Son tombeau, le mieux rempli , etc

Romarin vert, roses en abondance, Jaune soulcie et bassinetz dorez. ^

Passeveloux ^ de pourpre colorez, Lavende franche,^ œilletz de couleur vive, Aubépins blancs, aubépins azurez.

Et toutes fleurs de grand beauté nayve.

Chascune soit d'en porter ententive ; Puis sur la tombe en jectez bien espays, Et n'oubliez force branches d'olive, Car elle estoit la bergère de paix;

Laquelle sceut dresser accords parfaictz . Entre bergiers, alors que par le monde Taschoient l'un l'autre à se rendre deffaictz, A coup de goy,'' de holette et de funde.^

Vien, le dieu Pan, vien plus tost que l'aronde, Pars de tes parcs, d'Archadie desplace, ° Gesse à chanter de Syring-ue la blonde, Approche-toy et te mets en ma place,

Pour exalter avec meilleure grâce Celle de qui je me suis entremis;''