême Il aimera comme soy mesme.
L'aidera, le confortera.
Luy fera d'vne mesme grâce Tout ce qu'il voudra qu'il luy face.
Ce qu'il fuyroit, ne lui fera.
Son cœur qui à bien faire tire Hors de raison rien ne désire.
Dont son voisin s'oifenseroit.
Enuers les hommes débonnaire,
Plustost que d'vne seule en faire, Cent iniures endureroit.
L'autruy ne conuoite ny pille.
D*autruy la femme ny la fille Il ne voudroit deshonorer.
Sa main il n'a iamais polue.
Il ne rançonne ny ne tue.
Pour rien ne veut se pariurer.
S*il fault^ reconnoist son offense :
S^amande, en feit la repentance:
Et iuste et droit y satisfait.
La Religion n'est pas feinte DVn qui garde ainsi Tame sainte, Fuyant comme mort le mesfait.
Au moins, Peruers, si de mal-fàire Vous ne pouuez plus vous retraire Plongez en la perdition, Au moins de vostre forfaiture Ne faites plus la couuerture, L'innocente Religion.
La Lyre à TAsne, au Porc la Harpe :
Haze au viuier, au clapier carpe.
Qui Toit ne Toit : Qui voit ne voit.
L'ignorance est mal volontaire.
C'est grand mal telle faute feire.
Qui refait horreur si on Toit.
Hors de raison tout extrauague :
En exil la vérité vague :
L'art non art suit principes faux.
Pour ne voir plus les choses nettes Les hommes ont faulses lunettes; Ignorance nous fait cheuaux.
Esprit Tolant d*aele légère
Trjbusche son homme en misère.
Ne depnse auant que priser.
Celuj qui lourd porte vne teste
Plustost que dliomme d*vne beste.
Ne sçait priser nj despriser.
Du bonheur vient ]a nonchalance, . De nonchalance Fignorance,
D'ignorance part le mépris.
Du mépris sourd la felonie.
De félonie t}-Tannie :
Du Tyran la mort est le prix.
Honte malignité surmonte.
Dommage suit la sotte honte.
Honte souuent sert, souuent nuit.
Peu de crainte grand mal euite.
La crainte perdant on profite.
En son temps toute chose duit.
Qui vaincre peut, la paix demande.
De peu de cas vient chose grande.
L*ennemi mort la guerre faut.
Le priué, le public empire.
Si le Roy tout sçauoir désire.
Beaucoup de démence il luy fout.
La vertu ferme tout emporte.
Plus tu peux, plus doux te comporte.
Qui vend le public, il se vend.
A traistre iamais ne te fie.
Gloire auecque peine establie
Par vn hazard se perd souuent.
Grands honneurs font les grands courages.
Presse de maux les rend sauuages.
Au desespoir s'oubli' Thonneur.
Tous ensemble faut entreprendre,
Ou bien chacun à part se rendre.
Vertu conqueste vn doux bonheur.
Hantise abat la reuerence,
La douceur du superbe tance.
Vaincu patist, ne fait la loy.
Los mesprisé croist d'auantage.
Euenemens font le fol sage.
Qui tient sa foy^ fait tenir foy.
A mesme tout et ne rien faire
C'est des cœurs la perte ordinaire.
Grand dueil ne reçoit reconfort.
En guerre où plusieurs Chefs commandent
Les affaires point ne s'amendent.
Le bon ordre fait le plus fort.
Rien ne craint Pestât en concorde.
Ce qui plus oste la discorde
C'est la crainte de Testranger.
Ne resou rien à la volée.
Depuis qu'elle est à la meslee,
Bataille ne peut se ranger.
Qui fait hostilité, Tendure :
Plus vaut à repousser l'iniure
Qu'à la faire l'homme de cueur.
Qui à rien qu*au public ne tire.
Les cœurs des hommes il attire.
Qui se borne soit le veinqueur.
Peu vient à bien l'outrecuidance.
Courroux s'éfume sans vaillance.
Qui le sien garde assaut l'autruy.
Peu profl&ter, prou peuuent nuire.
Ennemi fait yertu reluire.
Qui hait et doit, sent double ennuy.
Il craint qui sçait que vaut fortune :
Fortune n'est contente dVne.
C'est honte perdre par mésoing.
Qui veut auancer il auance.
Victoire la guerre commence.
