BALLADE LVI

AU DUC DE BOURBON (21)

Puis qu'ainsi est que vous alez en France, Duc de Bourbon, mon compaignon très chier, Où Dieu vous doint, selon la desirance Que tous avons, bien povoir besongnier; Mon fait vous vueil descouvrir et changier Du tout en tout, en sens et en folie, Trouver ne puis nul meillieur messagier : Il ne fault jà que plus je vous en dye.

Premièrement, se c'est vostre plaisance,

Recommandez-moy, sans point l'oublier,

A madame ; aiez en souvenance

Et lui dittes, je vous pry et requier,

Les maulx que j'ay quant me fault esloingnier,

Maugré mon vueil, sa doulce compaignie;

Vous scavez bien que c'est de tel mestier :

Il ne fault jà que plus je vous en dye.

Or y faictes, comme j'ay la nance,

Car ung amy doit pour l'autre veillier.

Se vous dictes : « Je ne sçay, sans doubtance,

Qui est celle ? vueilliez la ensegnier, »

Je vous respons, qu'il ne vous fault serchier,

Fors que celle qui est la mieulx garnie

De tous les biens qu'on sçauroit souhaidier.

Il ne fault jà que plus je vous en dye.

Sy ay chargié à Guillaume Cadier

DE CHAULES D'OHLÉANS. 113

Que par delà bien souvent vous supplye ; Souviengne-vous du fait du prisonnier :

Il ne fault jà que plus je vous en dye.

CHANSON XLVIJJ.

En songe, souhaid et pensée , Vous voy chascun jour de sepmaine ; Combien qu'estes de moy loingtaine, Belle, très loyaument amée.

Pour ce qu'estes le myeulx parée De toute Plaisance-mondaine, En songe, souhaid et pensée, Vous voy chascun jour de sepmaine.

Du tout vous ay m'amour donnée ; Vous en povez estre certaine, Ma seule dame souveraine, De mon las cueur moult désirée, En songe, souaid et pensée.