TRADUCTIONS. — MÉTAMORPHOSES. 4H

De terre basse, où prindrent et souillèrent Les grans trésors et les richesses vaines Qu'elle cachoit en ses profondes veines, Comme métaulx et pierres de valeurs, Incitemens à tous maulx et malheurs.

Jà hors de terre estoit le fer nuysant, Avecques l'or, trop plus que fer cuysant. Lors guerre sort , qui , par ces deux métaulx , Faict des combatz inhumains et brutaulx, Et casse et ronipt de main sanguinolente Armes cliquans soubz force violente.

On vit desjà de ce qu'on emble* et oste : Chez l'hostelier n'est point asseuré l'hoste , Ne le beau-père avecques le sien gendre. Petite amour entre frères s'engendre ; Le mary s'offre à la mort de sa femme: Femme au mary faict semblable diffame : Par mal talent,- les marâtres terribles Meslent souvent venins froidz et horribles: Le filz, affm qu'en biens mondains prospère, Soubhaite mort, avant ses jours, son père. Dame Pitié gist vaincue et oultrée , ' Justice aussi, la noble vierge Astrée, Seule et dernière après tous dieux sublimes. Terre laissa taincte de sang et crimes.

Aussi, affm que le ciel éthéré Ne fust de soy plus que terre asseuré,