LE FAVORY MAL-CONTENT

Tay souuent feint une langueur Pour accuser vne rigueur Qui m’estoit fort indifférente :

Et loüé mille appas charmans Au visage d’une Amarante,

Contre mes propres sentimens.

Mais depuis que vous m’engagez Tous ces subjects sont bien vangez Des passions qu’ils m’ont veu feindre : Et cette ardeur me punit bien Des maux dont on m’entendoit plaindre Alors que ie ne sentois rien.

Yris ie n’ay plus de repos,

Mon souuenir à tous propos Me vient représenter vos charmes :

Et pensant à vos cruautez le ne fais que verser des larmes Sur l’image de vos beautez.

La Cour du Prince que ie sers Me desplaist au prix des deserts ;

Sa faueur mesme m’importune.

Car le plus digne traictement Que me peut faire la Fortune Ne peut adoucir mon tourment.

Dequoy me sert la vanité Qu’vne iuste prospérité M’esleue au dessus de l’Enuie :

Et qu’vn monde voulust périr Afin de prolonger ma vie.

Quand Iris me laisse mourir?