XV

INaVIETVDES

STANCES

D’où vient qu’vn penser indiscret M’entretient tousiours en secret D’vn sujet qui m’est si contraire ;

Et conueincu de trahison.

Ne sçauroit iamais se distraire 6 De me présenter du poison ?

Quel doux & cruel mouuement Veut rendre ainsi de mon tourment Mes volontez mesmes complices ?

Et flatant de nouueaux désirs.

Sous l’aparance des delices,

12 Me desguise les desplaisirs ?

Apres tant de regrets conçeus Et tant d’ayguillons aperceus Sous le trompeur esclat des roses ;

Suis-je bien assez malheureux Pour permettre aux plus belles choses 18 De me rendre encore amoureux ?

XIV. Les Amours. — 13. Et tout autre Sujet XV. Les Amours. — 13. Apres tant de regrets confus

Apres tant de viues douleurs.

Apres tant de sang & de pleurs Que i’ay versez dessus ma flame ; Auroy-je l’indiscrétion De liurer encore mon Ame Au pouuoir de ma passion ?

O prudente et forte Raison Qui m’as tiré d’vne prison Ou ie respendois tant de larmes :

le n’ay recours qu’à ta bonté,

Vueille encore prendre les armes Pour deffendre ma liberté.

l’aperçoy desia mon trespas Couuert des inocens apas Que Philis sçait mettre en vsage :

Philis ce chefd’œuure des Cieux Qui n’a de douceur qu’au visage,

Ny d’amour que dans ses beaux yeux.

O Raison, Celeste flambeau Acheue vn ouurage si beau :

Mais quoy, tu perds cette victoire.

Et malgré tes sages propos,

L’obiet qui régné en ma mémoire Vient encor troubler mon repos.

RESOLVTION d’aYMER