A se cacher

Après cestuy, troisiesme succéda L'aage d'arain qui les deux excéda D'engin mauvais;* et plus audacieux Aux armes fut, non pourtant vicieux.

Le dernier est de fer dur et rouillé.

Où tout soudain chascun vice brouillé Se vint fourrer, comme en l'aage total Accomparé au plus meschant métal.

Honneste Honte et Vérité certaine, Avecques Foy, prindrent fuyte loingtaine; Au lieu desquelz entrèrent Flaterie , Déception, Trahyson, Menterie, Et folle Amour, Désir et Violence D'acquérir gloire et mondaine opulence.

Telle avarice adonc,- le plus souvent Pour practiquer-' mettoit voilles au vent. Lors mal congneu de nautonnier et maistre: Et mainte nef dont le boys souloit estre Planté debout sur montaignes cornues, Nageoit, saultoit par vagues incongnues.

Mesme la terre , avant aussi commune Que la clarté du soleil, air et lune.

Fut devisée en bornes et partiz Par mesureurs fins, caultz et déceptifz.

Ne seulement humaines créatures Cherchèrent bledz et autres nourritures.

Mais jusque au fond des entrailles allèrent