I. En
Il6 Œvvres poétk^ves
Et la preuue a monstré qu’il falloit comme vous Apporter à ces maux des remedes plus doux,
Et purger la fureur qui tant d’esprits affole,
Par l’hellebore pur de la saincte Parole,
Et non par la terreur de la flamme et du fer.
Qui seuls la combatans n’en sçauroient triompher.
Car en ces passions, sorcières des pensees.
Les âmes et de zele et d’erreur insensées ’ ,
Au lieu de s’ébranler par le mortel effroy Des tourments préparez pour combattre leur foy. S’obstinent à l’encontre, et brauant les supplices Font gloire qu’on les offre en sanglants sacrifices A la haine du peuple estonné de leurs chans Poussez d’entre la flamme et les glaiues trenchans. Tellement qu’és douleurs imitans la constance Dont nos premiers Martyrs leur faisoient résistance. Il aduient qu’vn cœur foible à leurs maux compatit,
Et qu’en fin ce remede en mal se conuertit.
Leur obstinée ardeur des peuples admiree Semblant vne vertu de Dieu mesme inspirée.
Dequoy nous ont seruy tant de feux allumez Quand ces germes de maux par l’Europe semez Firent premièrement formiller sur la terre Les erreurs, la discorde, et le schisme et la guerre? Dequoy vous ont seruy les lauriers ja poudreux Des champs de Mont-contour, de larnac et de Dreux Et ceste vengeresse et cruelle iournee Où la fureur du peuple en courroux deschainee.
Par erreur de penser destruire ainsi l’erreur.
Remplit Paris de sang, de carnage et d’horreur?
De la cendre des corps deuorez par les fiâmes Ceste erreur s’est monstrée en mille foibles âmes Plus viue et plus fécondé : et par vn mauuais sort. Plus ces nouueaux croyans affamez de la mort
. Au sens de ; affolé, surexcité par.
DE M. Bertavt.
En souffrant ont rendu la poussière sanglante,
Plus ils ont arrousé ceste fatale plante,
Et fait euidemment regermer et fleurir Ce que l’espoir humain pensoit faire mourir.
C’est pourquoy désormais sous de meilleurs auspices Que ceux ou de la guerre ou des autres supplices,
Il faut chercher en Dieu les moyens d’arracher Sa seconde racine, ou la faire seicher :
Et ces moyens-là, SIRE, il faut que la mémoire Vous-defere à iamais la loüange et la gloire De les auoir trouuez, si vos sages desseins Succèdent aussi bien qu’ils sont iustes et saincts.
Car comme auoir assis le vice et l’ignorance Dans les thrônes sacrez des Eglises de France,
A fait que ces malheurs lors encore naissans.
Depuis se sont rendus si grands et fleurissans :
Tout de mesme, esleuer à ces grades suprêmes Vn eminent sçauoir et des vertus extrêmes.
Exciter par bien-faicts les champions de Christ A combatre pour luy de bouche et par escrit, R’appeller au chemin les âmes esgarees,
S’esioüir de les voir du piege retirées,
Asseurer des faueurs de sa Royale main Ceux que la seule peur d’vne honteuse faim Retient en l’autre part liez par les salaires Dont le soucy public nourrit leurs ministères,
Brief, sçachant qu’augmenter l’Empire de la Foy, C’est l’vn des saincts deuoirs d’vn grand et iuste Roy, Procurer sa victoire, et combattant pour elle Monstrer qu’auec ardeur on defend sa querelle.
Ce sont les vrais sentiers conduisans au bon-heur De reuoir triompher l’Espouse du Seigneur,
Agar se dêchasser, quelque espoir qui la paisse.
Et Sarra demeurer seule dame et maistresse.
Or, SIRE, qui ne sçait que des chemins si doux Sont pour la plus grand’ part desia suiuis de vous ?
A qui ne parut point l’ardeur de ceste flame Qu’vn zele tout celeste allumoit en vostre ame.
Il8 Œvvres poétiqves
Quand ce docte Prélat^, en qui luit le pouuoir Qu’a l’extrême éloquence et l’extrême sçauoir, Combatoit deuant vous des armes de l’Eglise Pour la foy dont la garde en vos mains s’est commise? Vous sembliez du désir combatre auecques luy : Chaque mot vous combloit ou de ioye ou d’ennuy : L’honneur qu’il s’acqueroit paroissoît vostre gloire : Et tout autant de (ois qu’il gaignoit la victoire, Soudain le feu de ioye en luisoit dans vos yeux Estincelans alors comme estoilles des Cieux.
Aussi (SIRE) auez vous, par la seule conduite De ce petit combat, mis plusieurs camps en fuite : Gaignê plusieurs lauriers non sanglamment vainqueurs Et conquis tout d’vn coup cent millions de cœurs.
Qui maintenant pour vous bruslent d’amour extrême. Et qui pour vostre vie iroient à la mort mesme.
O que ce grand Pontife^ à qui par dessus tous. Dieu commet le troupeau qu’il garantit des loups.
En receura de joye, et qu’apres tant de craintes Dont il ressent pour nous les secrettes attaintes.
Il conceura d’espoir de voir à l’aduenir Les malheurs de la France heureusement finir!
Il m’est aduis desja que i’entens sa pensee Vous dire d’vne voix par le cœur prononcée.
Grand Roy, face le Ciel que les traits du malheur Se trouuent tous sans pointe assaillans ta valeur.
Puis que rendant mon ame en ses vœux si contente. Tu ne me frustres point de la fidelle attente Que ie conceu de toy, quand malgré les efforts Des diuers ennemis qui t’impugnoient alors.
Quand malgré le conseil, quand malgré la menace.
Des vns pleins d’artifice et des autres d’audace.
Au milieu des frayeurs qu’on me donnoit de toy.
Sans autre gage humain que celuy de ta foy, •
