Convenir à leur projet de me nuire

Si quelcque esprit de gentille nature Vient là dedans tesmoigner, d'adventure, Aucuns propos, ou moyens, ou manières Justifiantz les âmes prisonnières, Il ne sera des juges escouté, Mais lourdement de son dict reboutté.

Et escouter on ne refusera L'esprit maling qui les accusera.

Si que* celluy qui plus faira d'encombrés Par ses rapportz aux malheureuses umbres. Plus recepvra de recueil^ et pécunes.

Et si tant peult en accuser aulcunes Qu'elles en soient pendues ou bruslées, Les infernaulx feront saultz et huilées,^ Chaînes de fer et crochetz sonneront.

Et de grand joie ensemble tonneront, En faisant feu de flamme sulphurée.

Pour la nouvelle ouyr tant malheurée.

Le griffon doncq en son livre doubla De mes propos ce que bon luy sembla.

Puis se leva Rhadamantus du siège, Qui remener me feit au bas colliége Des malheureux par la voye où je vins. Si les trouvay à milliers et à vingts,* Et avec eulx feis un g temps demourance , Fasché d'ennuy, consolé d'espérance.