DIXIT INSIFIENS IN CORDE SUO

ARGUMENT

Il dit que tout est plein d'infidèles et ethniques, descrit leur entendement corrompu, soubhaitte et prédict leur ruine et la délivrance du peuple de Dieu par eulx dévoré.

PsalQie contre les ennemys de Dieu et de ceulx qui l'ayment.

Le fol inaling en son cueur dit et croit Que Dieu n'est point, et corrompt et renverse Ses mœurs, sa vie, horribles faictz exerce; Pas un tout seul ne faict rien bon ne droict, ■ Ny ne vouldroit.

Dieu du hault ciel a regardé icy Sur les humains, avecques diligence, S'il en verroit quelqu'un d'intelligence Qui d'invocquer la divine mercy Fust en soucy.

Mais tout bien veu, a trouvé que chascun A fourvoyé, tenant chemins damnables.

Ensemble tous sont faictz abominables.

Et n'est celluy qui face bien aucun, • Non jusqu'à un.

N'ont-ilz nul sens, tous ces pernicieux Qui font tout mal et jamais ne se changent, Qui comme pain mon povre peuple mangent, Et d'invocquer ne sont point soucieux Le Dieu des cieulx?

Certainement tous esbahiz seront, Que^ sur le champ ilz trembleront de craincte: Car l'Éternel, par sa faveur tressaincte, . Tiendra pour ceulx qui droictz se trouveront, Et l'aymeront.

Ha! malheureux, vous vous estudiez A vous mocquer de l'intention bonne Que l'immortel au povre affligé donne, Pource qu'ilz sont sur luy tous appuyez. Et en riez.

0 qui et quand de Sipn sortira.

Pour Israël secours en sa souffrance?

Quand Dieu mettra son peuple à délivrance. De joye adonc* Israël jouyra, Jacob rira.