Beaucoup
2. Allusion probable à l'une des causes de son emprisonnement. On l'accusoit d'avoir mangé de la viande en carême, et témoigné ainsi qu'il se séparoit de l'Église.
38 ŒUVRES DE CLÉMENT jVIAROT.
Mais ce Lyon, qui jamais ne fut grue, Trouva moyen et manière et matière , D'ongles et dentz, de rompre la ratière. Dont maistre Rat escliappe vistement ; Puis mist à terre un genoul gentement, Et en ostant son bonnet de la teste, A mercié mille foys la grand beste.
Jurant le dieu des souris et des ratz , Qu'il luy rendroit. Maintenant tu verras .Le bon du compte. Il advint d'aventure Que le Lyon , pour chercher sa pasture , Saillit dehors sa caverne et son siège; Dont, par malheur, se trouva pris au piège, Et fut lié contre ung ferme posteau.
Adonc le Rat sans serpe, ne cousteau, Y arriva joyeux et esbaudy, Et du Lyon, pour vray, ne s'est gaudy; Mais despita chatz, chates et chatons.
Et prisa fort ratz, rates et ratons.
Dont il avoit trouvé temps favorable^ Pour secourir le Lyon secourable; Auquel a dit : a Tays-toy, Lyon lié, Par moy seras maintenant deslié ; Tu le vaulx bien, car le cueur joly as, Bien y parut, quand tu me deslias.
Secouru m'as fort lyonneusement , »
Ors secouru seras rateusement. »
Lors le Lyon ses deux grands yeulx vestit,^ Et vers le Rat les tourna ung petit ,
1. 11 estima fort supérieure à la race des chats celle des rats, qui lui fournissoit les moyens de secourir, etc. -2. Ouvrit (?).
É P lï R E s . 39
En luy disant : « 0 povre vermynière, Tu n'as sur toy instrument ne manière, Tu n'as cousteau, serpe ne serpillon Qui sceust coupper corde ne cordillon, Pour me gecter de ceste estroicte voye; Va te cacher, que le chat ne te voye !
— Sire Lyon, dit le filz de souris, De ton propos, certes, je me soubris; J'ay des cousteaulx assez, ne te soucie, De bel os blanc plus tranchant qu'une scie ; Leur gaine c'est ma gencive et ma bouche; Bien coupperont la corde qui te touche De si tresprès; car j'y mettray bon ordre. »
Lors sire Rat va commencer à mordre Ge gros lien; vray est qu'il y songea^ Assez long temps, mais il le vous rongea Souvent, et tant qu'à la parfin tout rompt. Et le Lyon de s'en aller fut prompt, Disant en soy : Nul plaisir, en eflect, ?^e se perdt point quelcque part où soit faict. Voylà le compte, en termes rimassez.
Il est bien long, mais il est vieil assez, Tesmoing Esope et plus d'un million.
Or viens me veoir, pour faire le Lyon , Et je mettray peine, sens et estude D'estre le Rat, exempt d'ingratitude; J'entends, si Dieu te donne autant d'aflaire Qu'au grand Lyon: ce qu'il ne vueille faire.
