De chercher à propos d'amour

J'en laisseray du tout* faire à Espaigne,

De qui la main en nostre sang se baigne.

C'est à ses gens à coucher par hystoires,

D'un stile hault, triumphes et victoires;

Et c'est à nous à coucher par escriptz ,

D'un piteux stile, infortunes et cryz.

Ainsi diront leurs victoires apertes,

Et nous dirons noz malheureuses pertes.

Les dire , hélas ! Il vault trop mieulx les taire !

Il vault trop mieulx en ung lieu solitaire ,

En champs, ou boys pleins d'arbres et de fleurs,

Aller dictçr les plaisirs ou les pleurs

Que l'on reçoit de sa dame chérie ;

Puis pour oster hors du cueur fascherie,

Voiler ^ en plaine et chasser en forestz ,

Descoupler chiens, tendre toilles et rhetz ;

Aulcunesfois , après les longues courses.

Se venir seoir près des ruisseaux et sources,

Et s'endormir au son de l'eaue qui bruyt.

Ou escouter la musique et le bruict

Des oyselletz , painctz de couleurs estranges ,

Comme mallars,^ merles, maulviz,* mésanges.

Pinsons, pivers, passes^ et passerons.^

En ce plaisir le temps nous passerons ,

Et n'en sera, ce croy-je, ofl'ensé Dieu,

Puis que la guerre à l'amour donne lieu.

Mais s'il advient que la guerre s'esbranle,