LA BELLE EN DVEIL

SONNET

Que vous auez d’apas, belle Nuit animée !

Que vous nous apportez de merueille et d’amour.

Il faut bien confesser que vous estes formée 4 Pour donner de l’enuye et de la honte au iour.

La flame esclate moins à trauers la fumée

Que ne font vos beaux yeux sous vu-sL-somhfe atour,

Et de tous les mortels, en ce sacré seiour,

8 Comme vn celeste obiet vous estes reclamée.

Mais ce n’est point ainsi que ces Diuinitez Qui n’ont plus ny de vœux, ny de solemnitez Il Et dont l’Autel glacé ne reçoit point de presse.

Car vous voyant si belle, on pense à vostre abord Que par quelque gageure où Venus s’intéresse,

14 L’Amour s’est desguisé sous l’habit de la Mort.