XXIX

A MESSIRE ANTHOINE DE LAGE seigneur de Puylorant SONNET, fait Tan 1629.

Vous, pour qui la Fortune a desbandé ses yeux.

Afin d’aperceuoir Tobiet de nostre estime Et d’esgaler en vous d’un effort légitimé,

Les dons de la Nature & les grâces des Cieux.

Vous qu’vn noble désir porte sur tous les lieux Où le péril se treuue & la valeur s’exprime.

Et qui fuyant tousiours le reproche et le crime,

Suiuez auec ardeur les pas des Demi-dieux.

Puylorant, dont la Gloire acompagne la vie.

Qui voyez vos Destins au dessus de l’Enuie Et ne manquez non plus de foy que de crédit :

Il va beaucoup du vostre à finir ma tristesse ;

Acheuez vostre ouurage, & qu’il ne soit pas dit Que ie sois malheureux contre vostre promesse.