N° VII

Anne de Bretagne^ reine de France, nomme Pierre Anchemant son secrétaire ordinaire (14 août 1501).

Cette pièce est écrite sur parchemin et munie du sceau, en cire rouge,

d'Anne de Bretagne, appendu à double queue de parchemin. Le scel porte

l'écu d'hermines de Bretagne, et le coutre-scel celui de France.

Anne, par la grâce de Dieu rojne de France, duchesse de Bretaigne, a tous ceulx qui ces présentes lettres verront, salut. Scavoir faisons que, pour la bonne, grande et entière confiance que nous avons de la personne de nostre cher et bien amé maistre Pierre Hanchement et de ses sens, souffîsance, loyauté et bonne diligence, icelui, pour ces causes et autres consideraeions a ce nous mouvans, a nous en faveur

des bons et agréables services quil nous a cy devant faits et fait chacun jour et espérons quil fera cy après, crée et retenu, créons et retenons, par ces présentes, en lestât et office de secrétaire ordinaire de nostre hostel, pour en icelui office nous servir doresenavant aux honneurs, prérogatives, prééminences, gaiges, libertez, franchises, droictz, prouffiitz et esmolumens acoustumez et qui y appartiennent. Si donnons en mandement, par ces mesmes présentes, a nostre amé et féal conseiller levesque de Nantes, vischan-

cellier de Bretaigne, que, prins et receu dudict maistre Pierre Hanchement le serment en tel cas requis et acoustumé, icelui mecte et institue de par nous en possession et saisine dudict office et dicelle ensemble des honneurs, prérogatives, prééminences, gaiges, libertez, franchises, droictz,

prouffitz et esmolumens dessusdicts, le face, seuffre et laisse

joyr et user plainement et paisiblement, en mandant, par cesdictes présentes, a nostre amé, féal trésorier et receveur gênerai de noz finances, qui a présent est ou sera, que les gaiges qui lui seront pour ce donnez en lestât iceulx gaiges payé, baillé et délivré audict maistre Pierre Hanchement, doresenavant par chascun an aux termes et en la manière acoustumee ; et par rapportant cesdictes présentes au vidimus dicelle fait soubs scel royal pour une fois seulement a

quictance dudict Hanchement, sur ce souscrite, nous voulions ce que payé, baillé et délivre luy aura este de sesdicts gaiges, esté aloué es comptes et rabatus de la recepte de nostredict trésorier ou de celui ou ceulx qui payez les auront, par nos amez et feaulx les gens des comptes de monseigneur de Paris, ausquels nous mandons ainsi le faire sans aucune difficulté, car tel est nostre plaisir. En tesmoing de ce nous avons fait mectre nostre seel a sesdictes présentes. Donné à Lyon, le xiiiP® jour de aoust, lan de grâce mil cincq cens et ung.

Sur le pli : Par la royne duchesse, L. S.

Sapin.

No VIII.

Charte concernant les révoltés de Bruges, donnée a Bamme, le 7 décembre 1490.