Ici, « charge, oppression, vexation

Les Elections. — grinTaudet 47

Ce mot, gens de justice, est le nom qui sépare le licite d'avec l'illicite, le juste d'avec l'injuste, l'équité d'avec l'iniquité, et pour ce sont appelles prélats de la déesse Justice ; desquels la première protestation est : mesprisertoute œuvre mercenaire et questaire, parce que la science des droicts est très saincte, qui ne se doibt priser ni souiller par or ni argent. Lequel par aucuns est prins si desmesureement qu'au lieu de ce mot gens de justice, ils doyvent être nommés sangsues du peuple, qui en tirent et sucent le sang et substance, duquel les affamés s'engraissent, pauvres s'enrichissent, et acquestent les grandes terres et seigneuries, font les somptueux et superbes bastiments. Leur ministère , jurisdiction ou distribution de justice, n'est autre chose qu'une boutique où se détaillent par le menu leurs offices qu'ils ont achetés en gros. Le noble, l'homme d'Église, le roturier, le pèlerin, la veuve, l'orphelin, l'impotent et mendiant n'auront aucune sentence, soit interlocutoire ou définitive, qui ne soit taxée, prisée et payée auparavant la prononcer. L'offensé, l'enfant du tué, n'auront décrets d'adjournement personnel, ou prinse de corps, sans argent. L'accusé prisonnier ne sera interrogé par le juge, sinon qu'il avance son salaire. Vengeance du delict et crime public ne sera faicte et poursuyvie, sinon que les juges soyent asseurés estre payés de leurs vacations sur les biens des accusateurs ou accusés. Et encores, le mal est es ministres de justice qui, au moyen qu'ils sont perpétuels et qu'ils ne rendent compte de leur administration, sont si ambitieux, si craints et redoutés, que nul n'ose parler de leurs fautes. Et, en ceste conscience d'impunité , aucun tombent en licence de faire infinis maux, et plusieurs contrats d'acquêts, et d'autres commerces, plus par impression de la grandeur des dignités et offices qu'ils soustiennent que par la libre volonté de ceux qui contractent avec eux *.

1. a Les chats fourrez sont bestes moult horribles et espouvan tables s ilz mangent les petits enfants et paissent sur des tables de marbre.... Ont aussi les gryphes tant fortes, longues et acérées, que rien ne leur eschappe, depuis que une foys l'ont miz entre leurs serres....

Grimaudet insiste, et passe en revue les excès des juges, de leurs sergents et officiers, et arrive au tiers État :

Reste le tiers Etat, lequel trouvons sans macule publique. C'est celuy qui soustient les guerres, au temps de paix entretient le roy, laboure la terre, fournit de toutes choses nécessaires à la vie de l'homme, toutesfois est grandement taillé de subsides et taxes insupportables. Le roy et messieurs de son conseil en ont eu pitié, ont commencé à luy faire diminution des tributs qu'il avoit. Est nécessaire faire remontrance à Sa Majesté de l'indigence de ce pauvre commun, auquel sont tant imposées de tailles, qu'il travaille jour et nuict et ne peut du salaire de ses journées et labeur de ses mains fournir à les payer ; et pour y suppléer est souvent contrainct vendre sa vache, son porc, son lict, ne manger et boire que du pain et de l'eau, et coucher sur la dure

Et notez que si vivez encore six olympiades, vous voyrrez ces chats fourrez seigneurs de toute l'Europe et possesseurs pacifiques de tout le bien et domaine qui est en ycele, si en leurs hoyrs par divine punition soudain ne dépérissayt le bien et revenu par eux injustement acquiz. Parmy eulx règne la sexte essence, moyennant laquelle ils grippent tout, dévorent tout et déguastent tout : ils brûlent, escartèlent, décapitent, meurdrissent, emprisonnent, ruinent et minent tout sans discrétion de bien et de mal. Car, parmy eulx, vice est vertu appelé, meschanceté est bonté surnommée, trahison ha nom de feaulté, larrecin est dict libéralité; pillerye est leur devise, et par eux faicte est prouvée bonne de tous humains, exceptez moy, les hérétiques : et le tout font avecques souveraine et irréfragable autorité. Si jamais peste on (au) monde, famine ou guerre, voraiges, cataclismes, conflagrations, malheurs adviennent, ne les attribuez, ne les référez aux conjunctions des planètes maleflcques, aux abus de la cour romaine, ou tyrannie des roys et princes terriens, à l'imposture des caphars, hérétiques et faulx prophètes, à la malignité des usuriez, faulx monnayeurs, rogneurs de testons; ne à l'ignorance et imprudence des médecins, cirurgiens, apolhécaires ; ne à la perversité des femmes adultères, vénélicques, infanticides ; attribuez le tout à la rage indicible, incroyable et inestimable meschanceté laquelle est continuellement forgée et exercée en l'officine de ces chats fourrez et n'est au monde connue non plus que la cabale des Juifs : pourtant n'estelle détestée, corrigée et punye, comme seroit de raison. > (Rabelais).

LES ÉTATS D'ORLÉANS. — L'HOSPITàL 49

Le pauvre bonhomme est comme la brebis qui tend le dos pendant qu'on luy oste la laine ; il est pauvre, destitué de biens et d'amis contre la richesse et support des fermiers et officiers du grenier. Dieu commande à vous, messieurs les nobles et de l'Église , qui avez les biens du monde, prendre la cause de ces pauvres rustiques en main, porter leurs plaintes au roy. Il est prince clément et débonnaire, gouverné et conduict par une très excellerte, très sage et très pitoyable dame, madame sa mère, par très prudents et sages princes et seigneurs amateurs du peuple. Il oyra volontiers ceste plainte, la plus juste et lamentable qui sera faicte aux Estats. Le moyen d'y remédier est le supplier recevoir le peuple à amortir ce tribut, comme ont esté receus les manans et habitants de Poictou ; ou s'il ne luy plaist, à tout le moins son plaisir soit recevoir le pauvre peuple à supprimer tous les officiers du grenier et imposer sur le peuple comme il reçoit des proffits des greniers. Et ce faisant, le prince sera sans intérest, et le peuple soulagé du plus grief tribut qu'il ait. . .

§ 2. — Les États d'Orléans (1560). — L'Hospital.

François II mourut le 5 décembre 1560; les États se réunirent le 13. — L'Hospital, en sa qualité de chancelier, prononça le discours d'ouverture :

Messieurs,

Dieu qui donna la volonté au roy François II d'assembler et semondre les Estats de son coyaume en ceste ville d'Orléans, a y celle continué au roy Charles son frère, notre souverain seigneur, et à la royne mère des deux rois. Et combien que, par la mort dudict feu roy, semblast que les Estats deussent être interrompeus, et que le changement du roy deust apporter avec soy mutation de beaucoup de choses, comme voyons souvent advenir, mesme quand les

roys sont jeunes et en bas aage, qui donne occasion aux mauvais de mal faire : toutesfois ce changement n'a apporté non seulement aulcunes nouvelles émeutes et séditions, ains a apaisées et amorties celles qui lors estoient. Et comme nous veoyons, à ung jour obscur et plein de nuées et brouillards, que le soleil à sa venue rompt et dissipe la nuée, et rend le temps clair et serein; ainsi le visage de nostre jeune roy a percé jusques au fond des cœurs des princes du sang, et aultres seigneurs, a chassé et osté tous soupçons, passions et affections qu'ils pouvaient avoir, les a pacifiés, liés et unis tellement ensemble qu'il n'y a maison privée où les frères soient si bien unis, accordans et obéissans à leur père, commç sont lesdicts princes et'seigneurs avec le roy leur seigneur, pour lui obeyr et à la reine sa mère.

Après s'être félicité de la concorde qui règne entre tous les membres de la famille royale, L'Hospital parle de l'habitude de convoquer les États généraux 1 et des avantages qu'en reçoivent le roi et le peuple :

Âulcuns ont doubté s'il estoit utile et profitable aux roys de tenir les Estats, disant que le roy diminue aulcunement sa puissance de prendre l'adviz et conseil de ses subjects, n'y étant obligé ne teneu. Et aussi, qu'il se rend trop familier à eulx, ce qui engendre mespriz et abaisse la dignité et majesté royale.

Telle opinion me semble avoir peu de raison. Premièrement, je dis qu'il n'y a acte tant digne d'ung roy, et tant propre à luy, que tenir les Estats, que donner audience générale à ses subjects et faire justice à chascung. Les roys ont été esleus premièrement pour faire la justice, et n'est acte tant royal faire la guerre que faire justice; car les tyrans et les maulvais font la guerre autant que les roys, et bien souvent le maulvais la faict mieux que le bon.

Aussi, dedans le scel de France n'est empreinte la figure

, 1. Cet historique des États généraux était un lieu commun officiel des discours des chanceliers.

du roy armé et à cheval, comme en beaucoup d'aultres parties; mais séant en son throsne royal, rendant et faisant la justice

Davantage les roys, tenant les Estats, oient la voix de vérité qui leur estoit souvent cachée par leurs serviteurs ; pour cette cause, ung bon et ancien autheur les admoneste de lire les histoires et livres qui enseignent comme il fault gouverner les royaumes : car, par la leçon d'iceulx, les roys connoistroient ce que leurs amys ne leur osent ou veulent dire.

Combien de pauvretez, d'injures, de forces *, d'injustices qui se font aux peuples, sont cachées aux roys, qu'ils peuvent ouyr et entendre, tenant les Estats! Cela retire les roys de trop charger et grever leur peuple, d'imposer nouveaulx subsides, de faire grandes et extraordinaires despenses, de vendre offices à maulvais juges, de bailler éveschez et abbayes à genz indignes, et d'aultres infinis maulx, que souvent, par erreur, ilz commettent; car la pluspart des roys ne veoyent que par les yeux d'aultruy, et n'oient que par les oreilles d'aultruy : et, au lieu qu'ils deussent mener les aultres, se laissent mener.

Qui est la cause qu'aulcuns bons roys, se défiant de ceulx qui sont autour eulx, se sont déguisez et meslez entre le peuple inconneu, pour sçavoir et entendre que l'on disoit d'eulx, non pour punir ceulx qui en disoient mal, mais pour soy amender et corriger. Le bon roy Loys douzième prenoit plaisir à ouyr jouer farces et comédies, mesme celles qui étoient jouées en grande liberté, disant que, par là, il apprenoit beaucoup de choses qui estoient faictes en son royaume, qu'aultrement il n'eust sceu.

Ceulx qui disent : le roy diminue sa puissance, ne le prennent bien ; car, encore que le roy ne soit contrainct et nécessité prendre conseil des siens, toutesfois il est bon et honneste qu'il fasse les choses par conseil ; aultrement, il fauldroit oster toutes manières de conseil, comme le privé conseil, parlement et aultres.