Violences

Théopompe fut roy de Sparte ; il créa des magistrats qui furent appelez les éphores, et ordonna que les roys ne feroient aulcune chose d'importance sans leur conseil : sa femme le tança, luy disant que c'estoit honte à luy de laisser à ses enfans la puissance royale moindre qu'il ne l'avoit reçeue de ses prédécesseurs. A quoy respondit Théopompe : <c Moindre n'est-elle , mais plus modérée ; et ores qu'elle fust moindre, elle sera, par ce moyen, de plus longue durée; car toutes choses violentes ne durent guères. »

Or, les Estats assemblés en ce lieu ont été délibérez par le feu roi à Fontainebleau.... pour trouver moyen d'apaiser les séditions.

L'Hospital examine les diverses causes de séditions, et passe en revue les griefs du clergé, de la noblesse et du tiers état :

Les rois debvroient être contents de leurs pays et royaumes, oster l'ambition qui leur fait désirer aultres nouveaux royaumes {Exemples : Alexandre, Pyrrhus et Cinéas). — Je vouldrois aussi que les roys se contentassent de leur reveneu, chargeassent le peuple le moins qu'ils pourroient, estimassent que les biens de leurs dicts subjets leur appartiennent imperio, non dominio et proprietate* ; aussi les subjects l'aimassent et reconnussent pour roy et seigneur, l'aidassent de leurs personnes et biens, luy obéissent, non de bouche seulement, et par luy faire révérences et aultres semblables honneurs, mais par vraye obeyssance, qui est de garder ses vrays et perpétuels commandemens, c'est-à-dire ses loyx, ëdicts et ordonnances, auxquels tous doyvent obeyr, et y sont subjects, excepté le roy seul.

L'estat de l'Eglise * recognoisse sa grande puissance, qui est sur nos âmes, la meilleure partie de nous, voire sur celle du roy, les honneurs et dignités qu'il a en ce royaume,