DE
MADAME SAINTE KATHERINE
DE FIERBOrS.
L'an mil trois cens soixante et quinze.
Le voiage de Madame sainte Katherine appela Fierboys, estant en la parroisse de Sainte Maure , ou diocèse de Tours en Touraine; et fut trouvé par ung prodomme dudit lieu appelle lehan Gode-:
froy ; en laquelle chapelle sont avenuz et aviennent de iour en iour beaulx miracles, la mercy Nostre Seigneur et la Sainte Vierge Mère qui le porta, à la prière et requeste de Madame sainte Katherine.
Si prions sainte Katherine , En Dieu parfaite et entérine.
Que Dieu puissions si bien servir Qu'en Paradis puissions venir.
Âmen.
r Année 1375.) (L'an mil trois cens soixante et quinze) avint que quant Hylaire Habert, paroissien de saint Espain faisoit la chappelle de madame sainte Katherine de Fierboys si en desplaisoit a sa femme et en estoit trop marrie dont il venoit faire la dite chappelle et laissoit sa besongne a faire.
Si requist sa femme a Dieu que iamais il n'en peust retourner ne venir a Tostel.
Et tant il luy avint qu'elle cheut comme celle qui estoit morte. Elle avoit les yeulx et la bouche close, sans parler, sans bouger, devint toute roide comme ung bas ton, ne oncques ne s'en revint a tant que son seigneur vint de la dite chappelle. Et la trouva en celuy point. Si la voua a madame sainte Katherine , et promist de la luy mener, se il luy plaisoit la luy rendre en vie et en santé. Si tost qu'il eut fait sa prière, les yeulx lui ouvrirent et commença a parler, et fut en bon point, aussi bien comme elle avoit oncques esté. Et tantost il la mena a la dite chappelle, et illecques fist son oblacion et sen ala toute saine.
: Année 1380. )
Le sabmedi , vigile de la Penthecouste , mil troys cens iiii" , Perrot Chapon , parroissien de Saint Sauveur près de Luzarché , est venu a la chappelle de céans soy rendre et mercier madame sainte Katherine de la grâce qu'elle luy a impetrée envers nostre Seigneur de la délivrance de son corps, lequel fut prins des Anglois de chaines et y fut ung mois tout enferré; ne nulle délivrance de soy ne pou voit trouver. Si se voua a madame sainte Katherine, que s'il povoit eschapper sans finance, que il se rendroit en la chappelle de céans. Et tantost son veu fait que il fist estant prisonié, et aussi sa femme se voua environ celle heure , et tantost il se endormit, et au reveiller se trouva en la salle de sa maison tout enferré. Et est venu en la chappelle de céans rendre' grâces a nostre Seigneur et a la Vierge , et a ce iuré estre vray.
( Année 1383 ]
L'an de grâce mil. ccc. iiii" et troys , le jeudy empres Pasques , vint en la chapelle de céans Clément de La Bière, du diocèse de Xaintes , près de la Rochelle , de la paroisse d'Estre , lequel puis Noël en ça estoit prins prisonnier des Anglois de Ghaluceau , luy et plusieurs autres. Et comme ils furent prins, iceluy Clément fut moult fort lié par les bras derrière le dos, et les piez par dessoubz le ventre d'ung cheval qu'il avoit. Et le menèrent bien xx et deux lieues, jusques au lieu de Chalucet. Et comme iceluy Clément se vit sy près du fort des Ânglois, reclama madame sainte Katherine et se voua a elle a soy rendre en la chapelle de céans , devant la Penthecouste prochaine venant , mais qu'elle le voulsist délivrer de sa prison. Et tantost le veu fait les cordes dont il estoit lié par les jambes cheurent a terre, et voyant tous les Anglois s'en ala le cheval tout sauf, et mesmement celuy qui le devoit garder dist aux aultres
que iceluy prisonnier s'en aloit. Et ce a affermé par son serment. Presens Guillaume Le Fournier de la dite paroisse, Guillaume Tricot et aultres.
( Année 1383. )
L'an de grâce mil. ccc. iiii" et troys , le sabmedi emprez Pasques, vint et se rendit en la chapelle de céans Guillaume Oade Galoys, disant et affermant par sa foy et serment que en Tan précédant, entre la feste de Toussains et Noël , troys iours avant la bataille que fist le Roy nostre sire en Flandres , et dont il eut la victoire contre les Flamands et gens inobediens, iceluy Guillaume Oade estoit logié a Poperigne en Flandres, a deux lieues et demye près dlpre, avecques grant quantité des gens d'armes qui a ung sabmedy environ mynuit se deslogèrent et alerent de Poperigne, et en icelle boutèrent le feu partout. Et en celle heure se dormoit et repousoit ledit Guillaume et son varlet en son logeis ou il estoit logié. Et tantost comme iceux gens d'armes furent esloignez, vindrent illec grant quantité de Flamans et gens d'armes de leur party, tant que toute la \ille emplit. Et lors comme le dit Guillaume et
son varlet oyrent la noyse d'îceulx, ilz s'en yssirent hors de Tostel et cuiderent eulx en aller et fouir, et réclamèrent madame sainte Katherine de Fierboys ; et a icelle heure se voua ledit Guillaume. Et lors trouvèrent gens de toutes parts qui leur courirent sus. Si s'en alaet eschappa ledit varlet par sa diligence et par grâce de Dieu et de sainte Katherine. Et ledit qui vit qu'il ne povoit eschapper ne résister se bouta en une maison couverte de chaume; et ne sceurent iceulx Flamants qu'il estoit devenu. Et monta ledit Guillaume sous le tet.d'icelle maison, et '* y fust iusques a lendemain. Et comme
avint que le feu eut arses toutes les maisons d'environ icelle , ledit Guillaume voyant les autres maisons cheoir toutes ardans contre icelle , et le feu devant et derrière entrant en icelle , se reclama et voua de rechief a Madame sainte Katherine de Fierboys . Et s'en saillit hors d'icelle maison et s'en cuida aller. Si encontra Flamants de toutes parts qui lui courirent sus , et tant que ledit Guillaume ne povoit plus fouyr. Si luy convint saillir en une grant rivière et parfonde pour cuider fouir
a la mort, et alla au fons. Et comme il fut ressours amont se print a nager et passa a l'autre costé d'icelle rivière. Et luy issu dehors tantost fut prins des Flamans qui estoient courus ou devant de luy ; coupperent et estèrent sa bourse et son argent qui pendoit a sa poitrine. Et comme ils cuiderent le tuer et ferir sur luy o leurs haches et o leurs picques , et reclamant Madame sainte Katherine s'en eschappa et alla devant eux. Et fut troys iours ainçoys qu'il peust retrouver ses gens, pendant lesqueulx trois iours trouva des Flamans en plusieurs autres lieux qui rien ne luy mesurent.
Le mardi avant la Translation saint Martin ^ , furent en la chapelle de céans quatre hommes d'ung villaige près de la paroisse de la Souterraine, ou ils furent prins par gens d'armes anglois d'une garnison estant a six lieues de la dite Souterraine , et furent menez les dessusdiz quatre hommes par les diz Anglois en leur dit fort. Et illec les lièrent tant estroitement comme ils peurent et les bâtirent moult grandement , et puis s'en alerent disner. Et lors les dits prisonniers d'une Yolunté se vouèrent a Madame sainte Katherine de Fierboys , mais qu'il luy pleust qu'ilz peussent eschapper sans ranson de la dite prison , et sans bleceure , ilz la voirroient en sa chapelle de Fierboys , et y feroient offertes. Lors incontinent les liens dont ils estoient liez leur cheurenl des mains et des piez , et vin-
1 Cette pièce n'est pas datée, mais elle se trouve relatée entre une pièce de 1381 et une autre de 1387. •
drent hors dudit fort, parmi la court, pardevant eulx ; et yssirent parmi la porte dudit fort qu'ils trouvèrent ouverte , sans ce que portier ne autre de céans leur dit nulle contrariété ; et trouvèrent des compaignons de guerre qui avoient esté a les prendre, qui ne les cogneurent ny ne leur dirent oncques - rien , ny ne leur firent nul mal; mais s*en vindrent en leurs hostels. Et vindrent pour accomplir leur dite promesse a Madame sainte Katherine en la chapelle de céans ensemble eulx, leurs femmes et leurs enfans, le sabmedi empres les Octaves de ladite Translation saint Martin , et jurèrent et affermèrent les dessus dits ce que dit est éstre vray par leurs semiens en la présence de plusieurs notables personnes venues de Vendosme ledit jour en voyage en la chapelle de céans.
(Année U10.)
Le vendredi avant la Magdelaine , Tan mil. cccc. et x. vint en voyage en la chapelle de céans , ung homme appelle Thomas du Mont, pour lequel et pour ung aultre appelle PerrinetrAuvergnaz,Dieu, a la requeste de Nosire Dame , et de madame sainte Katherine, fist ung moult noble et évident miracle. Lesqueulx furent prins entre Paris et Montleheri , des Bourgoignons des gens au Rousselet et a Ferrebouc. Et furent menez a Corbail ; et la furent mis avecques troys aultres compaignons en une estroite fosse bien profonde de la haulteur d'une lance ou environ , et pardessus une très grosse roche , affin qu'ils ne s'en pussent sortir. Et la estoient moult asserrés , et y furent bien quatorze moys, troys jours; et leur demandoit Ton si grant ranson, que tous leurs amis eussent eu trop a faire de la poier. Et parcequ'ilz ne vouloient pas consentir, ilz furent mis au pain et a Teaue moult estroitement durant le dit
temps de xiiii moys et trois iours, tant et en telle manière que leurs troys compaignons moururent dans la fosse , et avoit bien huit ipurs que le derrenier estoit trespassé, pourquoy les dits Thomas et Perrinet enduroient moult grant puantize et ordure. Si requeroiejit dévotement la Vierge Marie et Madame sainte Katherine de Fierboys qu'il leur pleust prier Dieu qu'il les delivrast de l'ordure ou ils estoient. Si se misdrent a genoulz, leurs visaiges le plus droit qu'ils peurent envers la chapelle de madame sainte Katherine de Fierboys, et se y vouèrent d'y faire leur voyage le plus tost qu'ils pourroient estre eschappez. Et incontinent leur veu fait, si s'en dormirent, et au reveiller se trouvèrent dessus la fosse , et la roche remuée aussi comme deux tours, laquelle roche estoit si pesante qu'il failloit bien deux hommes a la tourner. Et estoit la dite fosse en la tour de Gorbail, la ou la rivière de Saine se fourche. Et trouvèrent ung bateau, et passèrent sains et sauves.
Et d'ilec se rendirent à Montlehery, et morut ledit Perrinet l'Auvergnaz, en cuidant accomplir son voyage , pour cause de
la pestilence qu'ilz avoient soufferte en la prison. Et fust ledit Thomas longuement malade avant qu^ll peust faire son voyage.
Et a dit et déposé la chose estre vraye par la foy de son corps, en la présence de lehan Ghermeteau , garde de la dite chapelle et de pluseurs aultres.
(Année im.)
L'an mil. cccc. xiiii. le ieudi après la Purification Nostre Dame passèrent par le Pont de Ruen le sire de Gaucort et Remonet de la Guerce, avec eulx une grande compaignie de gens d'armes, et laissa ung homme d'armes en Thostel de lehan de Balan et Loyse sa femme une bouges qu'il oublia oudit hostel , esquelles beuges avoit six tasses d'argent, et les avoit l'on prinses et emportées furtivement, sans ce que ledit de Balan et sa femme en sceussent riens. Si advint après la ioumée dessus dite audit hostel l'homme d'armes a qui estoient lesdites bouges pour les demander ausdiz lehan de Balan et sa femme. Si furent moult dolens et marriz , car le dit homme d'armes les vouloit moult fort contraindre de les rendre. Si fut vray que quand ladite femme vit qu'il estoit force qu'elle rendit lesdites bouges, ou qu'elle et son mary en fussent moult grandement endommaigés, si ne sceut que fayre, ne quel remède y mestre. Fors
tant seulement elle se recommanda a Dieu, a Nostre Dame, et a Madame sainte Katherine de Fierboys , et promist et voua que s*il luy plaisoit de prier Dieu pour elle, et que par son intercession les bouges fussent trouvées, elle se rendroit en la chapelle de céans piez nus. Si se rendit ainsi qu'elle avoit promis en ladite chapelle, et list chanter une messe. Et au plus tost que la messe fust finie, nouvelles luy vindrent en ladite chapelle que les bouges estoient trouvées. Et est vray que la nuyt dont elle s'en estoit partie, au soir les bouges furent apportées en Teglise dudit Pont de Ruen, et y furent trouvées au matin , et fut chose approvée par pluseurs personnes.
(Année 4418.)
L'an mil. cccc. xviii. ung gentilhomme fréquentant les armes, appelé Gasin du Boys, estoit en garnison ou chasteau du Beau Mont sur Oyse, lequel chasteau le duc de Bourgoigne assaillit , et dura Tassault trois iours et troys nuiz, et faillit qu'il fust prins par force; et tant qu'il fut prins , Ton trencha les testes a vingt gentils hommes qui estoient dedans ledit chastel. Et y estoit le dit Gasin et plusieurs autres. Lequel Gasin fut prins et mené en ung villaige environ deux lieues de Beaumont, et la fut enfermé en une huche fermante de clef, et en oultre fut liée la dite huche d'une moult grosse corde tout a travers, a l'endroit de la claveure, et estoit l'intention de celuy qui l'avoit prins de luy faire lendemain trencher la teste , selon ce qu'il entendit ; et fist coucher ung homme dessus ladite huche , affin qu'il ne peust trouver, manière de soy en sortir ne eschapper. Si avint que ledit Gasin estant enfermé en ladite huche , soy voyant
en péril de mort , se remembra des granz vertus et miracles que Bieu faisoit a la requeste de la glorieuse vierge madame sainte Katherine , et du noble voyage qui estoit a sa chapelle de Fierboys ; soy voua a madame sainte Katherine en luy suppliant qu'elle pleust estre a son ayde envers Dieu en telle 'manière qu'il peust eschapper, et incontinent qu'il seroit eschappé , il se rendroit et yroit en voyage a ladite chapelle de Fierboys. Et si tost qu'il eust fait son veu et sa requeste , la corde dont estoit liée la huche rompit, et s'ouvrit ladite huche , et s'en yssit ledit Gasin, sans que celuy qui estoit dessus la huche en sentist ne apercent rien. Et estoit celuy qui l'avoit prins couché en la chambre ou estoit ladite huche , luy et sa chamberiere, qui oncques n'en ouyrent riens. Et quant ledit Gasin fut hors de la huche , si ne povoit trouver manière comment il s'en peust yssir de la maison. Si regarda une fenestre bien haulte de la haulteur de deux hommes , ou environ , tant qu'il n'y povoit actaindre, et ne trouvoit de quoy y povoir monter. Si requist de rechief a madame sainte Katherine que
ainsi vrayment que par sa prière et requeste il s'en estoit yssu de la huche, qu'il luy pleust le mectre hors de la maison. Et après sa requestefaicte, il trouva que sa poictrine fut a l'endroit de la fenestre , et luy fust ad vis que l'on le sourdit par dessoubs les esselles. Et adonc s'en yssit hors de la maison, et se rendit a Greel ; et plusieurs logeys de gens d'armes passa qui estoient bourgoignons ; et beut et mangea avec eulx, et oncques ne luy meffîrent. Et ce que dit est a iuré estre vray par la foy et serment de son corps.
( Année 1421* )
Le vendredi après la saint Michiel, mil. cccc. xxi. Guillaume Guy, escuyer, natif du Pays de Piregort fut prins des Anglois a Rogemont en Beauce, entre Acheres et Blevies, et le menèrent a Pontoyse es forbourgs ; et le misdrent a finances, a. la somme de cinquante escus d'or. Et le misdrent a cheois de poier la dite finance , ou de faire rendre deux prisonniers anglois. Si le boutèrent dedans pipe sur bout, et l'enfermèrent dedans, la nuyt dudit vendredi ; et misdrent deux grans tables dessus , et ung Anglois coucbié dessus lesdites tables. Et en celle nuyt, ledit escuyer se voua a Madame sainte Katherine , en luy requérant qu'elle priast Dieu pour luy qu'il le voulsist délivrer. Et tantost environ minuyt, il trouva les tables toutes desjointes, Tune decza, l'autre delà , et l'Anglois a terre endormy.
Et adonc s'en yssit hors de la pipe et s'en eschappa sain et sauf par la grâce de Dieu et de madame sainte Katherine; par le
rapport de Thomas Bonvallet, escuyer; lehan Fardeau, et Clément L'Evesque, estans tous de la compaignie Alain Giron , lesqueulx ont dit et déposé par leurs sermens les choses dessus dites estre vrayes.
( Année U23. }
Le Txlmfi du moys d'apvril, Tan mil.
cccc. vingt troys, vint en la chapelle de céans ung appelle Perrin Gougeon , de la parroisse de saint Germain de Relay, lequel fust prins des Bourguignons le dimanche devant, au- soir, environ soulail couchant, et estoient sept Bourgoignons a le prandre, luy et ung aultre appelle Moricet Girart; et si les lièrent et les coupplerent ensemble , et especiallement ledit Perrin fut lié de troys cordes moult estroitement, et se vouèrent a Madame sainte Katherine de Fierboys. Et incontinent leur veu fait, ils se trouvèrent tous desliez au veu et au sceu des Bourgoignons, et ne leur en portèrent oncques rigueur, ne firent mal , ny ennuy ; et se allèrent reposer en ung boys, et s'en dormirent, et ainsi eschapperent. Et ce a iuré estre vray ledit Perrin par la foy de son corps; a ce presens Guillaume Tallebot, Perrin Briant, frère Gilles Lecourt et pluseurs aultres.
( Année U23. }
Le vi« iour du moys de may, l'an dessus dit ( mil. occc. vingt troys ) Guillaume Bressin, natif de Saint Brieuc en Bretaigne, vint en la chapelle de céans, lequel environ la saint Michiel passée avoit esté prins des anglois. Et fut mené a Rouan, et mis en la fosse , et enferré ; et estoient deux; et s'en ala l'autre et demoura ledit Bressin plege pour le tout. Et devoit retourner l*aultre et aporter la ranson d'eulx deux. Lequel ne retourna point, ny ne vint, ny n'envoya. Et tant que le dit Bressin demoura en prison, l'espace de xvii sepmaines. Et luy estant moult desconforté, luy souvint de la Vierge Marié et de Madame sainte Katherine de Fierboys , «u il se voua. Et son veu fait et son oroison , incontinent les Ânglois le déferrèrent et misdrent hors de la fosse. Et adoncques s'eloingna d'eulx, et leur eschappa , et s'en ala sans ranson , et sans ce que personne luy meffeist. Et croit fermement ledit Bressin qu'il ne fust point
eschappé si ne fust par Fintercession de la Vierge Marie et de Madame sainte Katherine. Et ceste chose a déposée estre vraye par la foy de son corps , en la présence demessireKyrthrizian, garde pour lors de la dite chapelle , de messire lehan Bredur, et de pluseurs aultres.
( Année 1423. }
Le xie iour de iuing, Tan mil. ccçc. vingt trois. lehan de Pons, de la parroisse de Musnet en Berry, vint en la chapelle de céans pour accomplir son veu. Lequel avoit esté t>nns le vi« iour dudit moys des Escossoys ou dit pais de Berry. Lequel \ lehan Perdrieux chassoit aux perdrîx le dit iour vie de iuing en Torée d*ung bled , et au ioignant avoit sept hommes qui labouroient, et furent prins tous sept avecques luy desdits Escossoys ; lesqueulx Escossoys avoient nagueres esté destroussez illecques auprès de brigans. Si les menèrent tous huit a ung chesne. Si pendirent les sept tous audit chesne , et les firent mourir. Et demoura ledit Perdrieux le derrenier a pendre, parcequ'il avoit requis ou nom de Dieu a celuy qui le tenoit qu'il fust pendu le derrenier a celle un qu'il eust terme et espace de requérir a Dieu mercy et pardon. Et vit devant luy pendre et estrangler tous les sept dessusdij;. Si se voua dévotement a madame sainte Rathe-
rine de Fierboys qu*il luy pleust luy impetrer grâce envers notre Créateur. Si fust pendu le derrenier bien baultement audit chesne, et ataché d*ung licoul presque tout neuf. Et quant celuy qui le pendit fut monté a cheval, et eut chevauchié après les autres qui s'en aloient devant, quant il fut environ ung tret d*arc dudit chesne , le licoul dont estoit atachié le dit Perdrieux rompit par le melieu, et cheut sur ung tas de pierres rudes et agues , et oncques ne luy firent mal non plus que sur une coite; et ne sentoit nulle angoesse que fust tant comme il fust attachié, mais luy sembloit que on le soustenoit par les piez.
Si vint acomplir son veu Tan et iour dessusdiz en la chappelle de Fierboys mercier madame sainte Katherine; et aporta le licoul rompu. Et iura et déposa par la foy de son corps que ce luy estoit avenu en la forme et manière dessusdite , en la présence de frère lehan Ghermeteau, garde pour lors de la dite chapelle , messire Nicolas Paon , frère Gilles Lecourt , messire Pierre Trincart, et pluseurs aultrès.
( Année 1425. }
Le xiii« iour de Janvier, Tan mil. cccc.
XXV. Jehan Ducoudray, natif de Saumur, et Jehan Gourtin, de la paroisse d'Ai'gentré près liaval Guion, sont auiourd*huy venus en voiage en la chapelle de Madame sainte Katherine de Fierboys , lesqueulx ont dit et révélé le miracle qui s'ensuit. C'est assavoir que la vigile de Noël derrenierement passée, ils se eschapperent de la prison des anglois, ou ils estoient, dedans le chastel de Belesme. Liesqueulx y avoient esté, c'est assavoir ledit Jehan Ducoudray par l'espace de trois ans et demy, et ledit Courtin, depuis la ioumée de Verneil ; et en la compaignie de plusieurs aultres estoient moult griefvemint empriBonnez , les ungs enferrez, les autres ou sep. Si se essaierent et eurent pensées d'eulx cuider eschapper par plusieurs foys, mais remèdes n'y povoient trouver en manière que fust. Si se vouèrent tous a Madame sainte Katherine ladite vigile de Noël, et en especial ledit Jehan Ducoudray et lehan
Courtin promisdrent d'eulx rendre et aler en voiage en la chapelle de Madame sainte Katherine de Fierboys , si tost qu'ils pourroient estre eschappez de la dite prison.
Et' la vigile de Noël, après qu'ils eurent fait leur requeste a Madame sainte Katherine, si se desemprisonnerent tous et s'en yssirent en la présence du geôlier, lequel crya si fort que toute la ville s'esmeut. Si monta ledit lehan Ducoudray le premier sur le mur de la ville, et trouva le guet lequel le print et l'embrassa. Et adoncques ledit leban getta le guet dessus le mur a terre, et dist a ses compaignons que ne se esbahissent point, et que Madame sainte Katherine estoit a leur aide. Si se laissèrent couler dessus le mur es doves ; et eschapperent par la grâce de Dieu et de Madame sainte Katherine ; et estoit hault le mur de la haulteur de deux lances ou environ.
Et ont iuré ce estre vray par la foy de leur corps , en la présence de messire Richart Kyrthrizian, garde de ladite chapelle, Robert Gomabel, et pluseurs aultres.
( Année 1425. }
L'an et iour dessusdiz (13 Janv. 1425) vint en voiage a la dite chapelle ung gentilhomme appelle lehan Godelin, de la paroisse de Besse sur Braie, lequel fut prins des Ânglois le iour de la my aoust derreniere passée. Et lendemain fut mené au gibet avecques six de ses compaignons, lesqueulx six il vit tous pendre devant luy audit gibet, et a Teure qu'il vit pendre le premier, si se voua a Madame sainte Katherine en la suppliant qu'iï luy pleust le garder de mourir si vilainement. Si demoura et fut emmené sans mal luy faire, et fut a ranson. Et a iuré la foy de son corps ce estre vray. Presens les dessusdiz, messire Richart et Gomabel, et aultres personnes.
(Année 14S5J
Le v« iour de Février, Tan mil. cccc.
XXV. lehan Hurpois de la Ghartre sur le Lair, est venu en la chapelle de sainte Katherine de Fierboys en voiage. Lequel fut prins des Anglois audit lieu de la Ghartre , quant elle fut prinse desdiz Anglois; lequel se voua a madame sainte Katherine quand il les vit arriver a la Ghartre. Et tantost prinrent la ville et tuèrent grant quantité de gens ; et oncques ne luy firent mal , fors qu'ils le misdrent plusieurs fois en huches, en forciers, et en fers. Si advint après qu'il fut mené à Alençon ; ils le firent troter a pié a terre de leurs chevaulx, en alant audit lieu d' Alençon. Si devint si las qu'il ne peut plus aler en manière que fust; si desiroit plus la mort que là vie, et dist a son maistre qui le menoit : Mon maistre, je vous pry et requers , puisque aultre grâce ne me voulez faire, qu'il vous plaise me ouster hors de la vie de cest monde. Et adoncques luy dist l'Anglois , puisque tu veulx mourir, je te feray tantost mourir.
Si le tira derrière ung buisson , et traisit son «Bpëe toute nue. Et adonc le dit lehan se mist a genoulz et requist dévotement madame sainte Katherine qu*il luy pleust estre a son ayde. Et adoncques Tanglois le ferit trois fois le plus fort qu'il peut ferir sur le coul tout a nu. Et oncques ne Tentama, ny ne blessa, ny ne luy fist mal.
Et quant Tànglois vist et apercent qu*il ne Tavoit point blessié , si le laissa , et appella ung aultre anglois qui avoit ung cheval en destre, et le fist monter dessus. Et si a dit ledit lehan qu'il ouyt depuis dire a Tanglois que quand il eut feri les troys coups , et vit qu'il n'estoit point blessié , qu'il luy souvint de Madame sainte Katherine , et pensa bien que ledit Jehan s'estoit recommandé a elle ; et adonc il eut pitié de luy. Si fust mené a Âlençon. Et quand Le Mans fust prins , il y fust mené ; et se eschappa sans payer ranson , par la vertu et prière de la glorieuse vierge Madame sainte Katherine. Et a iuré ledit lehan par la foy de son corps estre vray, en la présence de messire Richart Kyrthrizian , frère Gilles Lecourt, gardes de la dite chapelle, et pluseurs aultres.
( Année 14S6. }
Le derrenier iour d*avril , Tan mil. cccc.
xxvi. deux compaignons de la garnison de Beaumont de la Ronse , ung appelle Françoys Dye, et Taultre lehan Gilbert, sont auiourd'huy venuz en la chapelle de céans.
Lesqueulx furent nagueres prins des Anglois et menez a la Charte sur le Lair.
Si furent sept iours en fers et en ceps ; et se vouèrent a Madame sainte Katherine qu'il luy pleust prier Dieu qu'il les voulsist délivrer de la prison ou ils estoient, et incontinent qu'ils pourroient estre dehors , ils yroient mercier Madame sainte Katherine en sa chapelle de Fier- .
boys. Et leur veu fait, se déferrèrent les mains. Et adoncques s'en sortirent de la prison, tous deulx encouplez ensemble en une paire de fers. Si attachèrent leurs fers le plus haut qu'ils peurent , et adoncques montèrent sur les murs de la ville, lesqueulx murs en celuy endroit sont bien haults d'une lance et demye. Si se laissèrent cheoir a val en priant Madame
sainte Katherine qu'elle les voulsist garder de péril , et cheurent a bas , et oncques ne se firent mal. Si s'en alerent environ demye lieue tous accouplez et prindrent des pierres , et se defferrerent ; et ont aujourdliuy apporté les fers en la chappelle de céans. Presens messire Richart Kyrthrizian, frère Gilles Lecourt, gardes de la dite chapelle, et pluseurs aultres. Et ont iuré la foy de leur corps ce estre vray.
( Année U96.}
La vigile saint lehan Baptiste, Tan dessus dit (1426), avilit que en la paroisse de saint Pierre de Monstereul Bellay, ung appelle Alain le Roux faisoit charger du foin, et plusieurs estoien^ presens avec.
Ainsi il sourvint envers ledit Alain neuf hommes armez qui le voulsirent tuer et mettre a mort. Lequel se deffendit longuement d'une fourche de boys. Puis le prindrent, et le menèrent bien une lieue et demye en ung bois tout lié parmy les bras. Et depuis le menèrent hors dudit bois en une maison , et la donnèrent du blé a manger a leurs chevaulx ; et le lièrent par derrière le dos contre ung lit. Et se voua ledit Alain a Madame sainte Katherine , comme il avoit fait paravant. Et incontinent lesdiz hommes d'armes s'endormirent. Et le dit Alain se trouva tout desHé, et eschap^a, et s'en ala au bois ou ilz l'avoient mené, et la se mussa. Et depuis lesdiz le vindrent sercher, et passèrent par pluseurs foys iouxte luy, et
oncques ne le peurent veoir ny trouver.
Et ainsi ledit Alain s'en est venu audit lieu de Fierboys tout sain .et sauf, et a iuré ce estre vray par la foy et serment de son corps. Presens lehan de Lestre, Guillaume de Cerville, escuyer, monseigneur Farchediacre de Brie, et pluseurs aultres.
( Année 44S9. }
Le iiii« iour de may, l'an mil. cccc.
xxix. se présenta en la chapelle de Madame sainte Katherine de Fierboys Michel Amiiton , escoth , escuyer de la compaignie de Jehan Stuart, capitaine. Lequel distet afferma par serment estre vray le miracle cy après declairé. C'est assavoir que très voluntiers de tout son pouvoir et puissance a servi de bon cueur et devocion la glorieuse Vierge Marie et Madame sainte Katherine , et mesmement dist que la parroisse dont il est natif est fondée de Madame sainte Katherine. Et pour honneur et remembrance d'elle , depuis qu'il est venu en France de bon cueur et de devocion la venoit requérir en sa chapelle de Fierboys. Dit le dit Amiiton que la sepmaine sainte derreniere passée, luy et plusieurs de ses compaignons de pié estoient logez en Bretaigne en ung villaige nommé Valletz , assez près de Glisson. Et dit que le jeudi absolu, les Bretons estoient a puissance sur les champs, et vouloient destrousser lesdiz
Escots. Si advint que les dits Bretons en- Yoierent sur leurs logeis ung espie pour savoir de leur estât. Lequel espie lesdits Escots prindrent , le interrogèrent et seurent par luy que lesdiz Bretons les vouloient destrousser. Et après ce qu'ils eurent sceu la volunté du dit espie, le pendirent.
Et tantost lesdiz Escots , ceulx qui peurent fouyr, s'en alerent, et en ce faisant lesdits Bretons sourvindrent , qui prindrent et tuèrent ceulx qu'ils trouvèrent. Et entre les aultres prindrent ledit Amilton qui n'estoit peu fouyr, pour ce que son doublet luy poiset trop ; le prindrent le ieudi absolu , et fut mené a Glisson. Et toutesfois le fils d'espie qui avoit esté pendu , le print et luy iura que le pendroit pour l'amour de son père. Et de fait devant tous les aultres Bretons et de leurs voulentez luy lia les mains par derrière , et le pendit au gibet de Glisson, en chemise, ne n'avoit que les chausses et soliers. Ledit Amilton fut pendu le ieudi absolu, deux heures après midi, et ce fait s'en alerent. Toutesfois ledit Amilton, depuis qu'il fut prins, ne faisoit que penser de devodon en Madame sainte Katherine , et
— Bêla requeroit qu'il luy pieust le garder de mourir, et en ce faisant la vendroit humblement mercier en sa chapelle de Fier* bois. Et ainsi la requist par plusieurs fois. £t advint que quant il eust esté pendu, en la nuyt ensuyvant il vint une voix au curé de la vUle disant qu'il allast hastivement despendre Âmilton qui avoit esté pendu.
Laquelle annonciation ledit curé en fit peu de compte, et la mist en oubli iusques au lendemain, iour du vendredi saint. Et quant ledit curé eust tout fait son service divin il estoit près de mydi. Si se advertit de la dite voix et va dire a ung de ses paroissiens qu'il alast veoir au gibet si ledit Amilton estoit mort ou non et qu'il luy rapportas t le vray. Si y ala ledit message. Et quant il fut la, vira et tourna ledit Escot, et ne sceut bonnement s'il estoit mort. Toutesfois pour le savoir plus au vray, luy deschaussa le pié destre, et de fait le perça d'un couteau ou petit orteil tellement qu'il y fist playe grant.et en saillit sang. Et quant ledit Amilton le s^itit jura par son serment que tant comme il fut pendu ne sentoit mal, se luy estoit advis en plus que s'il eust esté
pendu par dessoubs les braz. Car tant comme il fut pendu, il requeroit a son ayde Madame sainte Katherine sans penser ailleurs ; et luy estoit advis que on le soustenoit par dessoubz les piez. Toutesfois quant il se sentit blessié ou dit orteil , tira la iambe amont, et remua. De laquelle chose le message dudit curé eut très grant paour et freeur, comme depuis luy a ouy dire ; car ledit message très hastivement s'en courist devers ledit curé , et luy dist et afferma que ledit Amilton estoit encores en vie et qu'il l'avoit veu remuer. Et lors ledit curé considérant son advision de nuyt, considérant que ledit Àmilton avoit esté pendu depuis ledit ieudi iusques au vendredi mydi passant, pensa que c'esloit miracle évident, et pour ce pronuncia toutes ces choses au peuple illec présent, et ce fait, luy et ses aultres gens d'église se revestirent, et avecques grant compaignie allèrent a la iustice et deppendirent ledit Âmilton. Et quant il fut a terre virent tous les assistens que c'estoit miracle de Dieu, et tant comme ils regardoient, il se renlua. Si estoit présent celuyqui l'avoit pendu, et en contempnement de ce qu'il
n'estoit mort, luy donna sur ForeiDe d'une espée, et luy fist une grant playe, dpnt il fut blasmé. Ce nonobstant ledit Arailton fut chargé sur ung cheval, et fut mené en ung hostel et baillé a gouverner et garder. Toutesfois une vaillante Dame, abbesse de la Regrepiere, ouyt dire la chose et le miracle dessus dit, envoya quérir ledit Amilton pour le faire gouverner en son abbaye. Et y fut mené. Et dit qu'il fut sans parler iusques au dimanche, iour de Pasques, avant que la parole luy vint, et pour tant que ledit Amilton ne savoit parler françois, ladite abbesse le faisoit gouverner a ung aultre auquel ledit Amilton recita tout son cas , ainsi que luy estoit avenu, et comment Madame sainte Katherine luy avoit sauvé la vie; et qu'il s'estoit voué a Madame sainte Katherine de Fierbois : lesquelles choses ledit Amilton raconta a ladite abbesse ; dont elle aima mieulx ledit Amilton et plus chierement le commanda garder et gouverner. Si advint que la nuyt d'entre le iour de Pasques et le lundi , il vint une voi]& audit Amilton en luy disant : délivre toy, délivre toy ; si pense d'aler accomplir
en ma chapelle de Fierboys ce que m'as promis, et te garderay et aideray. Toutesfoifi il fut quinze iours avant que ledit Amilton peut aler, ne se mettre sus ; car ie pié ou il avoit esté blessié luy faisoit plus grant mal que aultre chose. Et pour ce au plus tost qu'il peut aler, print congié de ladit abbesse et se mit au chemin a venir en la chapelle de céans, en venant tout bellement , car il ne povoit aler pour son pié dont il n'estoit pas guéri. Dit le dit Amilton qu'il avoit trouvé sur les champs des compaignons o lesqueulx il avoit esté par aulcuns iours pour soy efforcier. Mais ainsi qu'il y estoit et que sapmedi derrenier eut huyt iours , il estoit couchié o d'aucuns de ses compaignons , et ne dormoit point, luy vint une voix en luy disant : autresfois ie t'avois enchargié et commandé que tu alasses acquitter en ma chapelle de Fierbois.ce que tu m'as promis, dont ne fais compte, et pour ce délivre toy d'y aler hastivement , sans plus tarder. Et ce dit la dite voix luy donna sur la ioue ung grant coup , et luy fist mal , et dist que ceulx qui cstoient couchez o luy se réveillèrent et luy demandèrent que
c'estoit qui Tavoit féru. Dont ne leur repondit riens. Et si tost lendemain qu'il fut iour se mist au chemin a venir céans. -Et auiourduy si est rendu en sa chemise ledit ÀmÛton , et a apporté ledit licoul o lequel il fut pendu, et est venu louer, gracier et mercier la glorieuse vierge Madame sainte Katherine de la grâce qu'elle y avoit faite. Et si a iuré sur le messel toutes chacunes les choses dessus dites estre vrayes, en la présence de messire lacques Amissel , lehan Bredur, prestres , frère Gilles Lecourt, lehan Ghermeteau^ lehan du Rameau, Guillaume Menost, et aultres plusieurs passé deux cens, oyans dire et pronuncier et relater ledit miracle.
( Année 4429. )
Le xxixe iour de mars Tan mil. cccc.
xxix. André Estomeau, escuyer, de la paroisse de Manoc près Gonfoulant , a dit et declairé la grâce que Dieu luy a faite a la requeste de la glorieuse vierge Madame sainte Katherine. C'est assavoir ledit Estorneau s'en partit de la Rochefoucault pour aler a Mareuil , le iour saint Valentin derrenier passé. Et quant il fut près de Mareuil, il rencontra deux anglois, ses ennemis. Lesqueuk le prindrent luy et son page. Si les lièrent bien estroit par les piez sous les ventres des chevaulx , et estoit leur intention de les mener a Tile de Madoc, ou plus avant. Et adonc le dit Estomeau fut moult desconforté, et ne sceut quel remède y mettre, fors tant seulement que luy va souvenir des beaulx miracles que Nostre Seigneur fait a la requeste de Madame sainte Katherine de Fierboys ; a laquelle il se recommande très dévotement qu'elle priast Nostre Seigneur qu'il le mist hors des mains de ses
ennemys , et il vendroit la mercier en sa chapelle de Fierboys , en la manière que ses ennemys lé tenoient. Et après ce qu'il eut fait son veu et sa prière , tout le cueur luy va alléger et asseurer. Et luy vint incontinent en advision comment il s'en eschapperoit. Si print son manteau qu'il avoit sur soy, quant la nuyt fut venue , et le rompit afin qu'il ne luy fit point d'empeschement. Et après ce qu'ils furent allez ung peu de chemin en devallant ung destroit', en s'approchant d'une rivière qui est près de Ghales, lequel destroit est moult fort et périlleux a descendre; et estoit ledit Estorneau entre les deux Anglois. Et quant il vist qu'il fut au plus mauvais lieu a descendre , si se approucha de cestuy qui estoit le premier, et le frappa du poing entre les deux espaules tel cop qui le fist cheoir luy et son cheval; et commença le cheval a le trayner. Si commença a crier et appeler son compaignoh, en luy disant : a l'ayde , le suys mort. Et adoncques ledit Estorneau traversa le chemin et entra en ung boys, et s'en eschappa.
Et quant il eut chevauché ainsi comme demye lieue, si 'se laissa cheoir a la ren-»
verse par dessus la croppe de son cheval , et se deslia. Si chevaucha en traversant pais sans tenir chemin ne sentier toute la nuyt en s'en retournant. Et oncques ne faillit a son chemin; et passa plusieurs rivières moult fortes a passer, et oncques n'y avoit esté. Et ainsi s'en eschappa ledit Estorpeau par la grâce de Dieu et a la requeste de la glorieuse vierge Madame sainte Katherine. Et ce a iuré estre vray en la présence de messire Richart Kyrthrizian, frère Gilles Lecourt, prestres, gouverneurs de la dite chapelle, et messire lehan Bredur, prestre, et pluseurs aultres presens.
( Amiée 4490. )
Ego loannes Boucher, in legibus licentiatus, Ecclesiarum Turonensis et Ândegavensis canonicus , ac sancti loannis Andegavensis decanus, die martis post festum Pasche , hoc est XYiii» menais aprilis , anno Domini millesimo. cccc*». xxxo. in domo mea Andegavis , de nocte quasi hora nona , graviter infirmari incepi , unde tantus dolor capitis me invasit et intolerabilis qui michi duravit quasi usque ad quartam horam post mediam noctem, quam plus sperabam pre dolore tanto decedere quam reconvalescere. Qua hora memor gloriose virginis Katherine quam semper in necessitatibus consuevi habere recursum, me eius precibus et meritis confidens adiu- Vari, eidem me recommandando voiri. Et subito et absque intervallo, Dei gratia et ipsius virginis gloriose , ut firmiter credo , dolor tantus insupportabilis disparuit. Et infra dies paucos sospitatem recuperavi ,' et iter pede arripui causa voti adimplendi et Deo gratias agendi. In presenti capella
missam alta voce tam pro rege, Puella Deo digna, et regni hujus prosperitate et pace celebravi , die veneris , quinta maii , anno quo supra *.
1 Cette pièce a été publiée par M J. Quicherat. Procès de condamnation et de réhabilitation de Jeanne d*Arc. Paris ^ Renouard, 1841-1850.
( Année 4430. }
Le ziiii« iour de iuillet Tan mil. cccc.
XXX. est venu en la chapelle de céans en yoiageung appelé Pierre Dufons, natif de Bourges ; lequel est de la cojnpaignie de Regnault Guillaume , frère de la Hire ; et ^ dit et declairé le miracle que Dieu luy a fait a la requeste de Madame sainte Katherine. C'est assavoir que huit iours avant la feste saint Aignant dernière passée , ledit Pierre et quatre autres furent prins des Anglois d'Àlençon, en une maison, ou lieu appelé Lignieres. Si furent menez a Alençon en prison. Et le premier iour qu'ils y furent menez lesdiz Anglois coupperent la teste a l'un desdiz prisonniers pour aulcune . desplaisance que autresfois leur avoit fait. Et l'autre iour ensuivant en pendirent deux. Si ne demoura plus le dit Pierre du Tons et ung autre. Et quant vint au bout de huit iours , ledit Regnault Guillaume, leur capitaine, manda aux diz Anglois telle compaignie qu'ils feroient a ses gens , qu'ils feroient aux leurs. De la-
quelle chose les diz Anglois eurent très grant despit. Et adoncques le lendemain les menèrent hors de la ville d'Alençon pour les pendre. Si se vouèrent dévotement a Dieu et a Madame sainte Katherine. Et requist ledit Pierre ausdiz Anglois qu'il fust pendu le derrenier, aflin qu'il eust espace de requérir a Dieu mercy et pardon. Si pendirent son compaignon le premier a ung noyer près de la dite ville d'Alençon , auprès d'une chapelle de Madame sainte Katherine, ou il y a ung cimetière ou qu'ilz y firent une fosse pour enterrer lesdiz prisonniers après ce qu'ils seroient morts. Si se voua de rechief ledit Pierre dévotement a la glorieuse Madame sainte Katherine qu'il luy pleust prier Dieu et la Vierge Marie pour luy, et estre a son ayde , et il la vendroit louer et mercier en la chapelle de céans , en cas qu'il en pourroit eschapper sans mourir. Et adoncques le firent monter oudit noyer, et le pendirent hien haut a une branche. Si demoura pendu a la dite branche bien environ demye heure et cuidoit l'on qu'il fust mort.
Si se desnoa le licoul , et cheut le dit Pierre a terre sur les piez, devant toute la com-
paignie, ou il y avoit bien plus de troys cens personnes. Si le firent monter derechief ou dit noyer, et le rependirent, et dist çeluy qui le pendoit qu'il l'atacheroit si bien qu'il garderoit bien de desnoer. Et demoura bien pendu environ de demye heure et plus , et ne bougeoit plus ne piez ne mains , et cuidoient tous estre certains qu'il fust mort. Si monta ou dit noyer celui qui Tavoit pendu , et couppa le licoul pour le faire cheoir a terre pour l'enterrer oudit cymetiere avecques l'autre. Si cheut a terre, et se releva comme assis, et se recommandoit tousiours a Madame sainte Katherine. Et furent ceulx qui la estoient tous esbahis , dont aultrement il ne povoit mourir. Et disrentaulcuns qu'il ne seroit plus bon qu^il fust encore pendu , et que c'estoit aulcun miracle de Dieu. Si le prindrent deux Anglois et le montèrent d^rechief ou dit noyer, et iurerent par la foy de leur corps que a celle foys le garderoientbien de iamais en reschapper. Et le pendirent de rechief , et le tiroit l'un par les piez le plus fort qu'il povoit tirer, et. l's^utre le fouloit o les piez sur les espaules le. plus pesantement qu'il poypit,
et tant qu'il leur estoit advis qu'il estoit mort et estranglé. Et se descendirent, et le laissèrent bien une heure et demye pendu. Et après ce monta ung anglois ou noyer, et couppa le licoul, et cheut a terre ; et fust porté a la dite fosse , et cuidoit on qu'il fust mort. Et le misdrent au long de la fosse, laquelle n'estoit pas encore achevée de faire. Si se releva ainsi comme assis, et commença a ouvrir les yeulx et a regarder les gens. Si furent tous ceulx qui la estoient moult émerveillez et encores plus fort que par devant; et disdrent plusieurs des anglois que c'estoit évident miracle de Dieu , et qu'il ne failloit plus s'aventurer a le pendre ne faire mourir et pour doubte qu'il en despleut a Dieu.
Si le portèrent en ladite chapelle, et le vint veoir le capitaine d'Alençon , et commanda que l'on ne luy feist plus mal ne desplaisir; et qu'on le gardast, et qu'on luy donnast a boyre et a manger. Si demeura en ladite chapelle environ troys sepmaines , et le gardoient deux femmes , l'une angloische,rautre françoyse .Laquelle angloische quant elle vit qu'il commença a guérir et a efforcier, si commença a
murmurer contre luy et le vouloir livrer a ung anglois pour estre son prisonnier.
Et le luy fist assavoir celle qui estoit françoyse , et luy dist qu'il y mist remède bien brief , ou autrement on le vendroit quérir et seroit prisonnier. Si fist tant le dit Pierre qu'il trouva manière de le faire savoir à Regnault Guillaume et a ses cornpaignons qui Paieront quérir a la dite chapelle , et le emmenèrent. Et ainsi eschappa ledit Pierre du Fons de la main de ses ennemis par la grâce de Dieu et a la requeste de la glorieuse vierge Madame sainte Katherine. Et tout ce que dessus est dit a iuré le dit Pierre estre yray par la foy et serment de son corps , en la présence de messire Richart Kyrthrisian, frère Gilles Lecourt, gardes de la chapelle de céans, lehan Bredur, prestre, Loys Forest, Robert Gornabel, et aultres.
( Année 1437. )
Le xxiii« iour de may Pan mil. cccc.
xxxvii. vint céans Margarite de Monnay, native du pais de Normandie, femme d'ung gentilhomme nomme Gilbert de Frenay, lequel vint céans luy et sa femme.
Laquelle Margarite avoit esté prisonnière et plege en la ville de Frenay le Vicomte pour son mary par l'espace de cinq ans et cinq moys en fers et en une chaine de fer, et otout ce estoit en cep iour et nuyt, pour ce que son mary ne povoit paier la grant finance que Ton luy demandoit. Elle estant toute desconfortée et voyant qu'il n'estoit nul qui eust pitié d'elle , luy souvint des beaux miracles qui estoient faits de iours en iours en la chapelle de céans.
Et fist veu a Dieu et la Vierge Marie , et a Madame sainte Katherine que iamais ne bevroit de vin iusques a ce qu'elle fust venue en sa dite chapelle, si aulcunement elle povoit eschapper. Advint la nuyt ensuivant qu'elle eut fait son veu , c'est assavoir le xxvie iour de ianvier derrenier
passé, luy vint une voix en s*ehdormant qui luy dist qu'elle seroit délivrée. Et de rechief se mist en devocion en se recommandant a Madame sainte Katherine. Et le lendemain vint le geôlier a elle qui la mist hors du cep pour aller a chambres.
Et s'en ala ledit geôlier, et l'oublia a mettre ou cep. Et se mit a genoulz ladite Margarite en priant sainte Katherine qu'il luy pleust estre en aide. Advint que incontinent qu'elle eust fait sa requeste que les fers et les chesnes de fers luy cheurent des piez d'ung costé, et non pas de l'autre.
Ainsi print les dits fers et chesnes , si les leva contremont sa cuisse et s'en vint a l'uys de la prison, et le trouva tout ouvert. Et s'en vint parmy la rue dudit lieu de Frenay environ dix heures devant les Anglois. Et oncques ne trouva qui luy demandast rien,. Et ainsi fut délivrée la dite Margarite a la requeste de Madame sainte Katherine. Et ce a iuré estre vray, presens Messire Georges Guiot, curé de sainte Maure , frère Gilles Lecourt , gardes de la dite chapelle, Vincent des Patiz, prestres , Guillaume Guerrier, et pluseurs aultres.
( Année 4437. }
Le xxv<» iour de iuiUet Fan mil. cccc.
xxxvii. vint en la chapelle de céans ung appelé Thomas deBriqueville, filz de Chevalier, et de la garnison de La Val, auquel Dieu a fait belle grâce a la requeste de la Vierge Marie et de la glorieuse Madame sainte Katherine. Advint que ledit Thomas fut prisonnier aux Ânglois a ung chastel appelé saint Denis , bien a troys ans ; et luy demandoit on la somme de cent saluz.
Si leur en promist la somme de soixante ; et les anglois oncques ne le voulsirent.
Ainsi le dit Thomas se voua a Madame sainte Katherine qu'il luy pleust de luy ayder, et que il vendroit en sa chapelle en chemise, et piez nus, et sans chapperon. Ainsi il trouva manière de soy defferer de deux petits cousteaux et d'une petite hache qu'il trouva, laquelle il ne sceut oncques dont elle vint, si n'est de la grâce de Dieu. Ainsi fust defiPerré a ung vendredy au soir, et s'en vint sur les murs.
.Incontinent qu'il y fut, l'on luy demanda
s'il se avaloit; et il respondit que ouy.
Ainsi Ton courit après luy. Et lors sortit dessus les murs en bas , et ainsi fut eschappé par la grâce de Dieu et a la prière de Madame sainte Katherine. Et a Teure qu'il sortit de haut a bas, environ iour couchié, et estoit ia levée la lune. Ainsi a acomply ledit Thomas son veu Tan et iour dessusdiz , et a iuré ce estre vray. Presens a ce honorables et discrets frère Antoine de la Motte, messire Georges Guiot , prieur et curé de sainte Maure , frère Gilles Lecourt, et pluseurs aultres.
( Année 1437. }
Le xviie iour du moys de Febvrier, l'an mil. cccc. xxxvii. vint en la chapelle de céans lehan Moreau, de la paroisse de Ses en Normandie , lequel a dit et declairé la grâce que Dieu luy a faite a la requeste de Madame sainte Katherine. C'est assavoir que, quatre ans a ou environ, il fut prins des Ânglois devant son moulin , et d'ilecques mené a Alençon avecques pluseurs aultres , et la fut mis en une cave et enferré par les iambes de fers pesant xii livres, et la nuyt mis 'ou sep ; et tousiours a esté en ce point iusqueô au moys d'Aoust derrenier passé; que a luy et troys aultres prisonniers estans avecques luy dans ladite cave leur souvint des beaux et evidens miracles que Dieu faisoit a la requeste de la glorieuse vierge Madame sainte Katherine. Si se vouèrent et se recommandèrent dévotement a elle, luy requérant qu'il luy pleust prier Dieu qu'il les voulsist délivrer de la prison et ordure en quoy ils estoient et des mains de leurs
ennemis. Et incontinent leur veu fait trouvèrent manière d'eux eschapper. Et se adviserent de faire une mine en la dite cave , et paravant nfe s*en povoient adviser, ny trouver aulcun remède. Si trouvèrent tous quatre manière d'eux de£ferrer bien aysement et minèrent tant que d'ilecques entrèrent en une sale , laquelle estoit fermée de clefs et de barres par huys et par fenestres , tellement qu'ils ne savoient comment en yssir. Et adviserent une vitre de la haulteur de deux hommes ou environ, et ne savoient comment y actaindre, et ne trouvoient chose par quoy y povoir monter. Si se recommandèrent tousiours a Madame sainte Katherine, et se adviserent de. mettre ung de leurs fers en une fente de mur de la dite sale par quoy ils montèrent a ladite vitre, et ploierent le fer de la dite vitre , et tournèrent le voirre a part et se despoillerent en chemise. Si saillirent les testes les premières en la rue sur le pavé; et oncques mal ne se firent, et a tout ce faire menoient ung grant bruit. Dont le geôlier qui estoit couchié sur la dite cave, et tout son mesnage, qui estoient sept ou huyt personnes tous es-
veillés et parloient ensemble , n'en ouyrent oncques riens. Si s'en alerent en Teglise Nostre Dame d'Âlençon en franchise, et y furent gardez des Ânglois nuyt et iour par l'espace d'ung moys ou environ , fors i'ung d'eulx qui estoit breton, appelé Yvonnet le Camus, qui n'y fut que environ huit iours. Car les Anglois le traisnerent dehors pour haine qu'ils avoient a luy. Si ne les gardèrent plus les Anglois, et leur fut advis qu'ils ne s'en oseroient sortir. Et quand lesdiz prisonniez se apperceurent que l'on ne les garda plus , si s'en yssirent environ sept heures au matin que Ton disoit la messe en ladite église. Et s'en alerent aux murs de la dite ville et saillirent es doves , lesquelles sont moult profondes ; et oncques ne se firent mal ; et passèrent une grant baye d'espines qui estoient en celles doves moult aiseement , et une rangée de pieux aguz , puis montèrent contremont la dove tout aiseement :
dont fut très merveilleuse chose. Et dit ledit Moreau que tous ceulx qui ont ouy parler de ce et cognoissent les lieux par ou ils passèrent, s'en esmerveilloient tous.
Si s'en alerent d'ilecques rendre a une
chapelle de saint Blaize, environ deux portées d'arbalestes de la dite ville d'Âlençon. Et illecques se misdrent en francl^ise et furent gardez de sept anglois toute la nuyt ensuyyant. Et quant iliut iour, lesdiz Anglois s'en retournèrent a la dite ville croyant que lesdiz prisonniers ne s'en osassent sîller dô iour. Si se misdrent lesdiz prisonniers a l'aventure, priant tousiours Madame sainte Katherine qu'elle fut a leur ayde. Et s'en partirent de la dite chapelle environ neuf heures de iour ; et s'en alerent sans trouver aulcun empeschement , par la grâce de Dieu et de Madame sainte Katherine. Et s'est auiourd'huy céans rendu ledit Moreau tout enferré par les deulx iambes, ainsi comme promis l'avoit en son veu faisant. Et a esté céans defferré. Et a iuré par la foy de son corps ce que dit est estre vray, en la présence de messire Georges Guiot, frère Gilles Lecourt , gouverneurs de la chapelle de céans, lehan Ghermeteau, Benoist Pinart, Gilles Le Bouvier, Nicolas Mercier, Guillaume Pigeon, et pluseurs aultres.
( Année 1437. ) Le xviiie iour de février, Tan mil. cccc.
xxxvii. Guillaume Lambert, serviteur du provost de Paris , est venu céans mercier Madame sainte Katherine de la grâce que Dieu luy a faite a sa requeste , et acomplir son veu. Lequel fut prins des Anglois mercredi derrenier au Bourg la Royne.
Lesqueulx luy lièrent les deux iambes soubs le ventre d'ung cheval. Et en le menant a Ghevreuse , quant ils furent a ung petit boucage de buissons, environ complie , s'apperceut que le licoul dont il es toit lié par les iambes traynoit a terre , et estoit deslié. Et si tost qu'il avoit esté prins se voua a Madame sainte Katherine , et luy avoit promis en son veu faysant , en cas qu'il pouroit eschapper, de la venir mercier céans en sa chapelle. Et adoncques saillit a terre , et s'en eschappa , et oncques ne s'en apperceurent les Ânglois. Et ce a iuré par la foy de son corps estre vray, en la présence de messire Georges Guiot , curé de sainte Maure et gouverneur de la chapelle de céans , Guillaume Pigeon , prestre , et Robert Gomabel , et pluseurs aultres.
( Année 1438. )
Lé xiii« iour de mars, Tan mil. cccc.
zxxviii. vint en la chapelle de Madame sainte Katherine de Fierboys lehan Moret, cscuier, pour la belle grâce que luy avoit fait Nostre Seigneur à la requeste de la glorieuse vierge Madame sainte Katherine ; laquelle est que le dit Moret fut prins et mis en prison en une basse fosse, au chasteau d'Ângoulesme. Et illecques a esté par l'espace de cinquante iours et cinquante nuiz. Et se recommanda a Madame sainte Katherine, en luy priant qu'elle priast Dieu pour luy, et qu'il la vendroit veoir s'il povoit eschapper . Et tantost après s'endormit , et se trouva hors de la fosse , et s'en eschappa sans rançon. Et est venu céans loer Dieu, et Nostre Dame, et Madame sainte Katherine.
( Année 1439. )
lehan du Ruslay, demourant a saint Eutrope de Xaintee, dit qu'il estoit prisonnier aux Anglois a Gonac, a troys lieues de Pons , en Xaintonge , lequel estoit a finance de xxxv royaulx , desqueulx il en avoit poyé treze. Et pour ce qu'il n'avoit pas poyé la dite somme de xxn royaulx , les dits anglois lui disrent qu'ils le meneroient a Bordeaux et doubleroient la finance. Et adoncques le dit lehan eut grant paour que les diz Anglois le menassent audit lieu de Bordeaux. Si luy souvint de Madame sainte Katherine de Fierbois, et se mist en priant qu'il luy pleust a le délivrer de la payne ou il estoit. Et tantost après la prière faite, luy estant enferré, les fers luy cheurent, et le clou descloua. Si tost qu'il apperceut qu'il estoit defferré , print les dits fers et les mist dessous la pidUe. Et de rechief se mist en prière envers Madame sainte Katherine qu'il pleust le mectre hors d'illec.
Et se mist a chemin et s'en partit, et vint
a la porte du chastel ou estoit le portier et plusieurs aultres qui jouoient aux quartes.
Et s'en vint dehors dudit chastel. Et depuis qu'il fut hors, il rencontra femmes qui venoient du bois , et pages d'abreuver les chevaulx; mais la mercyDieu et Madame sainte Katherine , ne trouva chose qui luy mesfit. Le quel s'est auiourduy rendu en la chapelle de céans pour remercier Nostre Seigneur, la Vierge Marie, et Madame sainte Katherine des grâces que Nostre Seigneur luy a faites. Et ce a iuré estre vray, presens messire Georges Guiot, curé de sainte Maure et garde de la chapelle de céans, Nicolas Mercier, prestre, lehan Lemaire , et aultres , le xe iour de mars l'an mil. cccc. xxxix.
( Année 4443 }
Le xxvi« iour de novembre Tan mil.
cccc. xliii. Guillemin Boulon, parroissien de la parroisse de saint Germain de Benoys, ou dyocese et evesché d'Angers, vint céans en ceste chapelle de Madame sainte Katherine de Fierboys, pour remercier Dieu , et la benoiste vierge Marie , et Madame sainte Katherine , de la grâce que Dieu luy a nagueres faite a la requeste de la dite glorieuse vierge. C'est assavoir que environ cinq sepmaines a que ledit Guillemin fut prins des Anglois en la ville de Evron et fut mené a Cyllé-le-Guillaume, et la fut enferré par les piez. Si se voua a Dieu et a Madame sainte Katherine. Et adoncques luy print volunté et couraige de soy defferrer. Et tantost après print la hasche de son maistre qui Tavoit prins , et desrompit ung fer et se defiTerra d'ung pié, et saillit de dessus la muraille es doves , et fut le iour de la feste dé saint Denis derrenière passée. Et ainsi se eschappa de prison par la grâce de Dieu,
et a la requeste et prière de Madame sainte Katherine. Et ce a iuré estre vray en la présence de messire Georges Guiot, prestre , frère Pierre Queroan , gardes de la dite chapelle, Guillaume Guerrier, Robert Gomabel et pluseurs aultres.
( Année 1443. }
Le xviiie iour de mars , Tan mil. cccc.
xliii, est venu en la chapelle de céans Sanson Guimont, natif de Chartres, de la garnison d'Evreux ; lequel est venu mercier Dieu et la glorieuse vierge Madame sainte Katherine de la grâce que Dieu luy a faite a la requeste de la dite glorieuse vierge. C'est assavoir que le mercredi devant la feste monseigneur saint André il fut prins des Anglois du Ponteau de Mer (Pont Audemer), et fut enferré par les piez et par les iambes, par l'espace de troys mois, et ne povoit trouver manière d'estre mis a finance. Adoncques luy souvint des beaux miracles que faisoit Madame sainte Katherine de iour en iour; et tantost couppa les talons pour yssir plus aysement des fers ; et après qu'il eut couppé ses talons, et qu'il se fut delTerré, il saillit par une fenestre dedans la rivière de Rile, près la mer, et s'en vint sain et en bon point, sans empeschement ne encombres. Et ainsi est eschappé la mercy
Dieu, et la glorieuse vierge Marie, et Madame sainte Katherine. Et ainsi le dit a affermé estre vray en la présence de messire Georges Guiot , prestre , et frère Pierre Queroan , gardes de œste présente chapelle, et Guillaume Guerrier, Pieire Gomabel , et pluseurs aultres presens.
( Année 1443. )
Symon Loys , parroissien de saint Martin d'Orvillier , ou dyocese d* Amiens , est venu céans en pèlerinage , disant que en alant au secours du roy de Hongrie , luy et pluseurs aultres en sa compaignie, furent prins des Sarrazins par l'espace de xvi ans, et estoient enferrez, comme esclaves, par les iambes et par les couls.
Si leur souvint des beaux miracles de Madame sainte Katherine. £t si tost que ils se y furent vouez, les fers que ils avoient aux iambes et les colliers de fer qu'ilz avoient aux coulz leur cheurent incontinent. Et ainsi s'en vindrent seurement sans trouver aucun empeschement.
Et se rendit ledit Loys en ceste chapelle le second iour du moys d'octobre. Tan mil. cccc. xliii. pour remercier Dieu et Madame sainte Katherine de la grâce que faite luy a. Et disant aussi que six mois a que luy et ses compaignons se vouèrent a la dite vierge glorieuse. Et tout ce que dessus est dit a iuré estre vray en la pre-
sence de messire Greorges Guiot, prestre, frère Pierre Queroan, gardes de ceste chapelle, messire lehan Quentin, prestre, et pluseurs anltres.
( Année 4444. ) Le xiiie iour du moys de iuing , Tan mil.
cccc. xliiii. est venu en ceste présente chapelle ung des archiers de Monseigneur le Daulphin , nommé lehan Oquilhe , natif de la parroisse de saint Guidas du bois, en l'evescbé de Nantes, en Bretaigne. Lequel fut prins des Anglois et mené prisonnier a la Rivière de Thibouville , et fut mis en ung seps si grant, si merveilleux et si pesant qu^il falloit quatre hommes a le mectre dehors et dedans. Et luy estant en celle prison, il luy souvint de Madame sainte Katherine , a laquelle il se voua et recommanda. Et au plus tost qu'il s'y fut voué et recommandé , il s'en sortit hors desdiz fers et de la dite prison sans ce qu'il se feist aucun mal. Et passa les fossez de la dite place qui estoient tous plains d'eaue et si parfonds que c'estoit une grant merveille.
Ainsi est venu ledit lehan acompUr son veu et faire son pèlerinage. Et a dit et iuré les choses dessus dites estre vrayes, presens messire Georges Guiot, prestre, et frère Pierre Queroan, gardes de cette chapelle, et pluseurs aultres.
( Année 1444. )
Le mardi diaprés la feste Dieu Tan dessus dit mil. cccc. xliiii. vint céans lehan Prévost, escuier, rendre grâces a Dieu et a Madame sainte Katherine. Lequel fut frappé d*une coulevrine par Tos de la iambe, et ne povoit on trouver remède de le garir, car la pierre de la dite coulevrine estoit demourée dedans la iambe dudit escuier. Tantost après monta ledit escuier sur son cheval , et se voua a Dieu , à Nostre Dame , et a Madame sainte Katherine de Fierbois. Et avant qu'il eut chevauché une lieue, la dite pierre vint et se yssit par la ou elle estoit entrée, et cheut a terre. Et ainsi la mercy Dieu et Madame sainte Katherine il fut gari tout sain; et ce a dit et affermé estre vray, presens messire Georges Guiot, prestre, frère Pierre Queroan, gardes de ceste chapelle, Guillaume Guemer, et pluseurs aultres.
( Année 1445. )
L'an mil. cccc. xl. cinq, ou moys de septembre, Merigon de la Chapelle, du pais de Piregort , dit et afferma par son serment que il estoit prisonnier aux Anglois en la ville de Rouan, et demandoient lesdits Anglois au dit de La Chapelle cent saluz d'or. Le dit de La Chapelle ce voyant consideroit qu'il avoit demouré cinq ans en la dite prison, et aussi consideroit qu'il ne pourroit poyer la dite ranson , et pensoit de iour en iour comment il pourroit eschapper de la dite prison oi^ il estoit en fers et en seps. Adoncques luy va souvenir des beaux miracles que Dieu faisoit a la requeste et prière de Madame sainte Katherine de Fierboys, et ainsi sei recommanda a Dieu et a Madame sainte Katherine. Et tantost qu'il s'y fut recommandé et voué, il s'en saillit sain et sauf hors de la dite prison, ou il estoit, sans poyer riens de la ranson que lesdiz Anglois luy demandoient. Et est venu céans rendre grâces a Dieu et a Madame sainte Kathe-
rine, et acomplir son veu et pèlerinage, sans trouver en chemin aucun empeschement. Et tout ce a dit et affermé estre vray , en la présence de frère* lehan Dan et de messire Georges Guiot, prestre, gardes de ceste chapelle , et de messire Ëstienne lourdain, Guillaume Pigeon, et pluseurs aultres presens.
( Année 4445. ) Le premier iour d*avrîl Tan dessus dit (mil. cccc. xl. cinq. ) vint céans en pèlerinage ung nommé Gachie de Blazon , lequel dit et raconta le miracle qui luy estoit avenu a la ioumée des Souisses. Lequel fut blessé tellement qu'il cuidoit estre mort , car il fut blecié en une des cuidses en sept lieux , et en l'autre cuisse en deux lieux ; et eiftmy la iointe du braz au coude qui fut trenchié d'une guserme, qui lui rompit avant bras et garde bras ; item , en la iointe de la main trencbié en deux lieux ; et sur le nés en deux lieux. Et ainsi comme il estoit en celle bataille en paine et souffrance , tousiours se recommandoit a Dieu et a Madame sainte Katherine. Et de la compaignie ou il estoit , qui estoit de Laudonnet , ne eschappa que luy ; car lesdiz Souisses tuèrent tous les autres de la dite compaignie. Et a dit , iuré et affermé le dit Gachie tout ce estre vray, en la présence de messire Georges Guiot, prestre, et de frère lehan Dan, gardes de ceste chapelle, de messire Estienne lordain, prestre, Thomas Brieuc, cierger, et pluseurs aultres. -
( Année 1445. )
Le xiiiie iour de mai, mil. cccc. xl. cinq.
Estienne Bouchart , canonnier du Roy nostre sire, demourant a Tours, en la parroisse de saint Saturnin , vint en ceste chappelle rendre grâces a Dieu et a Madame sainte Katherine. Dit et afferme que, le xiiie iour de febvrier derrenier passÔ, luy et lehan Salmon , demourant a Poitiers , en la parroisse saint Estienne , en allant a Paris , furent prins de troys compaignons de guerre qui avoient chascun une javeline en la main et estoient très bien montez ; et fut entre Dourdan et Auneau. Et tantost qu'ils tindrent les dessusdiz, ils les bandèrent et leur lièrent les mains par derrière, et les piez; et les couchèrent tous envers , et les despoillerent tous nuz , et leur ostereht tout ce qu'ils avoient, comme or, argent, vest^mens et chevaulx.
Et ce fait , ils demandoient Tun a Tautre se ilz les tueroient. Et mist Tung des larrons la dague contre la gorge dudit Bouchart pour le cuider tuer. Lequel Bou-
chart luy pria qu'il eust mercy de son asme, car il n'estoit pas en bon point de mourir ; lequel ne luy peut oncques mal faire. Adoncques eulx voyant estre en péril de mort se recommandèrent en leur cueur a Dieu et a Madame sainte Katherine qu'elle les voulsist ayder. Et aussi tost que ils se furent recommandez a Dieu et a la glorieuse vierge , incontinent les larrons s'enfouyrent. Et demeurèrent lesdiz Bouchart et Salmon sur le champ tous liez assez loing Tung de l'autre , ung buisson entre deux; et parlèrent l'un a l'autre, et se vouèrent a celle heure a eulx rendre en ceste présente chapelle, et paravant se y estoient vouez en leurs cueurs : car ils n'osoient parler pour doubte que lesdiz larrons les tuassent. Et incontinent ledit Salmon se deslia et desbenda, et vint deslier le dit Bouchart. Ainsi le dit Bouchart est venu céans le iour et an dessusdiz pour acomplir son veu et promesse.
Et a donné deux beaux chandeliers de noble , belle et honneste façon au service de céans. Et a iuré et affermé par la foy et serment de son corps tout ce que dessus est dit estre vray, en la présence de frère
lehan Dan et messire Georges Goiot, prestres, gardes de céans, lehan Lemaire , Pierre Bordau, barbier, etpluseursaulires.
( Année 4445. } Le iiii« iour du moys d'octobre Tan dessus dit mil. cccc. xl. cinq. lehan de Espinefort, natif du pais de Bretaigne, de la paroisse de Languedic, vint céans rendre grâces et merciez a Madame sainte Katherine pour le grant miracle que Dieu luy a fait a la requeste et prière de la dite glorieuse vierge. Dit ainsi le dit d'Espinefort que ou moys de ianvier derrenier passé, qu'il estoit ou pais d'Âllemaigne en une maison , luy et ses compaignons , et eulx estant en la dite maison , yindrent les Âlemans pour leur courir sus^ a luy et a ses compaignons. Et luy voyant estre en si grant péril de mort, il se recommanda très dévotement a Madame sainte Catherine, et si tost qu'il s'y fut recommandé, ne les sceurent ne ne peurent oncques trouver, ne leur faire mal. Ainsi est venu acomplir son voiage. Et a dit, iuré et affermé ce estre vray, en la présence de messire Benoist Pinart , Estienne lordain, Messire Guiot, prestre, gardes de ceste chapelle,, et pluseurs aultres personnes.
( Année 4445. )
Item le viio iour du moys d'octobre Tan comme dessus (mil. cccc. xl. cinq.) Orva, héraut de monseigneur d'Albret, est venu céans louer et mercier Madame sainte Ka-> thenne du beau miracle qu'elle luy a fait, c'est assavoir que luy et deux autres compaignons, estans ensemble en Allemaigne, furent^ pnns des Almans. Lesqueulx Almans les vouloient tuer ou noyer ; et de fait tuèrent ses deux compaignons devant luy : ainsi demoura le derrenier.
Adoncques il les pria et requist a ioinctes mains qu'il leur pleust luy donner espace de soy confesser et d'avoir cognoissance de son créateur. En ce faisant , il se souvint des grands miracles que faisoit Madame sainte Katherine , et très dévotement et de bon cueur se recommanda a elle. Et tantost qu'il s'y fut recommandé, lesdiz Allemans ne le tuèrent point, mais le misdrent à ranson. Ainsi venu, comme dit est, acomplir son veu. Et a dit, iuré, et affermé ce estre vray en la présence de
Jl
Messire (reorges Guiot, prestre, et frère lehan Dan, gardes de céans, et de messire Estienne lordain et Guillaume Pigeon , prestres, et aultres.
(Année 4446.)
Le xiiie iour du moys de iullet, Tan mil. cccCi xl. et six. lehan Fary, natif d'Escosse, ménestrel du roy nostre sire, est venu céans en pèlerinage, et a dit et affermé par son serment que ung des serviteurs de la fructerie du roy, se esbatoit d*ung arc, et tiroit avecques les archiers du roy. Toutesfois en tirant la flèche du dit serviteur vint frapper le dit Ménestrel , et entra la dite flèche bien deux doiz emmy la teste. Et lors, se voyant ainsi blecié, se recommanda a Madame sainte Katherine. Ainsi est venu céans le dit ménestrel, sain et en bon point. Et a aportée la dite flèche, et Ta fait mectre en une teste de cire, pesant demye livre de cire. Et a dit ce et iuré comme dit est estre vray, en la présence de messire Guillaume JPigeon , Guillaume Galemeau , prestres, frère lehan Dan, et messire Georges Guiot, gardes de céans, et pluseurs aultres.
(Année 1446.)
Le riii« iour d*aoust Tan mil. cccc. xl.
et six. est venu céans en \oiage ung appelé lehan Hus, de la parroisse de Quessay, enrev^sché de saint Briou des Vaux. Lequel a dit et affermé par son serment qu'il estoit ou pais d'Âlmaigne , en la compaignie de Maturin Lescouet, au lieu nommé Vau de Lièvre. Et si furent la rencontrez des Almans. a Tissue d'ung passage, et tuèrent lesdiz Almans tout ce qu'ils peurent rencontrer. Et quant le dit lehan Huz vit que luy et ses compaignons furent les plus febles , il se recommanda a Dieu et a Madame sainte Katherine , et qu'il la vendroit gracier et mercier céans. Et incontinent qu'il eut sa prière faite et recommandation, il trouva manière de se eschapper en ung boys , et dit qu'il pense et est bien seur, que s'il ne se fust recommandé a Dieu et a Madame sainte Katherine , qu'il y fust mort comme les autres. Et ainsi que dessus est dit, l'a iuré et affermé estre vray, en la présence de messire Estienne lordain,
lehan Perrin, prestres, frère lehanDan, messire Georges Guiot, prestres, gardes de céans , Colin de la Fontaine , et pluseurs aultres.
( Année 4446. )
Le xx« iour du moys de septembre l'an mil cccc. x\. et six. est venu en pèlerinage ung appelé lehan Mercier, natif de la parroisse de Brive la Galliarde , en Fevesché de Limoges, lequel est venu gracier et mercier Madame sainte Katherine du beau miracle que Dieu luy a fait a la requeste et prière de la dite glorieuse vierge. Dit ainsi le dit lehan qu'il fut prins des Anglois auprès de Melun sur Saine. Et quant ils l'eurent prins , ils le menèrent a Mante sur Saine , et le misdrent en fers par les mains et ou sep par lés piez , en une tour terriblement forte, en laquelle tour il a est6 xviii moys. Adoncques luy estant tourmenté et en voye de toute perdicion de corps et de membres , luy vint a mémoire et a souvenance de soy recommander a Madame sainte Katherine de Fierboys ; et très dévotement se y recommanda. Et tantost qu'il s'y fust recommandé, il trouva manière de se defferrer, et mettre hors du sep ou il estoit. Et, ce
fait, il ouvrit Tuys de la tour en laquelle il estoit en prison. Et print la corde d*ung puiz qui estoit auprès, et se descendit sans qu'il trouvast aucun ômpeschement.
Ainsi est venu céans comme dessus est dit, et ce a iuré estre vray, en la présence des gardes de céans, messire Estienne lordain, Guillaume Pigeon, lehan Pescheloche, prestres, et pluseurs aultres.
