La fermeté est justement représentée par le noir

É PITRE s. 35

MAROT A MONSIIi:UR BOUCHART, DOCTEUR KN THÉOLOGIE.

Donne responce à mon présent affaire, Docte docteur. Qui t'a induict à faire Emprisonner, depuis six jours en ça, Ung tien amy qui onc ne t'offensa.

Et vouloir* mettre en luy crainte et terreur D'aigre justice, en disant que l'erreur Tiens de Luther? Point ne suis luthériste Ne zuinglien et moins anabaptiste :

Je suis de Dieu^ par son filz Jésuchrist.

Je suis celluy qui ay faict maint escript Dont un seul vers on n'en sçauroit extraire, Qui à la loy divine soit contraire.

Je suis celluy qui prends plaisir et peine A louer Christ et sa mère tant pleine De grâce infuse ; et pour bien l'esprouver. On le pourra par mes escriptz trouver.

Brief, celluy suis qui crois, honore et prise La saincte, vraie et cathohque église :