DES
DE I. A. DE BAIF
RIEN meilleur, sire, ne peut estre Qu'auoir à viure sous vn Maistre Bon, gracieux et bienfaicteur.
Et traictable, et facile à prendre Quelquefois le loisir d'entendre La plainte de son seruiteur.
Or m'estant permis ne rien feindre, En liberté ie vieil me plaindre A vous, 6 mon Roy : non de vous, Qui tousiours m'estes fauorable Et libéral et secourable Et serein et bénin et dous :
Mais je me plain de la Fortune, Qui ne me fut onc opportune Pour respondre à mes beaux désirs.
Car tousiours le desauantage Repoussant mon noble courage^ A rendu manques mes plaisirs.
Que sert vne ame généreuse Des vrayes vertus amoureuse Dans vn gentil cœur decireux, Si la santé, si la ieunesse.
Si le pouuoir, si la richesse, Ne rendent Thomrne bien heureux ?
Ce n*est qu'vn objet à l'Enuie :
Ce n'est qu'vne fascheuse vie, Pleine de despîts et regrets ; C'est vne ombre vaine dVn songe:
C'est vn creuecueur qui nous ronge D'ennuis, soings et tourmens segrets.
En la pauureté la prudence Ne peut venir en eu id en ce :
C'est mépris : c'est obscurité.
Le plus vertueux et plus sage Et plus sçauant^ se décourage Accablé de nécessité.
Grâces à l'heureuse nature, Dequoy songneuse elle procure Rendre aisé ce qui fait besoin :
A la chose non nécessaire, Pour Tauoir il luy plaist de faire, Qu'il faut de la peine et du soin.
Mais qui n'a point l'ame abbatue, Qui de bien faire s'esuertue.
Qui sçait l'honneur et le vray bien, Qui gouste les plaisirs louables/ Qui boust de désirs honorables^ Souffre trop de ne pouuoir rien.
O Dieu, que n'eû-ie Tame vile^ Que ne naqui>ie mal-abile Lourd et grossier d'entendement?
Long temps ha ma fortune faite, l'eusse trouué quelque retraite Pour viure à mon contentement.
le n'aimeroy point Taccointance Des personnages d'excellence De beaux arts la vie honorans :
le ne me pleusse à tenir table A la compagnie agréable Qui chasse les soins deuorans :
le n'eusse gousté la Musique, Ornement de Part poétique.
Douce compagne de nos vers:
le n'eusse point voulu parestre, Ny recherché ne me veisse estre. Pour mon renom d'hommes diuers.
Mon nom, pour nos belles merueilles^ Ne fust venu iusqu'aux oreilles Des plus grands, dont ie suis cognu Loin de faueur, loin de disgrâce.
Content de ma fortune basse, le me fusse en mon coing tenu.
le n'eusse esté pu d'espérance :
le n'eusse quitté l'asseurance Du peu, pour le désir de plus :
Ou Prieur à simple tonsure,
Ou Chanoine^ ou dans vne Cure, A moy ie me fusse reclus.
Là, ne sçachant que man breuiere, Ayant choisi telle manière De viure, ie vesquisse heureux :
le ne regretterons mon âge Despensé contre mon courage Pàrmy des gens peu valeureux.
le ne rougiroy point de honte, Dequoy le peuple faisant conte Du bruit par mes œuures acquis^ Allant par ville dans la rue, Me monstre au doigt ou me salue.
Comme autheur d*ouurages exquis.
Vn despit desdaigneux ie n'eusse, Ny plus auoir ie ne voulusse Estinnant loyer m*estre deu :
Enflé ie ne m'outrecuidasse :
Ingratement ie ne cuidasse Auoir mon seruice perdu.
Voyant qui n'a pris tant de peine louîr de fortune certaine, Quand i'oy que tout chacun me dict Que deusse auoir quelque Abbaie, Ma raison demeure esbahie Dequoy i*en suis tant interdict.
Si ay-ie tenu de TEglise La foy Catholique entreprise Contre les nouueaux reformeurs:
Si ay-ie entrepris quelque chose En mon temps, si dire ie Pose, Plus que mes compagnons rimeurs*
Si ay-ie receu les caresses Des plus Grans, et non menteresses.
Mais pour la vraye vérité.
Si ay-ie esté pensionnere Des trois Frères, et de la Mère :
Ce fut pour l'auoir mérité.
Car ie n'eus onques parentele En Court, ny alliance telle Qu'elle m'ait en rien auancé.
C'est ce qui plus mon fiel irrite, Dequoy paroissant mon mérite^ Si mal ie suis recompensé.
Et ce qui plus encor me mine, Vostre assez bon vouloir encline  me pouruoir benignement :
Et rien si tost ie ne demande Que vostre bonté qui est grandf Ne me l'accorde prontement :
Mais quelque chose que l'obtienne, Ne croyez sire que rien vienne A mon profit tant soit il clair.
Incontinent quelque trauersé Mon bien dedans ma main renuerse.
Qui disparoist comme vn esclair.
Sncor de mémoire bien fresche Vn malheureux desastre empesche Ma fortune que i'arrestoy :
Tout celaqu'auec grande peine De bons ans par vne vinteine En vn petit bloc ie mettoy :
C^estoient deux mal-creez offices.
Qu'en payment de tous mes seruices
Oqu'estre bien ouy ie peusse !
Et creu des escoutans ie fusse !
Nul toute honte ne perdroit :
Nul abusant de la ieunessc Ne renuerseroit la noblesse, Ny tout Testât ne confondroit.
Qui met à mépris toute chose Et droite et sainte, en fin Ion ose Le terrasser et mépriser :
Qui sçait le bon conseil bien prendre,
. Il sçait à chacun le sien rendre :
Et doit se faire authoriser.
Quand la parole profitable Rencontre l'oyant fauorable En bonne et promte volonté, En vain elle ne voile dite :
Au cœur elle demeure escrite :
Et feit le fruit de la bonté.
Toy qui sur les autres commandes, Tu vas te perdre, si te bandes Contre le torrent des destins.
Les mechans dessous toy n'employé, Que tu n'encoures maie ioye Portant le for&it des malins.
Qui commande auec auantage. Ne doit tenir autre langage Que le langage de la loy :
Qui veut que le peuple fidèle Luy garde sa foy de bon zèle, Doit premier luy garder sa foy.
Aux bons et iustes secourable Soit rigoureux non esbranlable Vers ceux qui tout mal sont trenchans :
Qui aux craels bénin, pardonna Perd tous les bons qu^il abandonne En proye aux outrageux mechans.
Toy qui tiens souuerain empire Souuent à par toy va redire Trois choses pour y repenser.
Sur des hommes ie seigneurise :
Sous les statuts ie les maisttise :
Mon commandement peut cesser.
Ne commande rien que droiture : *
Ne souffre brauer nulle iniure.
Qui passe vn outrage léger, Il attrait vn plus grief outrage.
Le Roy régnant, sil est bien sage, Nul mal ne laisse aunntager.
Impunité des maux nourrice, Desbordement suit Piniustice :
La conniuence . ttend malheur.
Du souuerain la nonchalance Accroist la désobéissance :
De courte ioye longue douleur.
Qui vit contre toute droiture :
Qui fait débauche et fait iniure
Dess il les autres commandant.
Se rendra ses sujets rebelles, Qui les feroit doux et fidtles Patron du deuoir se rendant.
Mais qui ferme en toute auanture Sans changer de sa quadrature Pour changement ne branlera ?
Qui pouruoyant à nos misères Autant aux hommes qu*aux affaires Sagement s'accommodera?
Rien n'aimera que le louable :
L*honnesteté recommandable Tiendra pour règle de ses faits.
Ses propos tendront à bien faire :
Ne sera ffac ny trop austère En ses comportemens parfaits.
Qui les honneurs aime et désire, Sans perdre rien de son empire Il comblera de tout honneur:
Toute ambition assouuie, Ne souffrira Toiseuse vie.
De la vertu bon guerdonneur.
Ne donnera tel auantage A nul qui tourne à son dommage; De loin au mal remedîra.
Sçaura le feu naissant estai ndrc :
Qui le lairra croistre sans craindre.
Au feu à Teau trop tard crîra.
Quelle pitié de voir vn Prince Qui doit régir mainte prouincc.
Ouïr et voir tout par autruy ?
Le voir le pauuret qui se fie
 des trompeurs que Dieu meudic Nullement fidèles vers luy.
Aussi trop amy de ton aise Ne veus ouyr rien qui desplaîse.
Chacun fuit le mal te conter, Lequel tu corrigerois d'heure :
Tandis le mal gangne et demeure :
Et plus ne se peut surmonter.
Le flateur tout en complaisance.
Ne vacant à rien d'importance.
Fuit rhonneur et Tv-tilité Du peuple et du Grand, et les flate Et traistre loue (ô Tame ingrate) Le mal par infidélité.
Louant le mal luy qui s'en joue, Porte perte à celuy qu'il loue Par vne extrême lascheté :
Là où s'il vsoit de franchise.
Le Prince feroit entreprise D'vn los par valeur acheté.
Mais du flateur le cœur esclaue, Qui Tauilist et le depraue, Le fait moisir lasche fainient, Qui le pas ouure à toute iniure :
Et faudra qu'après il endure L'ayant quise à son escient.
Lors que la débauche commance, Faut empescher qu'elle s'auance, Et tost le chemin'luy trancher :
Malice une fois enuieillie, Comme vne longue maladie, A peine peut on arracher.
L*homme qui dessur tous excelle Dedans son estomach recelle Son. conseil qui va quant et luy.
Kncor louange faut il rendre A qui Tauis donné sçait prendre, Se conseillant bien par autruy.
Mais qui fêtard en tout sommeille, Ny de soymesme se conseille Ny prend d*ailleurà enseignement, N'est bon à rien, vit inutile :
Dedans sa chair son âme vile Sert de saumure seulement.
Bien malheureux est qui peut suiure La vraye vertu, pour y viure Et bien-heureux et valeureux^ Toutefois s'abandonne au vice, Et plus se plaist en la malice, Et gaste son cœur généreux.
En lieu d'amour haine il rapporte Des siens et des autres, en sorte Qu'à tous son nom est odieux.
Pour louange il oit médisance :
Pour seurté s'aquiert défiance :
C*est le loyer du vicieux.
De son deuoir faire risée :
De religion mesprisee Le manteau pour ses vains plaisirs :
Corrompre ardemment l'innocence:
Vilier le consort de TofFence, Soullé de ses sales désirs :
Négliger ses grandes afferes Vaquer tout à choses legefes :
Sans lire, liures fueilleter :
Comter fueillets sans rien escrire:
Plorer pour rien : pour mal fait rire Au monde baille à caqueter.
Apres le caquet vient Paudace :
Apres Taudace la menace ; Apres la menace les cous.
Nous irritons Tire Diuine, A la veille de la ruine Sous la foudre de son courrous.
Tel le peuple quel est le Prince.
Son authorité deuient mince.
Quand il ne fait comte de luy. Nous en-cherrons en mal extrême :
Qui ne commande sur luy mesmc, Tres-mal commande sur autruy.
O sang Royal, doux et bons Princes, Vous leô Gouuerneurs des prouincts, Qui des grans honneurs auez part, Officiers de la Couronne :
lusticiers : Tous d'vne ame bonne A CCS aduis ayez esgard.
Voyez de la France les larmes.
N'esmouuez les iniques armes Pour à nos maux remédier.
La France est assez ruinée :
Tréue luy doit estre donnée :
Dieu la sçait assez chastier.
Les armes tant soient de iustice, Ne font qu'ensemencer le vice, .
Aux troubles ciuils mesmement.
Vous sçauez les autres reprendre :
Reprcnei vojs. Si fèrei pren^lre Le chemin de ramcndemcni. ■
Usiez de vous toute auarice :
bstcz le lune, ostez le vice :
Osiez la fausse ambilion :
Usiez les déborsdeshonnestes.
Qui nous font pires que les besiet :
Ostez mauuaise afieciion.
Ainsi vous appuirez l'empire :
Ne souffrirez que rien empire :
Donrez exempte de tout bien.
Autrement ie voy tout en proye, Dequoy i'estranger aura ioye.
Non le naturel citoyen.
ODieu, que nostre vie est bréue î Nul toutefois ne se releue Pour son âge bien employer.
Des animaux ont Pauantage De viure iusqu'au dixième âge, Pleins de santé sans foruoyer :
L*homme nay à choses tant belle.
Foiblet, maladif, tu rapelles Deuant qu'il connoisse quMl vil !
L'homme meurt parauant quMl sçache Comme il doit viure! Et lors qu'il tâchi Viure bien, Tame on luy rauit!
La vie est courte : et par mégarde Du temps volant, qui si peu tardj, La plus grande part nous perdons :
Tandis que nostre nonchalance A rien de bon ne la de'panse.
Nostre perte nous regardons.
Sans auoir sa fuitte pensée, Nous sentons qu'elle s'est passée :
Kt ce pendant que la tenons, Nous la prodigons en IVsage ; Et la rendons par grand outrage Plus courte que ne la prenons.
Sçaches bien vser de ta vie, Tu en auras l'ame assouuie :
Assez longue la trouueras.
Comme dans la main despensiere Grand* richesse ne dure guiere.
Ton âge tu despenseras :
Mais si peu de moyen s'adonne Au bon ménagier il foisonne :
Nostre vie aussi, comme elle est, St elle estoit bien ménagée, Croistroit de beaucoup allongée. Nous la perdons : car il nous piest :
Et puis nous desplaist mal perdue, Par la repentance bien deûe :
Puis qu'ainsi mal nous l'employons :
Quand Tvn moisi de poltronise La coule en toute fetardise, Comme les plus grans nous voyons :
L'autre l'agite misérable .
£n auarice insatiable.
Plus altéré tant plus il boit :
L'autre en vn trauail inutile Se tourmentant, fait de l'abile :
Ny iamais nul repos ne voit.
Quelcun s'adonne à gourmandise.
Et se fondant en friandise Dans son ventre perd son auoir:
Quelque autre d'ambition vaine De complaire nu peuple se peine Pour des premiers se faire voir.
L'vn trafiquant de terre en terre De mer en mer, gain sur gain serre.
Par les hazars au deuant mis :
L'autFs; aux armes sa vie adonne.
Ne fuit trauailler sa perso.ne Pour trauailler ses ennemis.
Beaucoup d'ingrate seruitude Mettent leur volontaire estude A courtiser les grans seigneurs :
Beaucoup par enuie importune ' D'autruy pourchassent la fortune.
Et de la leur sont dedaigneurs.
La plus part en ce monde viuent.
Qui rien de certain ne poursuiuent, Vagabons en legiereté.
Irrésolus d\impatience, Démenez par leur inconstance»
Trop aimans la nouuelleté.
Des vices les espais nuages Nos yeux troublez et nos courages Enuelopent de toutes pars.
Descouurir ne nous est loisible Pour iuger le bon ou nuisible:
Nous suiuons nos désirs épars.
* A nous nous ne pouuons nous rendre.
Si quelque repos nous vient prendre.
Comme sur la profonde mer, (Encore que le vent y cesse) La tourmente point ne nous laisse:
Il faut ou voguer ou ramer.
A bien peser nostre folie La moindre part de nostre vie Est celle part que nous viuons.
Tout le cours de nostre fresle âge
N^cst pas vie, ains vn vol volage D*vn temps que iamais nous n'auons.
Tu penses que cecy i*adresse A ceux que tout chacun confesse Se mal porter ou gouuerner.
Voy ceux, de qui l'heureuse vie Chacun à les suiure conuie, De leurs biens propres maumener.
A d*aucuns leurs richesses nuisent :
D'autres eux mesmes se séduisent, Par ce qu'ils croyent mieux sçauoir.
Quelques vns qui veulent bien dire.
Trop bien disans vont se d^struir^, Pour trop auoir fiait bon deuoir.
O combien^ tous haues palissent, Qui par débauche s'elanguissent Continua ns la volupté ! O combien, entourez d'vn monde De suiuans^ où sottise abonde, N'ont rien de franche liberté !
LVn demande, l'autre auocasse :
L'vn se défend, l'autre pourchasse :
L'vn plaider^ l'autre va iuger :
Kt l'vn pour l'autre se consume :
Chacun d'eus^ bien fisiire présume :
Tous sous autruy se vont ranger.
Si vn tout seul ne se peut dire :
Et quelcun sottement s'aîre De n'estre d'vn grand reconnu.
Pourquoy d'vn autre se va plaindre, Celuy qui, pour ailleurs s*astraindre.
De soy nul conte n'a tenu/
En cor luy, bien que d'vne face Assez fiere et pleine d'audace.
Ta bijn regardé quelque fois :
T'a bien daigné prester Toreille.
Mais toy (qui est plus grand' raerueille) lamais tu ne t'ois ny te vois.
Chacun en son bien tiendra serre.
Et fust-ce pour vn doigt de terre ; Le débattra iusques au bout :
S'il est question de sa vie.
Au premier sans qu'on luy conuie.
Aller se laissera du tout.
Nul de son argent rien ne donne :
Sa vie à chacun abandonne.
Leur patrimoine ils vont gardant :
Du temps ils ne font guiere conte :
En sont prodigues, et sans honte Le vont pour qui que soit perdant.
Le temps toutefois est la chose Dont plus iustement le Bon ose Se monstrer auaricieux.
Or attaquons quelque vieil homm^, Et le prions vn peu qu'il somme Le temps vescu de ses ans vieux.
Tu as cent ans et dauantage :
Recalcule de tout ton âge Combien en eut ton créancier, Combien tes sottes amourettes, Combien les affaires secrettes, Combien ton pauure tenancier, Combien tes procès ordinaires, Combien tes valets mercenaires.
Combien ton aller et venir :
Adiouste encor tes maladies Mal acquises par tes folies :
Elles^ si t'en peux souuenir :
Et tout cela qui sans vsage S'en est allé pour ton dommage :
Si tout cela tu en rabas, Te verras auoir moins d'années De beaucoup que ne t'as données :
Et que verdelet tu t'en vas.
En après à par toy repanse Quand tu as gardé ta constance, Certain d'auis et résolu :
Combien de fois selon ton ême, D'vn cours et d'vne raison même, Et quel iour tu as reuolu.
Quand c'est que sans muer visage, Ou que sans changer de courage, Vn seul iour tu as sceu passer :
Combien d'œuures, par tant d'années De mal-empléte et mal menées Parfiaits tu peusses ramasser :
Combien de gens ta longue vie, Comme en pillage, t'ont rauie, Toy ne sentant que la perdois :
Combien de temps la douleur vaine, La ioye de sottises pleine, T'ont fait perdre à diuerses fois :
Combien tes hautes coiiuoitises.
Combien tes âateuses hantises, De tout ton âge t'ont osté :
Pour le peu que vas recognoistre
Te rester et yrayment tien estre, Tu meurs n*estant pas aousté.
Qui en est cause i Comme à mesme DVn vif sourgeon sans moyen mesnic Le temps respapdu vous iettez :
Comme mortels en défiance.
Comme immortels en asseurance.
Tout vous craignez et souhaitez.
Depuis qu'en toute vilenie Nostre noblesse fut honnie, Mettant sous les pies tout honneur^ Par vn malheureux et sot change.
Tous ont mesprisé la louange :
Le loueur n'a son guerdonneur.
Comme on a cessé de bien faire, Aux Poètes a falu se taire :
Nul en besongne ne les met :
Ailleurs ont mis leur fantaisie :
La nûe et pauure Poôsie Rien que despoir ne se promet.
Ny la mesure ny la rime Auiourdhuy n'est plus en estime :
Vulgaire, est vulgaire du tout.
Qui veut plaire, se faut desplaîre :
Faut se rendre bas et vulgaire En sens et mots de bout en bout.
Poésie est donc terrassée :
Coyoncrie est auancce:
Poltronise braue les Dieux, Valeur et prouesse abbatue:
Les releuer nul s^esuertue :
Tout bon conseil est odieux.
Princes en leur plaisanterie Sont assistez de âaterie.
Et d'ignorance en tous estas:
S*aucun en quoy que soit excelle Il est moqué s'il ne le celé.
Bestise a des faueurs à tas.
Deuant eux vn sçauant et sage Ne trouuera nul auantage.
Ne se verra iamais ouy.
S'il est accort, il s'en retire:
Ou craintif et caut ira dire Non sur non, ouy sur ouy.
Présen bien ce que sent le Prince Et l'y accorde. O qu'on est mince En bons desseins et beaux projets!
Mettre sa maison en parade, Et rompre vne lourde algarade.
Ce sont bien difFerens sujets.
Nostre sottise mal-abile Rend le mal-aisé trop facile A qui n'eust osé d'y penser.
Vne vaillante diligence Eust aboli toute l'engence Deuant qu'auoir sceu commencer.
Qui de nos mignons s'en remue ?
Ce sont de vrais oisons en mue :
Ce n'est que fadése et qu'orgueil :
Toute authorité mal acquise D'elle mesme tombe démise.
Et peuuent-ils bien leuer l'œil .^
Vn remors de leur manigance Vient au runge en leur conscience
Faut bien qu^ils ayent le. cœur bas.
Que dirons-nous du Manifeste :
Ha! c'est vne maudite peste De nouueaux discors et debas.
Père Matthieu, que veux-tu foire Auec ta Bule extrord inaire Où sont tant de beaux traits passez r Où des clauses toutes nouuelles De forfoire licences belles r
- Nous nous en dispensions assez.
Qui veut hors de tout scrupule estre Soit ou pour esgorger son maistre Ou le voler sans craindre rien?
Qui peut oser comme are et faire Au lict de son frère adultère, Inceste auecques le sang sien ?
Qui veut piller une Prouince:
Se rebeller contre son Prince :
Faire fiaubond et fust-ce à Dieu ; Qui veut estre bon Sodomite :
Docteur en toute cha terni te :
Qu'il en parle à Père Matthieu.
Si quelcun faisoit conscience, Comme suiet d'obéissance, De brasser la mort à son Roy.
Ou par poison ou par pistolb Ou le dagant : d'ame trop molle Craignant de lui manquer de f^y:
Vers Père Matthieu se retire. Père Matthieu par son beau dire Le cœur au ventre luy mettra :
Et le dispensant à cautele
L'absoudra d'estre en rien fidèle :
Et paradis luy promeitra.
Ha, nous auons par grans disgrâces Fait des putains des chastes Grâces :
Auons profané leur honneur.
N'auoir receu les biens ne fasche :
Tant comme s*il faut qu'on les lasche.
Don se perd dVn mauuais donneur.
Don bien donné ioye et richesse :
Don mal donné perte et tristesse, Tant à celuy qui Ta donné Comme à celuy qui Tose prendre :
Car tost ou tard il faut le rendre.
Bien et mal mourra guerdonné.
Ha Nemesis iuste équitable, Aux hommes et Dieux redoutable, Qui viens soudaine aux vieux péchés.
Et tardiue aux fresches offenses, Vangences vangences vangences!
Nous en. serons bien empeschez.
Le méchant le méchant chastie :
Nostre asseurance est mal bnstie :
Nul conseil n'assiste Testât.
Au timon n'a nul bon pilote. • Trop mieux sieroit vne marote QuVn sceptre au poing d'vn Prince fat.
Religions, ce sont des bourdes :
N us crions aux oreilles sourdes :
On ne croit pas ce que Ton voit.
Et vous croyez qu'on puisse croire Ce qui n'est point. Voire da voire:
Preschez pre$chez : on vous en croit.
On voit ce que vous pouuez faire :
Il n'est plus d'homme débonnaire :
Tout est du tout abastardi.
Preudhommie n*est plus au monde.
Toute rage et sottise abonde :
Il n'est plus nul preux ny hardi.
Tous nos hommes ne sont que couilles :
Lasches gogues, flaques andouilles :
Qui ont du mou en lieu de cueur.
Si rhomme de Dieu vient parestrj
Vn monde neuf il fera nestre,
S*en estant fait iuste vainqueur Mais il ne faut se faire accroire,
Enflé de quelque vaine gloire,
D'estre celuy ne Pestant point.
Il viura de façon Royale :
Portera Tame libérale.
Le cœur de vertu noble espoint.
Aimera les hommes s..ns feinte :
Ne requerra d*eux nulle crainte :
De leur amour se fera fort.
Sera le patron de bien viurc :
En pieté se fera suiure:
Haira l'hypocrisie à mort.
Vrayment affranchira les âmes :
Chassera tous abus infâmes:
Bannira superstition :
Ne forcera point les pensées.
Ostant ces bestes insensées
Raclera l'Inquisition.
Détestera la tyrannie :
Ne laissera pas impunie
La forfaiture panader.
Ne laissera non guerdonitCe
La vertu choir abandonnée,
Ny les fouis en mascarader.
Où est-il ce preux ce profete
Cest Héros que le bon souhete ?
Où est-il cest homme de Dieu ?
Il n*est pas qui le bien restore:
Ou s'il est il se cache encore.
Garde le fouet Père Matthieu.
Gardez le fouet faux hypocrites:
Vous aurez selon vos mérites :
Vostre Euangile est découuen.
Le vostre n*est le perdurable,
Qui doit aux humains secourablc
Estre pour tout iamais ouuert.
N'outrager ne rend iuste l'homme :
Ne vouloir outrager consomme
Le lusto qui peut outrager :
Qui peut tout prendre et ne veut prendre :
Mais à chacun le sien va rendre,
Ne s*en daignant auantager.
Le Bon iamais nul mal ne pense.
Aime les bons, les mauuais tans;^.
Son bon cueur, est du bon la loy.
Chez soy ne logera l'Enuie :
De nul ne troublera la vie.
Quiconque fait bien» il est Roy.
A Dieu l'accompli sacrifice
C'est vn cœur muni de iustice.
Toute vertu va s'assemblant
En cil qui, .doué de nature
Franche et sans dol, Bon aura cure D'estre vray Bon, non par semblant. Donc si d'accord ne pouuons estrc Des secrets que Di6u fait parestre, A qui moins les peut rcgarde*^.
Laissant les Docteur^ en-debatre, Sans pour cela nous entrebatre, Viuons d'accord de nous garder.
IE n*entan point la Ligue sainte :
Mais ie ne puis n*en auoir creinte.
Car bien souuent la sainteté Cache Timpieté couuerte :
Bien souuent la lustice ouuerte Enclost la grand^ méchanceté.
le ne fu iamais hérétique :
le suis Chrestien Catholique, £t i*aprouue la Papauté :
Mais i'aborre la tyrannie :
Et fui la rebelle manie Qui romt la i :ste Roiauté.
La Roiauté iuste i'apellej Qui de race continuelle Dure establie au sang François, Sans rechercher son origine, ^Fuis que par la grâce Diuine Ils régnent receusd'vne voix.
O Papauté donne toy garde Que le feu iustement ne l'ard , Que tu commences d'alumer :
Tant que de Paix tu fus nourrice.
Dieu t'a esté doux et propice :
Dieu t*a faict sur tout estimer.
Mais tu n^émeus iamais la guerre
Entre les Princes de la terre
Que tu n'ais couru grand hazard.
Pense à Tauis que ie te iette
Ni Deuin ni fils de Protéte :
A quoy ne faut auoir égard.
Ne cuide extirper Theresie
Ni par boufante hypocrisie
Ni par le glaiue des puissans.
Ce sera la vie exemplaire
Qui remetra le populaire
Hors de l'erreur en son bon sans.
Prelas déchassez Pauarice,
