AVEU DU FIEF DE MAUVIERES, 1582 CXXI
Dl AVEU DU FIEF DE MAUVIERES PAR SAVINIEN I DE CYRANO (27 novembre 1582).
A tous ceulx qui ces présentes lettres verront, Nicolas de Thumery, Escuyer, Seigneur de Meudon dict le hault Villepreux, de Bécheret, licencié es loix, advocat en la Court de parlement à Paris, baillif et garde du scel du bailliage et duché de Chevreuse pour Monseigneur le duc de Guyse et dudit Chevreuse, prince de Joinville, pair et grand maistre de France, Gouverneur et lieutenant général pour le Roy en ses païs de Champagne et Brie, salut, Sçavoir faisons que par devant Gilles Boisseau, commis de Macé Huger, tabellion juré dudit duché fut présent en sa personne Savinian de Cirano, escuyer. Seigneur de Mauvières, lequel de son bon gré, confesse et advoue tenir à une seulle foy et hommage de très illustre, hault et puyssant prince raessire Henry de Lorrainne, duc de Guyse et de Chevreuse, à cause de son chastel dudict Chevreuse, le fief, terre et Seigneurie dudict Mauvières assis près ledict Chevreuse qui se consiste en ung hostel manable annsy qu'il se poursuict et comporte qui entiennement soulloit estre à carneaulx oià il y a salle basse, cave dessoubz, cuysine, despence, chambre haulte, greniers, estables, granche, portail, le tout couvert de thuilles, ainsy la court, columbier cloz de murailles, ung moullin à bled dedans ledit cloz, ung jardin et vivier derrière joignant aux murailles dudit lieu, le tout contenant deux arpens ou environ, la rivière vifve passant par dedans ledit jardin.
Item la rivière vifve et morte depuis la planche du gay du Breul jusques au lieu de Berquancourt.
Item tout et tel droict de justice moyenne et basse et cognoissance sur les subjectz dudit advouant et autres jusques à soixante solz parisis d'amende avecq droict de rouage, forage et tous droicts qui y appartien nent et peuvent appartenir.
Item la bannière de la Ferté Millon, paroisse de Choisel, dont les habitans sont bannerés audit moullin de Mauvières.
Item tout et tel droict de garenne jusques à ung arpent et plus dedans les bruyères dudit Mauvières avecq ses droictz.
Item la dixme du Breul du costé et par derrière la rivière appartenant audit manoir.
Item vingt huict arpens troys quartiers quatre perches, troys quardz de terre appelle les terres et bruyères de Mauvières ainsy qu'ilz se poursuivent et comportent, de borne en borne, tenant d'ung costé à mondit Seigneur à cause de sa terre de Darapierre et à la veufve Jehan David et d'autre à la Roche-Dame Belle et à une -borne qui est plus oultre d'ung bout à présent aux héritiers feu Estienne Esnault et aux boys de Monseigneur, d'autre au chemyn qui soulloil aller de Chevreuse à Dampierre desquelz vingt huict arpens troys quartiers quatre perches troys quards de perche tiennent la veufve et héritiers feu Girard Boucher, six arpens
