PAIR ET CONNESTABLE DE FRANCE

MONSEIGNEUR, je cToy quc ne trouverez mauvais de ce que ne vous aij esté remercier, lors qu'il vous pleut employer la lloine-Mère pour me tirer hors des mains de mes ennemis mortels et capitaux. Vous savez que l' occupation de vostre œuvre, ensemble mon indigence, ne l'a voulu permettre ; je cuide que n'eussiez trouvé bon que j'eusse laissé vostre œuvre pour vous apporter un grand merci. Jésus Christ nous a laissé un conseil, escrit en Sainct Matthieu, chapitre 7, par lequel il nous défend de semer les marguerites devant les pourceaux, de peur que, se retourtians contre nous, ils ne nous deschirent. Si j'eusse creu ce conseil, je n'eusse esté en peine vous prier pour ma délivrance, vous asseurant, d la vérité, que mes haineux n'ont eu occasion contre rnoy, sinon pour ce que je leur avois remonstré plusieurs fois certains passages des Escritures Sainctes, où il est escrit que celuy est malheureux et maudit qui boit le laict et vestist la laine de la brebis sans luy donner pasture. Et, combien que cela les deust inciter à m' aimer, ils ont par làprins occasion de me vouloir faire dcstruire comme malfaicteur, et est chose véritable que, si je me fusse confessé es juges de ceste ville, qu'ils m'eussent fait mourir auparavant que j'eusse seu obtenir de vous aucun secours. Et l'occasion qui mouvoit aucuns juges à estre un corps et une ame et une mesme volonté avec le Doyen et Chapitre, mes parties, c'estoii parce qu'aucuns desdits juges estoyent parens dudit Doyen et Chapitre, et possèdent quelque morceau de bénéfice, lequel ils craignent perdre, parce que les laboureurs commencent à gronder, en payant les dixmes à ceux qui les reçoyvent sans les mériter. Je me fusse très bien donné garde de tomber entre leurs mains sanguinaires, n'cust esté que j'avois espérance qu'ils nuroyont es-

rjard à rostre œuire et à l' incitation de Monseigneur le Duc de Montpensier, lequel me donna \ine sauve-garde, leur interdisant de non cognoistre ni entreprendre sur moy, ni sur ma maison, sachant bien que nul homme ne pourroit achever vostre œuvre que moy. Aussi estant entre leurs mains prisonnier, le Seigneur de Burie, et le Seigneur de Jarnac, et le Seigneur de Ponts prindrent bonne peine pour me faire délivrer, tendant à fin que vostre œuvre fust parachevée. Quoy voyant, mes haineux m' envoyèrent de nuit à Bourdeaux, par voycs obliques, sans avoir esgard, ni à vostre grandeur, ni à vostre œuvre. Ce que je trouvay fort estrange, veu que Monsieur le Conte de la Roche-Foucaut, combien, que pour lors , il tenoit le parti de vos adversaires, ce néantmoins il porta tel honneur à vostre grandeur qu'il ne voulut jamais qu'aucune ouverture fust faite en mon hastelier, à cause de vostre œuvre. Mais les susdits de ceste ville ne firent pas ainsi, ains au contraire, soudain que je fus prisonnier, ils firent ouverture et lieu public de partie de mon hastelier, et avoyent conclu en leur Maison de Ville de jetter mon hastelier à bas, lequel a esté partie érigé à vos despens, et, eust esté exécutée une telle délibération, n'cust esté le Seigneur et Dame de Ponts qui prièrent les susdits de n'exécuter leur intention.

Je vous ay cscrit toutes ces choses, à fin que n'eussiez opinion que j'eusse esté prisonnier comme larron ou meurtrier. Je say combien il vous saura très bien souvenir de ces choses en temps et lieu, et, combien que vostre œuvre vous coustera beaucoup davantage, pour le tort qu'ils vous ont fait en ma personne, toutes fois j'espère que, suivant le conseil de Dieu, vous leur rendrez bien pour mal, ce que je désire ; et, de ma part, de mon pouvoir je tascheray à recognoistre le bien qu'il vous a pieu me faire. Qui est l'endroit, où je prieray le Seigneur Dieu, Monseigneur, vous donner, en parfaite santé, longue et heureuse vie.

Vostre Irès-humljlc cl aiïcctioniK' scrvilour, BERNAUD PALISSY.