BALLADE LVII

SLR LA GLÉRISO> DE LA DLCHESSE D* ORLÉANS.

Si tost que l'autre jour j'ouy

Que ma souveraine sans per

Estoit guérie, DieLi mercy !

Je m'en alay sans point tarder

Vers mon cueur pour le luy compter.

Mais, certes, tant le désiroit

Qu'à paine croire le povoit,

Pour la grant amour qu'a en elle.

Et souvent à par soy disoit :

Saint-Gabriel! bonne nouvelle!

Je lui dis : « mon cueur, je vous pry, Ne vueilliez croire ne penser Que moy, qui vous sui vray amy, Vous vueille mensonges trouver Pour en vain vous réconforter; Car trop mieulx taire me vauldroit Que le dire, si vray n'estoit.

Mais la vérité si est telle.

Soyez joyeux comment qu'il soit :

Sa int- Gabriel ! bonne nouvelle! »

Alors mon cueur me respondy :

« Croire vous vueil sans plus doubler,

Et tout le courrous et soussy

Qu'il m'a convenu endurer

En joye le vLieil retourner. »

Puis après, ses yeux essuyoit

Que de plourer moilliez avoit,

Disant : « Il est temps que rappelle

Espoir qui délaissié m'avoit :

Saint-Gabriel! bonne nouvelle! »

Tl me dist aussy qu'il feroit

Dedens l'amoureuse chap pelle Chanter la messe qu'il nommoit Saint-Gabriel ! bonne nouvelle î