S'agitent avec colère

Sont plus subjectz à engendrer icy, Que les plus vieulx. Voyre, qu'il soyt ainsi, ' Ce vieil serpent sera tantost crevé, Combien qu'il ait mainct lignage grevé.

Et cestuy-là, plus antique qu'ung roc.

Pour reposer s'est pendu à un croc.'^ Mais ce petit plus mordant qu'une loupve Dix grans serpentz dessouds sa pence couve , Dessoubs sa pence il en couve dix grans Qui quelque jour seront plus dénigrans Honneurs et biens, que cil qui les couva. Et pour ung seul qui meurt ou qui s'en va, En viennent sept. Donc ne fault t'estonner, Car pour du cas la preuve te donner, Tu doibs sçavoir qu'yssues 3ont ces bestes Du grand serpent Hydra qui heut sept testes, Contre lequel Hercule combattoit, Et quand de luy une teste abattoit, Pour une morte en revenoit sept vifves. Ainsi est-il de ces bestes noysifves, Ceste nature ilz tiennent de la race Du grand Hydra, qui au profond de Thrace Où il n'y a que guerres et contens, -^ Les engendra dès l'aage et dès le temps Du faulx Cayn, Et si tu quiers raison Pourquoy procès sont si fort en saison. Sçaiche que c'est faulte de charité Entre chrestiens. Et à la vérité.