TRADUCTIONS.- MÉTAMORPHOSES

Fleuves de vin aussi couler souloient,'

Et le doulx miel dont lors chascun goustoit,

Des arbres vers tout jaulne desgouttoit.

Puis quand Saturne, hors du beau règne mis, Fut au profond des ténèbres transmis, Soubz Juppiter estoit l'humaine gent.

Et en ce temps survint l'aage d'argent, Qui est plus bas que For tressouverain , Aussi plus hault et riche que l'arain.

Ce Juppiter abaissa la vertu Du beau printemps qui tousjours avoit eu Son cours entier, et soubz luy fut l'année En quatre parts réduicte et ordonnée :

En froid y ver, et en esté qui tonne, En court printemps, variable autonne.

Lors commença blanche et vive splendeur Reluyre en l'air espris de sèche ardeur: D'autre costé survint la glace froide.

Par vents d'y ver pendue estraincte et roide. Lors on se print à musser^ soubz maisons. Maisons estoient cavernes et cloisons.

Arbres espez, fresche ramée à force, Et vertz osiers joinctz avecques escorce. Lors de Cérès les bons grains secourables Soubz longs sellions de terres labourables Sont enterrez ; et furent beufz puissans , Pressez du joug, au labeur mugissans.