L'HOSPITAL AU COLLOQUE DE POISSY

royaulme, que, combien qu'il n'y avoyt de rigueur qu'on ne les ayt faict passer l'espace de trois ans, si est-ce que cela n'a de rien servy pour exterminer ou moindrir le nombre, lequel, au contraire, est tellement augmenté que, nonobstant toutes peines, il est aujourd'huy infiny. Ce qui nous doibt maintenant servir de bon advertissement, qu'il est besoing de garder ung aultre moyen, si on veult mettre une bonne paix en ce royaulme.

Et pourtant, s'il est question de donner ung bon adviz au roy sur ce faict, il fault commencer par là : à savoir de adoulcir les rigueurs passées pour le regard de ceulx qui se sont reculés en ung ordre qu'on appelle l'Église, ayant une confession de foy commune en ce, pour les raisons et considérations qui s'ensuyvent.

Premièrement, c'est une chose convenable au debvoir et office du roy, d aimer et procurer non seulement la prospérité extérieure de ses subjects, mais principalement le salut de leurs âmes et paix en leur conscience ; or la conscience est de telle nature qu'elle ne peult être forcée, mais doibt être enseignée, et n'être point domptée ny violée, mais persuadée par vraies et suffisantes raisons; et mesme la foy seule, à estre çontraincte, elle n'est plus

la foy.

Or, si ce.ux qui ont laissé les cérémonies anciennes estoient teneus en force avant la résolution d'un bon concile ou assemblée, seroit faulser leur conscience.... Et ce qui nous doibt émouvoir davantage, c'est l'offre de ceux qu'on appelle évangélistes , lesquels ont toujours offert d'eulx assujetir à la parolle de Dieu ; laquelle ils disent recognoistre par la seule règle de vérité, et ont toujours demandé estre oys en ladicte deffense, mesmes aujourd'huy le demandent par une requête présentée au foy.

Il n'est, du reste, pas facile de les convaincre d'hérésie....

... Ils receoivent l'Escriture saincte, le symbole des apostres ou les quatre principaulx conciles, et la confes-

sion par eulx dressée, et tout leur différend est eii cela qu'ils veulent aujourd'huy que l'Église soyt réformée en la façon de la primitive.

Cependant ils croyent en Dieu, la Trinité, confessent la saincte Escriture, ne cherchent d'autre salut qu'en Dieu Jésus-Christ.

Il est merveilleux qu'on a vu par cy-devant, en la mort de plusieurs d'entr'eux, exécutez pour la religion, une conscience admirable et une voye plus que humaine, par laquelle ils surpassoient les frayeurs et appréhensions de la mort; mais chantant au milieu des flammes1, invoquant à haulte voix le nom de Notre-Seigneur Jésus- Christ; et, en quelque partie qu'on l'interprète, si est-ce qu'il appert clairement par cela que telles gens sont résoleus et persuadez qu'ils tiennent une bonne doctrine, et ne sont comme plusieurs séditieux qui ont mauvoise conscience, et contre le témoignage d'ycelle taschent néantmoins à empoisonner le peuple de leurs erreurs ; et pourtant ne fault procéder contre les ungs comme on faict contre les aultres.

Pour lesquelles choses il appert que, s'il plaist à la majesté du roy d'avoir soing de la conscience et salut de ses subjects, comme il est très raisonnable, il doibt user de moyen doulx, "paisible et propre ; à quoi il faut adjouter la considération du service du roy et repos de son peuple.

Auxquelles choses si on a bien esgard, comme il appartient, on trouvera qu'il est du tout nécessaire de choisir la plus doulce et bénigne voye qu'il sera possible pour appaiser lesdictz différendz : car le nombre desdits évangélistes est si grand aujourd'huy, et si amplement par tout ce royaulme est composé de si grandz et notables personnes, qu'il serait non seulement mal aisé, mais du tout quasy impossible d'arracher une chose qui a tant et si profonde racine.

Et, quand cela se pourroit faire parle moyen de l'espée, ce seroit autant diminuer les forces, attendu que la plus-

i. Comparez le Saint- Genest de Rotrou.

l'hospital au colloque de poissy 65

part des évangélistes sont gens de faict et nobles, lesquels, comme chascung sçait, servent de colonnes au roy, sur lesquels son aucthorité est principalement appuyée.

En fault néantmoins considérer l'accord et l'intelligence qui est entre lesdits évangélistes, leur ordre et discipline, par laquelle, combien qu'ilz soyent espars jusqu'aux plus lointaines provinces de ce royauime, néantmoins sont tous d'une volonté et mesme propos, qui est une chose admirable, comme se veoit à l'œil aujourd'huy par la requeste et profession de foy présentée au roy de leur part, ayant envoyé en court certains personnages par eux députés, ayant procuration pour le faire.

Il y. a plus; car, combien que la rigueur fust louable en cest endroict, si n'est elle néantmoins utile en ce temps que le roy est en bas aage, et qu'il y a des querelles, mesme entre les grands (peult-estre), qui s'enflammeroient par une telle occasion ouvertement; qui seroit chose préjudiciable.

Davantage, les évangélistes n'ignorent pas que la plupart des princes de ce royauime, en ceste dernière assemblée des Estais, ont requiz beaucoup de choses en leur faveur, par quoy s'il se faict ordonnance au contraire, il est à craindre que les plus vaillants d'entre eulx se battent de la vérité d'ycelle, et taschent à remuer mesnage, soubs prétexte du bas aage du roy et aucthorité des estats.

Chascung sçait quelle ruyne cela tireroit après ss>ymesmes, es grandz affairez desquels'il est maintenant.

A cela s'est veu que depuis quelque temps lesdicts évangélistes ont résisté par force et vigilance à l'oppression du peuple, qui ne s'estoit guère veu auparavant.

Oultre plus y auroit une perte au royauime, qu'on ne sçauroit estimer; car, à cause des poursuites que Ton feroit, plusieurs seroient contraincts s'en aller; et, par ce moyen, le domayne appauvri du bien qu'ils emporteroient avec eulx, et principalement les desgarnissements de plusieurs genz d'esprit qui pourroient grandement servir à la république.

Quant à leurs assemblées, il ne les fault point séparer de leur religion; car ils croyent que la parole de Dieu les oMige estroitement de s'assembler pour oyr la prédication de l'Évangile, et participer aux sacrementz, et tiennent cela pour article de foy.

Tellement que, pour leur deffendre *, ils ne s'en abstiendront pourtant, tout ainsy qu'on ne les a jamais peu faire despartir de leur religion, et est vraysemblable qu'ilz endureront plustost cent mille maulx, que d'être privez de leurs assemblées, lesquelles on a veu par expérience, nonobstant les esdicts des feux roys Henri et François, n'avoir cessé.

Joinct aussi qu'il ne se trouvera pas que les assemblées soyent séditieuses, mais au contraire.

Et est appareu qu'en ycelles on prie Dieu pour le roy, pour lesjudges de son royaulme, et pour tous les hommes, et est une chose fort contraire au prince de rendre son peuple sans forme de religion et exercice d'ycelle. Car de là proviendroient les athéismes, rébellions et aultres inconvénients qui n'adviendront quand les hommes sont réglez par quelque discipline ; et ne fault persuader que les menaces seules puyssent bien ployer les cœurs des subjects à l'obeyssance de leur prince, s'il ne s'entend en eulx que Dieu les auroit à ce obligez; et par ce moyen rendront tousjours à leur prince une obeyssance d'aultant plus durable qu'elle sera prompte et volontaire.

jjit, puisque les évangélistes ont si bonne opinion des roys, comme ils protestent mesme par leur commune profession de foy au dernier article, il est très équitable, par bon traitement et doulceur, les contenir en ceste bonne et saincte opinion.

On peult aussy considérer que la pluspart des voisins de ce royaulme, comme Anglois, Écossois et Suisses, ayant mesme religion que lesdictz évangélistes, seront totalement aliénez du roy, si les poursuites contre ceulx de ladicte religion ne cessent; il y auroit danger que telle