Percée d'outre en outre

m ŒUVRES DK CLÉMENT MAROT.

Les fiers Géantz, comme on dit, affectèrent' Régner aux cieulx, et contre mont dressèrent, Pour y monter, mainte montaigne mise L'une sur l'autre. Adoncques, par transmise Fouldre du ciel, l'omnipotent Facteur Du mont Olympe abbatit la haulteur, Et desbrisa, en ruyne fort grosse, Pélion, mont assis sur celluy d'Osse.

Quand par son poix ces corps faulx et cruelz Furent gisans desrompuz et tuez, La terre fut mouillée en façon telle De moult de sang des Géantz enfans d'elle. Que, comme on dit, trempée s'enyvra.

Puis en ce sang tout chauld âme livra, Et pour garder enseigne de la race , En feit des corps portans humaine face. Mais ceste gent fut aspre et despiteuse, Blasmant les Dieux, de meurdres convoiteuse, Si- qu'à le veoir, bien l'eussiez devinée Du cruel sang des Géantz estre née.

1? Résolurent.