CLXXXIII
Amours hait les enuques
Comme Pineau, ce pauvre complaignant, Tyrast a droit les nymphites d'amours Il succomba, nulz tesmoings enseignant Peult vaincre en cause ung enuque en noz cours.
Au juge de la Prevosté Le Bret
N'auray-je rien pour mes leclres en prose Ny pour Teffect de ma juste requesle ? Faut-il rythmer pour si petit de chose Dont le butin prophane la conqueste?
Bien de pardieu ! si grâce en est desclose, Grand deviendra ce peu que j'en compose, Monstrez la doncq que plus ne vous en breste, Car tant prier, comme je présuppose.
Ce ne vous est qu'un rompement de teste.
» Sic ?
Doloreux est le regard de Gylon
Qui regardoit jadis Méduse en face
Il devenoit souldain en pierre dure.
Or maintenant, si quelqu'un prend l'audace
De te myrer, quel sera son augure ?
Il sera roc, de piteuse adventure.
Et en ce roc a jamais demourront,
Espoir, pleur, dueil, ennuy, soucy, jacture
Et bienheureux pourtant qui te voyrront.
Célébration de la vigile Saint-Martin
Gentilz pions, amys de la bouteille, Qui vous levez pour mieulx boire matin, Je vous requers qu'un chascun s'apareille Pour célébrer la feste Sainct-Martin !
Gens savourans liqueur blanche et vermeille, Acourez tous au solennel festin Que Bachus faict soubz une verde treille. Pour boire en grec, en flamant, en latin !
Meurtriers de vin, dont la gorge traveille Depuys le jour jusqucs au vespertin, Beuvez si fort que le vin s'en merveille Pour célébrer la fesle Sainct-Martin I
Gens saphirez qu'un dint de verre esveille, Ausquelz le boire eschauffe Tavertin, N'espargnez pas le creux de vostre beille Pour boire en grec, en flamant, en latin !
Beuveurs d'aultant, beuveurs pour la pareille, Vuydeurs de potz et tasses a butin, Chascun de vous en ce jour se reveille Pour célébrer la feste Sainct Martin !
Gros taverniers, beuvans a pleine seille, Filz du pressoir ayans cerveau mutin, Monstrez qu^avez alaine nompareille Pour boire en grec, en flamant, en latin !
Prince Bacchus, le grand Dieu, vous conseille, Quand vous aurez avalle mainct tatin, Que reprenez goust en une aultre fueille Pour boire en grec, en flamant, en latin ! Puys soubz la table ung chascun s'assommeille Pour célébrer la feste Sainct Martin !
