En même temps que soy. Cf. Gloss., au mot Quant
14 Œvvres poétiq^ves
Ny pompe, ny grandeur, ny gloire, ny puissance Ne sçauroient destourner le glaiue de vengeance Pendant dessus son chef des mains de TEternel,
De qui Tineuitable et seuere iustice
Fait qu’il est à toute heure en vn mesme supplice
Tesmoin, iuge et bourreau, non moins que criminel.
Non, les fiers Aquilons de leur venteuse haleine Ne promènent pas mieux sur le dos d’vne plaine La paille rencontrée au champ du laboureur.
Que Dieu le poursuiura sur le front de la terre.
Si iamais son pouuoir luy déclarant la guerre Change sa patience en ardante fureur.
Puis quand viendra le iour, le iour espouuentable. Où les peuples iugez par sa bouche équitable.
Seront de leurs forfaits eux-mesmes deceleurs :
Alors le misérable enuoyé pour pasture Au feu qui sert là bas aux âmes de torture,
Payra ses courts plaisirs d’eternelles douleurs.
Car le Seigneur est iuste autant que débonnaire. Et sa saincte équité paye à tous le salaire Que méritent leurs faits soient cogneus soient cachez : Encor que moins enclin aux peines qu’à la grâce Tous les iours sa bonté nos mérités surpasse.
Et iamais sa rigueur n’egale nos pechez.
CANTIQVE.
DONT l’argument EST PRIS DU XX. PSEAUME.
Les biensfaits que ta grâce espand sur nostre ROY, Seigneur, l’obligent bien à s’esiouïr en toy. Comme en l’vnique autheur de sa saincte allégresse. Car toy seul en ses maux as esté son support,
DE M. BERTAVT.
Et toy seul le sauuant l’as conduit dans le port Ou nul ne peut surgir s’il ne t’a pour adresse
La voix de sa requeste a le Ciel pénétré,
Ses vœux sont exaucez, tu ne Uas point frustré Du bien que son désir attendoit de ta grâce :
Ny n’as trompé l’espoir qu’il en auoit conçeu Qu’autant que nostre esprit est doucement deceu Quand il voit que son heur ses attentes surpasse.
D’vn riche diadème où semble estinceler Le feu de mainte pierre, et la flamme egaller.
Ta main a dés long temps sa teste enuironnee :
Tu l’as ceint és combats de cent lauriers diuers.
Et maintenant. Seigneur, pour l’heur de l’vniuers Tu fais que sa couronne est de paix couronnée.
Au lieu de beaucoup d’ans à ses ans adioustez.
Qui lui sont ardemment en nos vœux souhaittez.
Tu lui semblés promettre vne vie immortelle :
Et pour l’extreme bien de voir sous sa grandeur Son Royaume fleurir plein de richesse et d’heur. L’honneur de maistriser la terre vniuerselle.
Nul tiltre n’embellit le renom glorieux D’vn magnanime Roy, iuste et victorieux.
Qui ne rende son nom illustre et mémorable :
Et semble que ta main tous ses faits bénissant Vueille monstrer en luy combien est fleurissant Le Prince à qui ton œil daigne estre fauorable.
Aussi, contre les maux dont il est tourmenté Son esprit recourt-il à ta seule bonté.
Sans attendre d’ailleurs son salut ny sa gloire :
Elle seule es périls luy monstre ton secours :
