CXXIV AVEU DU FIEF DE BERGERAC

tenir par protestation toutesfois accroistre, augmenter ou diminuer le présent ad veu et dénombrement en tout ce qu'il appartiendra sy mestier est et s'il y eschet lequel Sieur recoîignoissant a requis et demandé acte de ce présent son adveu et dénombrement pour le délivrer à mondit Seigneur duc de Chevreuse suivant la coustume auquel a esté octroyé ce présent pour luy servir et valloir en temps et lieu, ce que de raison. En tesmoing de ce nous au féal relat dudit Commis es seing dudit juré avons à ces présentes fait mettre le scel aux contractz dudict duché qui furent faites et passées es présences de M® Noël Picard et M® Francoys Auvery, Receveur dudict Ghevreuse, tesmoings qui ont avecques ledict Sieur advouant signé la minutte de ces présentes l'an mil cinq cens quatre vingtz et deux le vingt septiesme jour de novembre avant midy en l'hostel dudit M« Auvery, recepveur dudict Ghevreuse.

Signé : Huger, au Relat dudit Gommis. Receu coppie le XX* septembre mil V<= IIII"' V comme procureur du Seigneur de Meuddon. {Bibl. Nat., Pièces originales, 957, dossier 21.084, ff. 10 à 15).

E) AVEU DU FIEF DE BERGERAC PAR SAVINIEN I DE CYRANO (27 noTembre 1582)

A tous ceulx qui ces présentes lettres verront, Nicolas de Thumery, escuyer. Seigneur de Meudon dict le hault Villepreux, de Récheret, licentié en loix, advocat en la Gourt de Parlement à Paris, baillif et garde du scel du bailliage et duché de Ghevreuse pour Monseigneur le ducdeGuyse et dudict Ghevreuse, prince de Joinville, pair et grand Maistre de France, gouverneur et lieutenant général pour le Roy en ses païs de Ghampagne et Rrie, Salut. Sçavoir faisons que pardevant Gilles Roisseau, commis de Macé Huger, tabellion juré dudict Duché, fut présent en sa personne Savinian de Girano, escuyer, seigneur de Mauvières, lequel de son bon gré, confesse et advoue tenir en plain fief à une seule foy et hommage de très hault, très illustre et puyssant prince Messire Henry de Lorraine, duc de Guyse et de Ghevreuse, à cause de son chastel dudict Ghevreuse, le fief, terre et seigneurie appelle le fief de Rergerac qui anciennement s'appelloit Sous-forest, qui se consiste en une maison, portail, court, granche, masure et jardins, le tout contenant vingt arpens ou environ.

Item tout et tel droict de justice moyenne et basse et congnoissance sur les subjectz dudit de Girano jusques à soixante solz parisis avecq droict de rouage et forage et avecq ce tous Droictz qui y peuvent apppartenir et appartiennent.

Item trante six arpens et demy de terre tenant d'un costé aux terres du Rreul, d'autre costé au chemyn qui vient dudict Rreul au lieu de Rergeracq, d'un bout au chemyn qui va à Gernay et à Senlisses, et d'autre bout aux prez dudit de Rergeracq et de Mauvières.

AVEU DE lA TERRE DE MAUVIERES, 1599 CXXV

Desquelz trente six arpens et demy de terre cy dessus déclarez les héritiers noble homme Jehan de Chaudron en tiennent quatorze arpens et doibt de cens chacun arpent par chacun an dix deniers tournoys paiables au jour Sainct André, et Estienne Soyde tient le reste qui est vingt deux arpens et demy qui doibvent pareil cens.

Item dix arpens de bois à présent taillis tenant d'un costé et d'un bout au bois des Cloz, d'aultre costé aux hoirs ou ayans cause de defTunct Girard Boucher, d'autre bout au vieil chemyn de Senlisses ; et aultres droictz seigneuriauls quant le cas y eschet et sy plus en y a plus en advoue tenir ledict recongnoissant et sy moings en y a moings en advoue tenir par protestation toutesfoys, accroistre, augmenter ou dyminuer le présent adveu et dénombrement en tout ce qu'il appartiendra sy mestier est et il y eschet lequel sieur recongnoissant a requis et demande acte de ce présent son adveu et dénombrement pour le délivrer à mondict Seigneur de Chevreuse suyvant la coustume auquel a esté octroyé le présent pour luy servir et valloir en temps et lieu ce que de raison. En tesmoing de ce nous au relat dudit commis et seing dudit juré avons à ces présentes faict mectre le scel aux contractz dudict Duché qui passées y furent èsprésence de M* François Auvery, receveur, et M« Noël Picard, procureur, demeurant à Chevreuse tesmoings qui ont avec ledit de Cyrano signé la mynutte de cesdites présentes l'an mil cinq cens quatre vingtz et deux le vingt septiesme jour de novembre avant midy en l'hostel dudit M® François Auvery, recepveur dudit Chevreuse.

[Bibl. Nat., Pièces originales, 957, dossier 21.084, ff. 16 et 17).

f) AVEU ET DENOMBREMENT DE LA TERRE DE MAUVIERES PAR ABEL DE CYRANO (PÈRE DU LIBERTIN) (1599).

A tous ceulx qui ces présentes lettres verront, François Matharel, licentié es loix, advocat en la Cour de Parlement à Paris, bailly et garde du scel aux causes du bailliage et duché de Chevreuse, pour Monseigneur le duc de Guyse et dudit Chevreuse, prince de Joinville, gouverneur et lieutenant général pour le Roy, nostre sire, au pays de Provence, et admirai des mers de Levant, Salut, savoir faisons que entre Abel de Cirano, escuier. Sieur de Mauvières et de Bergerat, demandeur en réception d'adveu etdesnombrement, d'une part, et le procureur fiscal de Monseigneur le duc de Chevreuse, defîendeur, d'aultre part, Veu par nous deux adveuz et desnombrement passez par Thomas de Forbois, lors seigneur desdicts fiefz de Mauvières et de Bergerat, et duquel ledit Sieur demandeur a les droictz à feu Monseigneur le duc de Guyse de son vivant, datiez du dix huictiesme jour du moys d'apvril l'an mil cinq cens soixante et dix neuf,