DOMINE, >E IN FURORE TUO ARGUAS ME

ARGUMENT

David malade à l'extresmité a horreur de la mort, désire, avant que mourir, glorifier encore le nom de Dieu, puis tout à coup se resjouyt de sa convalescence et de la honte de ceulx qui s'attendoient à sa mort.

Psalme propre pour les malades.

Ne veuilles pas, ô Sire, Me reprendre en ton ire , * Moi qui t'ay irrité!

N'en ta fureur terrible Me punir de l'horrible Tourment qu'ay mérité!

Ains^ Seigneur, viens estendre Sur moy ta pitié tendre, Car malade me sens.

Santé doncques me donne.

Car mon grand mal estonne Tous mes os et mes sens.