SUR LA CONFERENCE TENUE A FONTAINE-BLEAU

Si iamais mon esprit conceut quelque esperance De voir les deux partis qui diuisent la France Reconjoints en vn seul, et comme ils n’ont qu’un Roy, N’auoir qu’vne loy mesme, et qu’vne mesme Foy : Certes c’est maintenant qu’vne entente asseuree S’en engendre en mon ame, et l’y rend préparée.

Puis qu’auec tant de zele et de constante ardeur (O Roy de qui la terre admire la grandeur), le vous voy trauailler sans relasche et sans feinte.

Pour le progrez d’vne œuure et si iuste et si saincte.

Car ie ne puis douter que ces heureuses mains.

Que ce cœur inuincible aux accidents humains.

Qui lors que le soucy des sceptres de la terre Les alloit agitant par les flots de la guerre.

Ont eu Dieu si propice, et qui victorieux Ont atteint par sa grâce vn port si glorieux, N’esprouuent sa faueur cent fois plus manifeste. Maintenant que pour luy, pour vne œuure celeste.

Pour l’heur de son Espouse, et l’honneur des autels, Vous rongez vostre esprit de soucis immortels,

Et paroissez brusler d’vne eternelle enuie D’offrir ce qui vous reste et de sang et de vie.

Trois Rois vos deuanciers désireux de trouuer ' • Vn chemin qui les fist à ce bien arriuer.

L’ont cherché comme vous, mais les fruits de leurs peines N’ont repeu leurs désirs que d’esperances vaines : Pource qu’ils l’ont cherché par les sanglants combats,

Par les monceaux poudreux des murs iettez à bas.

Par l’effort des tourments, par la rage des fiâmes,

Par ce qui fait trembler les plus constantes âmes