Luttes, querelles

Comment l'auront dedans leur cueur fichée, Quand partout est si froydement preschée ?

A escouter voz prescheurs bien souvent, Charité n'est que donner aux couvent.

Pas ne diront combien Procès diffère^ Au vray chrestien , qui de tous se dit frère ; Pas ne diront qu'impossible leur semble D'estre chrestien et plaideur tout ensemble. Ainçoys* seront eulx-mesmes à plaider .

Les plus ardentz. Et à bien regarder.

Vous ne valiez de gueire mieulx au monde. Qu'en nostre enfer, où toute horreur abonde.

Doncques , amy, ne t'esbahys comment Sergents, procès vivent. si longuement:

Car bien nourriz sont du laict de la lysse^ Qui nommée est du monde la Malice.* Tousjours les a la loupve entretenuz.

Et près du cueur de son ventre tenuz.

Mais si ne veulx-je à ses faictz contredire. Car c'est ma. vie. Or plus ne t'en veulx dire. Passe cest huys barré de puissant fer. »

A tant^ se teut le ministre d'enfer.

De qui les motz vouluntiers escoutoye.