Voyez Œuvres de L'JIospital, t. II, p

L'flOSPlTAL ET LES PARLEMENTS 71

composer et comporter en vos jugements, sans blasme, tenant la droicte voye, sans décliner à dextre, ni à sénestre '.

Vous jurez à vos réceptions garder les ordonnances, et entrez en vos charges par serment; jurez et promettez les garder et faire garder; les gardez-vous bien? La plupart d'icelles est mal gardée, et en faictes comme de cire et ainsy qu'il vous plaist.

Messieurs, messieurs, faictes que l'ordonnance soit pardessus vous. Vous dictes estre souverains : l'ordonnance est le commandement du roy, et vous n'estes pas pardessus le roy. Doncques le serment que vous faites d'icelles garder est vain.

Lysias, ancien orateur, disoit que, tout ainsy qu'en la lyre ou luth, les cordes répondent à la main, au semblable fault que la volonté des juges s'accorde avec l'intention du législateur : le roy faict une ordonnance ; vous l'interprétez, vous la corrompez, vous allez au contraire : ce n'est pas à vous. Les juges qui ne se veulent conformer au législateur sont comme les voleurs qui tirent au contraire du gouverneur % et pourtant font péricliter le navire ; ou comme le père de famille qui n'est obéy des siens en sa maison.

Si vous trouvez, en pratiquant l'ordonnance, qu'elle soit dure, difficile, mal propre et incommode pour le pays où vous estes juges, vous la debvez pourtant garder, jusqu'à ce que le prince la corrige, n'ayant pouvoir de la muer, changer ou corrompre, mais seulement user de remonstrance.

Au demourant, messieurs, prenez garde, quand vous viendrez au jugement, de n'y apporter point d'amitié, ne de faveur, ne de préjudice. Je veois beaucoup de juges qui s'ingèrent et veulent estre du jugement des causes de ceulx à qui ils sont amys ou ennemys. Je vois chascung jour des hommes passionnez, ennemys ou amys des per-

i. « A droile, ni à gauche. »