BEATUS VIR QUI NON ABIIT

AR GUM ENT

Ce psalme chante que ceulx sont bien heureux cpii, rejectans les mœurs et le conseil des maulvais , s'addonnent à congnoistre et mettre à effect la loy de Dieu, et malheureux ceulx qui font au contraire.

Chose propre pour consoler les bons chrestiens.

Qui au conseil des malings n'a esté , Qui n'est au trac* des pécheurs arresté. Qui des raocqueurs au banc place n'a prise, Mais, nuict et jour, la loy contemple et prise De l'Eternel, et en est désireux.

Certainement cestuy-là est heureux.

Et semblera un arbre grand et beau Planté au long d'ung clair courant ruisseau, Et qui son fruict en sa saison apporte. Duquel aussi la fueille ne chet morte; Si qu'un* tel homme et tout ce qu'il fera, Tousjours heureux et prospère sera.

i. Sentier.